任达华“年终无休”，平日接戏接唔停手，但每个农历年总会抽时间陪妻女去旅行放空。目前他们一家三口正身在英国伦敦避年，日前更齐齐到访唐人街，任达华以特别嘉宾身份参与舞狮庆典，期间遇上不少已移民当地的华裔居民纷邀合照，一向亲民的他自然无任欢迎，凼得大家开心不已。
任达华笑说﹕“当地过年气氛都好热闹，我又锺意舞狮嘛，咪去参加啰，原来佢哋舞狮功驾及技术都好利害，真系大开眼界。今次我仲搵到间好好味嘅中菜馆，食到我耳仔郁晒﹗”任达华更一时技痒，掏出手机拍下舞狮盛况留念，且透露：“囡囡Ella(任晴佳)就开学，我同太太嚟过年之馀，都要陪吓佢。呢个假期长咗少少，不过过几日我都要收拾心情飞返香港，准备开工嘞。”近年迷上绘画的他，亦抽空于当地欣赏画展，今次行程可谓相当丰富。
