༄༅།། དཀར་མཛེས་བོད་རིགས་རང་སྐྱོང་ཁུལ་གྱི་ཡ་རབས་སྤྱོད་ཚུལ་སྐུལ་འདེད་གཏོང་བའི་སྐོར་གྱི་སྲོལ་ཡིག།
(༢༠༢༣ལོའི་ཟླ་བ༡༠ཚེས༢༧ཉིན་དཀར་མཛེས་བོད་རིགས་རང་སྐྱོང་ཁུལ་མི་དམངས་འཐུས་མིའི་ཚོགས་ཆེན་སྐབས་བཅུ་གསུམ་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་གཅིག་པའི་ཐོག་གྲོས་འཆམ་བྱུང་ཞིང་། ༢༠༢༣ལོའི་ཟླ༡༡ཚེས༢༩ཉིན་སི་ཁྲོན་ཞིང་ཆེན་གྱི་མི་དམངས་འཐུས་མིའི་ཚོགས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་དགུ་པའི་ཐོག་ཆོག་མཆན་བཀོད།)
ལེའུ་གསུམ་པ། འགན་སྲུང་དང་སྐུལ་འདེད་ཀྱི་སྐོར།
དོན་ཚན་ཉེར་གསུམ་པ། རང་སྐྱོང་ཁུལ་དང་། རྫོང(གྲོང་ཁྱེར）གི་བསམ་པའི་དཔལ་ཡོན་འཛུགས་སྐྱོང་སློབ་སྟོན་ལས་ཁུངས་དང་དེའི་ལས་སྒྲུབ་ལས་ཁུངས་ཀྱིས་གཤམ་གསལ་འགན་འཁྲི་བསྒྲུབ་དགོས་པ་སྟེ།
(གཅིག）བསམ་པའི་དཔལ་ཡོན་འཛུགས་སྐྱོང་འཆར་གཞི་འགོད་པ་དང་། ཡ་རབས་སྤྱོད་ཚུལ་སྐུལ་སྤེལ་གཏོང་བའི་ལས་ཀའི་འགན་འཁྲི་དོན་ལ་འཁྱོལ་བའི་ནང་སྲོལ་འཛུགས་པ།
(གཉིས།）སྡེ་ཁག་དང་། ལས་ཁུངས། ལས་རིགས་མཐུན་ཚོགས། གཞི་རིམ་རྩ་འཛུགས་བཅས་ཡ་རབས་སྤྱོད་ཚུལ་སྐུལ་སྤེལ་གཏོང་བའི་ལས་ཀར་ཞུགས་པར་ཁྲིད་སྟོན་བྱ་རྒྱུ་དང་། ཡ་རབས་གྲོང་ཁྱེར་དང་། ཡ་རབས་གྲོང་རྡལ། ཡ་རབས་ལས་ཁུངས། ཡ་རབས་སློབ་གླིང་། ཡ་རབས་ཁྱིམ་ཚང་སོགས་མང་ཚོགས་རང་བཞིན་ལྡན་པའི་བསམ་པའི་དཔལ་ཡོན་འཛུགས་སྐྱོང་བྱེད་སྒོ་བསྡུས་ནས་སྤེལ་རྒྱུ་དང་། ཡ་རབས་སྤྱོད་ཚུལ་ལ་ཁྲིད་སྟོན་དང་སྐུལ་འདེད་གཏང་རྒྱུ།
(གསུམ།）གསར་བརྗེའི་སྲོལ་རྒྱུན་དང་། ཀྲུང་ཧྭའི་སྲོལ་རྒྱུན་རིག་གནས་ཕུལ་བྱུང་། སྤྱི་ཚོགས་སྤྱོད་བཟང་། ལས་རིགས་ཀུན་སྤྱོད། ཁྱིམ་ཚང་སྤྱོད་བཟང་། སྒེར་གྱི་ཀུན་སྤྱོད་དང་དེ་བཞིན་བཅའ་ཁྲིམས་དང་ཁྲིམས་སྲོལ་དྲིལ་བསྒྲགས་དང་སློབ་གསོ་བཅས་སྒྲིག་འཛུགས་བྱས་ཤིང་སྤེལ་ནས་དམངས་ཡོངས་ཀྱི་ཀུན་སྤྱོད་འདུ་ཤེས་དང་ཁྲིམས་སྐྱོང་འདུ་ཤེས་འཛིན་ཤུགས་ཆེ་རུ་གཏང་དགོས།
(བཞི།）བསྒྲུབ་དགོས་པའི་འགན་འཁྲི་གཞན་དག་བཅས་ཡིན།
来源：康巴传媒藏文
编辑：她姆措
校对：她姆措
二审：梅朵
三审：白玛曲吉
监制：彭刚
