༄༅།། དཀར་མཛེས་བོད་རིགས་རང་སྐྱོང་ཁུལ་གྱི་ཡ་རབས་སྤྱོད་ཚུལ་སྐུལ་འདེད་གཏོང་བའི་སྐོར་གྱི་སྲོལ་ཡིག།
(༢༠༢༣ལོའི་ཟླ་བ༡༠ཚེས༢༧ཉིན་དཀར་མཛེས་བོད་རིགས་རང་སྐྱོང་ཁུལ་མི་དམངས་འཐུས་མིའི་ཚོགས་ཆེན་སྐབས་བཅུ་གསུམ་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་གཅིག་པའི་ཐོག་གྲོས་འཆམ་བྱུང་ཞིང་། ༢༠༢༣ལོའི་ཟླ༡༡ཚེས༢༩ཉིན་སི་ཁྲོན་ཞིང་ཆེན་གྱི་མི་དམངས་འཐུས་མིའི་ཚོགས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་དགུ་པའི་ཐོག་ཆོག་མཆན་བཀོད།)
ལེའུ་གཉིས་པ། དར་སྤེལ་དང་ཚད་ལྡན་གྱི་སྐོར།
དོན་ཚན་ཉི་ཤུ་པ། རྫོང（གྲོང་ཁྱེར）དང་ཡུལ་ཤོག（གྲོང་རྡལ）མི་དམངས་སྲིད་གཞུང་གིས་རང་སྲིད་འཛིན་ས་ཁོངས་ཀྱི་གྲོང་མི（གཞིས་མི）ཨུ་ལྷན་དང་། ཁང་བདག་ཨུ་ལྷན། ལས་རིགས་མཐུན་ཚོགས་སོགས་གྲོང་སྲོལ་དམངས་ཆིངས（གཞིས་མིའི་སྤྱི་ཆིངས）དང་། ཁང་བདག་སྤྱི་ཆིངས། ལས་རིགས་མཐུན་ཚོགས་བཅས་ཀྱི་སྒྲིག་ཡིག་ནང་དུ་ཡ་རབས་སྤྱོད་ཚུལ་ཚད་གཞིའི་ནང་དོན་ནང་འཛུད་པར་མཛུབ་ཁྲིད་དང་སྐུལ་འདེད་གཏང་དགོས།
གྲོང་མི（གཞིས་མི）ཨུ་ལྷན་གྱིས་རང་ས་གནས་ཀྱི་དོན་དངོས་དང་ཟུང་འབྲེལ་བྱས་ཏེ་གཉེན་སྒྲིག་དང་འདས་མཆོད་སྐབས་ཀྱི་གསོལ་སྟོན་གྱི་གཞི་ཁྱོན་དང་། ཚད་གཞི། ཁྱབ་ཁོངས་བཅས་དང་དེ་བཞིན་གཉེན་རྟེན་དང་། འབུལ་རྟེན། ལག་རྟགས་སོགས་ཀྱི་ཚད་གཞི་མཐོ་ཤོས་དང་དེ་བཞིན་གྲོང་ཡུལ་ཁོར་ཡུག་ཕྱོགས་བསྡུས་བཅོས་སྐྱོང་དང་། ཡུལ་སྲོལ་ཡ་རབས། བབ་ཆགས་དམངས་སྲོལ་འཛུགས་སྐྱོང་སོགས་འབྲེལ་ཡོད་དོན་ཚན་དེ་གྲོང་སྲོལ་དམངས་ཆིངས（གཞིས་མིའི་སྤྱི་ཆིངས）ཀྱི་ནང་དོན་གཙོ་བོར་བརྩི་དགོས་པའི་སྐུལ་མ་བཏང་ནས། ཁོངས་མི་ཡོངས་ཀྱིས་མཉམ་དུ་བརྩི་སྲུང་བྱ་རྒྱུའི་ཁྲིད་སྟོན་བྱ་དགོས།
来源：康巴传媒藏文
编辑：她姆措
校对：她姆措
二审：梅朵
三审：白玛曲吉
监制：彭刚
