有錢人移民去邊都是有錢人，無錢就邊度都難捱，尤其是離鄉別井，無親人朋友支援就份外難捱。近日有移英港人發文直言「真心想返香港...」，力數當地冇發展機會、搵唔到錢、生活沉悶、社交圈子細及外出消費CP值低。相反，有錢的移民人士則可以隨心所欲、自行調節，慨嘆「真係兩個世界」喎。
社交媒體上一個移英港人群組近日有成員發帖，表示與同路人傾過，得出5大難以適應當地生活的原因，包括：「冇發展機會；搵唔到咩錢；生活沉悶單調乏味、每日重複黑板、冇乜色彩；社交圈子細、冇親人冇朋友（交心／啱嘴形嘅）；以及外出消費CP值低，即係價錢貴但食到／接收嘅服務一般。」樓主坦言「如果日日去返工廠工日日單調咁生活，確實係好悶同好難過世嘅！」。
正所謂「沒有比較就沒有傷害」，樓主指若有錢人移民後面對同類問題，心態同行為都可自行調節，「出去識多啲新朋友、見舊朋友就返下香港、悶就去下旅行食下玩下咁，冇發展機會可以做下自己生意搵下錢咁」。
有網民一針見血地指出「一個字解釋：窮」，「有錢可以周圍去，點解只可以留係英國？一個字：窮」、「窮人思維模式」、「呢啲其實走之前自己都可以預計到，聽啲KOL話just leave，結果後果自負。」
（原文來源：點新聞）
(圖片轉自網絡)
覺得不錯，就點「在看」哦! ! ↓ ↓
