༄༅།། དཀར་མཛེས་བོད་རིགས་རང་སྐྱོང་ཁུལ་གྱི་ཡ་རབས་སྤྱོད་ཚུལ་སྐུལ་འདེད་གཏོང་བའི་སྐོར་གྱི་སྲོལ་ཡིག།
(༢༠༢༣ལོའི་ཟླ་བ༡༠ཚེས༢༧ཉིན་དཀར་མཛེས་བོད་རིགས་རང་སྐྱོང་ཁུལ་མི་དམངས་འཐུས་མིའི་ཚོགས་ཆེན་སྐབས་བཅུ་གསུམ་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་གཅིག་པའི་ཐོག་གྲོས་འཆམ་བྱུང་ཞིང་། ༢༠༢༣ལོའི་ཟླ༡༡ཚེས༢༩ཉིན་སི་ཁྲོན་ཞིང་ཆེན་གྱི་མི་དམངས་འཐུས་མིའི་ཚོགས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་དགུ་པའི་ཐོག་ཆོག་མཆན་བཀོད།)
ལེའུ་གསུམ་པ། འགན་སྲུང་དང་སྐུལ་འདེད་ཀྱི་སྐོར།
དོན་ཚན་ཉེར་བཞི་པ། རང་སྐྱོང་ཁུལ་དང་རྫོང(གྲོང་ཁྱེར）མི་དམངས་སྲིད་གཞུང་གིས་ཡ་རབས་སྤྱོད་ཚུལ་སྐུལ་སྤེལ་གཏོང་བའི་ལས་ཀ་དེ་ལོ་འཁོར་གྱི་དམིགས་འབེན་དཔྱད་བསྡུར་གྱི་ནང་དོན་ནང་བཞག་ནས་འབྲེལ་ཡོད་འགན་འཁྲི་ལས་ཁུངས་ཀྱི་ཡ་རབས་སྤྱོད་ཚུལ་སྐུལ་སྤེལ་གཏོང་བའི་ལས་ཀར་ཞིབ་བཤེར་དང་དཔྱད་ཞིབ་བྱ་དགོས།
རང་སྐྱོང་ཁུལ་དང་རྫོང(གྲོང་ཁྱེར）མི་དམངས་སྲིད་གཞུང་གིས་ཀུན་སྤྱོད་དཔེ་བཟང་དང་། ཉེ་འགྲམ་གྱི་མི་བཟང་། རང་འདུན་པ་ཕུལ་བྱུང་སོགས་སྔོན་ཐོན་དཔེ་བཟང་དཔྱད་འདེམས་དང་གཟེངས་བསྟོད། གུས་ཞབས་ལྟ་སྐྱོང་བཅས་ཀྱི་ལམ་སྲོལ་འཛུགས་པ། རང་སྐྱོང་ཁུལ་དང་རྫོང(གྲོང་ཁྱེར）མི་དམངས་སྲིད་གཞུང་གིས་མང་ཚོགས་ཀྱི་རང་བཞིན་ལྡན་པའི་བསམ་པའི་དཔལ་ཡོན་འཛུགས་སྐྱོང་ལས་ཀར་རྒྱབ་སྐྱོར་བྱ་དགོས་པ་དང་། བསྔགས་སྐུལ་དང་བྱ་དགའ་སྤྲོད་པའི་ལམ་ལུགས་བཙུགས་ནས་མཚན་སྙན་ཐོབ་པའམ་བསྐྱར་ཞིབ་ཁྲོད་མིང་བཟང་རྒྱུན་སྲུང་ཐུབ་པའི་རིམ་པ་ཁག་གི་ཡ་རབས་གྲོང་ཁྱེར་དང་། ཡ་རབས་གྲོང་རྡལ། ཡ་རབས་ལས་ཁུངས། ཡ་རབས་སློབ་གླིང་། ཡ་རབས་ཁྱིམ་ཚང་བཅས་ལ་དངོས་པོའི་བྱ་དགའ་ངེས་ཅན་སྤྲད་དགོས།
ཁེ་ལས་དང་བྱ་གཞག་ལས་ཁུངས་དང་། སྤྱི་ཚོགས་ཀྱི་རྩ་འཛུགས་ཀྱིས་ལས་བཟོ་པ་དང་ཚོགས་མིའི་ཡ་རབས་སྤྱོད་ཚུལ་ལ་གཟེངས་བསྟོད་དང་བྱ་དགའ་སྤྲོད་པར་སྐུལ་མ་གཏང་དགོས།
来源：康巴传媒藏文
编辑：她姆措
校对：她姆措
二审：梅朵
三审：白玛曲吉
监制：彭刚
