شي جينپيڭ ماڭىزدى ءسوز سويلەپ، مىنالاردى باسا دارىپتەدى

时事 2025-01-07 11:03 北京

شي جينپيڭ 20-كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە ماڭىزدى ءسوز سويلەپ، مىنالاردى باسا دارىپتەدى: پارتيانى رەفورما رۋحىمەن جانە قاتاڭ ولشەممەن باسقارۋعا، جونگە سالۋعا تاباندى بولىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىلدىقپەن ويداعىداي جۇرگىزۋ كەرەك، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ ماجىلىسكە قاتىناستى، لي شي ءماجىلىستى باسقاردى

ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1-ايدىڭ 6-كۇنى تۇستەن بۇرىن جۇڭگو كوممۋنيستىك پارتياسى 20-كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە ماڭىزدى ءسوز سويلەدى. ول مىنالاردى باسا دارىپتەدى: جاڭا داۋىردەن بەرى، پارتيانى جاپپاي قاتاڭ باسقارۋ مەن شىرىكتەسۋگە قارسى تۇرۋ كۇرەسىن ىلگەرىلەتۋ تەبىنى بۇرىن بولىپ كورمەگەن دارەجەدە ارتتى، ونىڭ ناتيجەسى جۇرتقا ايان. شىرىكتەسۋگە قارسى تۇرۋدى ماڭگى جالعاستىراتىن قايسارلىقتى، تاباندىلىقتى، ستراتەگيالىق تۇراقتىلىق پەن تەگەۋرىندى كۇيدى باستان-اياق ساقتاپ، ءبىر ءسات تە كىدىرمەي، جارتى قادام دا شەگىنبەي، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويعا الماۋدى ءبىر تۇتاس ىلگەرىلەتىپ، وسى قامال الۋ شايقاسىن، ۇزاققا سوزىلاتىن شايقاستى، جالپى تۇلعالىق شايقاستى باتىل ويداعىداي جۇرگىزۋ كەرەك.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي ءماجىلىستى باسقاردى.

شي جينپيڭ مىنالاردى اتاپ كورسەتتى: 2024-جىلى پارتيا ورتالىق كوميتەتى پارتيانىڭ وزىندىك توڭكەرىسى ارقىلى قوعامدىق توڭكەرىسكە جەتەكشىلىك ەتۋگە تاباندى بولىپ، پارتيانى جاپپاي قاتاڭ باسقارۋدى دايەكتى ىلگەرىلەتىپ، تىڭ ىلگەرىلەۋشىلىكتەر مەن تابىستارعا قول جەتكىزدى. بۇكىل پارتيانىڭ وزىنە توڭكەرىس جاساۋ سىندى كەلەلى ماسەلەدە تۇسىنىگى اناعۇرلىم انىق بولىپ، ارەكەتى اناعۇرلىم بەكەمدەلدى؛ پارتيا ءتارتىبىن ۇيرەنۋ تاربيەسى تىڭعىلىقتى ورىستەپ، بۇكىل پارتياداعى جولداستاردىڭ ەرەجەگە، تارتىپكە بويسۇنۋ تانىمى كورنەكتى كۇشەيدى؛ شىرىكتەسۋگە قارسى تۇرۋ تەبىنى ۇزدىكسىز ارتتىرىلىپ، شىرىكتەسۋ ءوربيتىن توپىراق پەن شارت-جاعدايلار الاستالدى؛ بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى جونگە سالۋ ىشكەرىلەي ورىستەتىلىپ، بۇقارانىڭ اڭىسى كۇشتى بولعان ءبىر توپ كورنەكتى ماسەلەلەر شەشىلدى؛ پارتيانى ءتۇزىم ارقىلى باسقارۋ، پارتيانى ەرەجە بويىنشا باسقارۋ تەرەڭدەتىلىپ، پارتيانىڭ شىرىكتەسۋگە قارسى تۇرۋ كۇرەسىنە باسشىلىق ەتۋ، پارتيانى جاپپاي قاتاڭ باسقارۋدى ىلگەرىلەتۋ قابىلەتى اناعۇرلىم جوعارىلاتىلدى.

شي جينپيڭ مىنالاردى باسا دارىپتەدى: شىرىكتەسۋ－پارتيامىز ءدوپ كەلىپ وتىرعان ەڭ ۇلكەن قاتەر، شىرىكتەسۋگە قارسى تۇرۋ ەڭ تۇبەگەيلى وزىندىك توڭكەرىس. جاڭا داۋىرگە قادام تاستاعاننان كەيىن، پارتيا ىشىندەگى پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىندەگى كورنەكتى ماسەلەلەر الدىندا، ءبىز شىرىكتەسۋگە، ءسوز جوق قارسى تۇرۋعا، قياناتشىلدىقتى ءسوز جوق الاستاۋعا تاباندى بولىپ، كادرلار قوسىنىن ۇزدىكسىز كىرشىكسىزدەندىرىپ، پارتيانىڭ وبرازىن قورعاپ، قىزىل اكىمياتتى بەكەمدەپ، پارتيانىڭ ساپاسىن وزگەرتپەۋىنە، ءتۇسىن وزگەرتپەۋىنە، قاسيەتىن وزگەرتپەۋىنە كەپىلدىك ەتەتىن تاريحي ىرىقتىلىققا قول جەتكىزدىك، پارتيانىڭ بۇكىل حالىقتى ىنتىماقتاستىرىپ جانە باستاپ، مەملەكەتتى قۇدىرەتتەندىرۋ قۇرىلىسى، ۇلتتىڭ گۇلدەنۋى ۇلى ءىسى جولىندا كۇرەس جاسايتىن تاريحي ىرىقتىلىققا قول جەتكىزدىك.

شي جينپيڭ مىنالاردى اتاپ كورسەتتى: قازىر شىرىكتەسۋگە قارسى تۇرۋ كۇرەسىنىڭ جاعدايى ءالى دە قاتاڭ دا كۇردەلى. شىرىكتەسۋدىڭ ساقتالۋ مولشەرى ءالى الاستالمادى، ارتۋ مولشەرى ءالى دە ۇزدىكسىز تۋىلۋدا، شىرىكتەسۋدىڭ ءوربيتىن توپىراعى مەن شارت-جاعدايىن الاستاۋ مىندەتى ءالى دە جاپالى دا اۋىر. شىرىكتەسۋگە قارسى كۇرەستى تانۋدا، ءسوز جوق، تاريحي كورەگەندىك، ستراتەگيالىق تۇرعىدان پارتيانىڭ بورىشى مەن مىندەتىن جۇزەگە اسىرۋدى كوزدە ۇستاۋ كەرەك. شىرىكتەسۋگە قارسى تۇرۋ كۇرەسىندە، ءسوز جوق اۋىتقىماستان تاباندى بولۋ كەرەك، ءارى-ءسارى بولۋعا، سولقىلداقتىق ىستەۋگە، بوساڭسۋعا، جۇمساق قولدىلىق ىستەۋگە نەمەسە ورتا جولدا تاستاپ قويۋعا بولمايدى، ويتپەگەندە، ءبارى دە ويرانداۋ سيپاتتى قاتەلىككە اپارىپ سوعادى. ءتۇرلى قاتە تانىمداردى، يدەيالىق الجاسۋدى باتىل الاستاپ، شىرىكتەسۋگە قارسى تۇرۋ كۇرەسىنىڭ بەكىمى مەن سەنىمىن ونان ارى بەكەمدەۋ كەرەك.

شي جينپيڭ مىنالاردى باسا دارىپتەدى: جاڭا ءداۋىر، جاڭا جورىقتا، ءسوز جوق، رەفورما رۋحى مەن قاتاڭ ولشەم ارقىلى پارتيانى باسقارۋعا، پارتيانى جونگە سالۋعا تاباندى بولىپ، اناعۇرلىم زور ونىمدىلىككە قول جەتكىزۋگە قۇلشىنىپ، پارتيانىڭ 20-قۇرىلتايى مەن 20-كەزەكتى ورتالىق كوميتەتىنىڭ ءۇشىنشى جالپى ءماجىلىسىنىڭ ورنالاستىرۋلارىنىڭ تياناقتانۋىنا كەپىلدىك ەتىپ، پارتيانىڭ باستان-اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا كەپىلدىك ەتىپ، جۇڭگو ۇلگىسىندەگى وسىزامانداندىرۋدىڭ ورنىقتى، باياندى دامۋىن ىلگەرىلەتۋ كەرەك.

شي جينپيڭ مىنالاردى اتاپ كورسەتتى: ساياسي باقىلاۋدىڭ ناقتىلانۋىن، دالدىگىن، ۇدايىلانۋىن ىلگەرىلەتۋ كەرەك. پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋدا ءسوز جوق، ايتقاندى ورىنداۋ كەرەك. يدەيادا پارتيانىڭ جاڭالىق اشۋ نازارياسىمەن قارۋلانۋىن تاباندىلىقپەن كۇشەيتىپ، پارتيا ورتالىق كوميتەتىنىڭ ءوز رايونىنىڭ، ءوز تاراۋىنىڭ، ءوز سالاسىنىڭ رەفورما، دامۋ نىسانالىق ورنى مەن ورنالاستىرۋ تالابىن دۇرىس يگەرىپ، يدەيانىڭ بىرلىككە كەلۋىنە، بەتالىستىڭ بىركەلكى بولۋىنا كەپىلدىك ەتۋ كەرەك. ساياسيدا پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، ساياسي ءتارتىپ پەن ساياسي قاعيدانى قاتايتىپ، «7 پاسىق ارەكەتكە» استە جول بەرمەي، ءسوزى مەن ارەكەتىنىڭ بىردەي بولۋىنا، بۇيرىقتى بۇلجىتپاي اتقارۋعا كەپىلدىك ەتۋ كەرەك. ارەكەت جاعىندا، پارتيا ورتالىق كوميتەتىنىڭ شەشىم ورنالاستىرۋلارىنىڭ تياناقتانۋ جاعدايىن ساياسي باقىلاۋدىڭ ءتۇيىنى ەتۋگە تاباندى بولىپ، رەفورمادان قامال الۋدى كۇش بىرىكتىرە ىلگەرىلەتىپ، جوعارى ساپالى دامۋدى جەبەۋ كەرەك.

شي جينپيڭ مىنالاردى باسا دارىپتەدى: پارتيانىڭ ءتارتىپ قۇرىلىسىن كۇشەيتۋ—ۇنەمىلىك قىزمەت، پارتيا مۇشەلەرىن، كادرلاردى تەجەۋ ءتارتىبىن وزىندىك تارتىپكە، كۇندەلىكتى تۇرمىستاعى ۇيرەنشىكتى ءسوز-ارەكەت ولشەمىنە اينالدىرۋعا جەتەكتەۋ كەرەك. ۇدايىلانعان، ۇزاق ءونىمدى ءتارتىپ تاربيەسى مەحانيزمىن ورناتىپ، ءتارتىپ تاربيەسىن كادرلاردىڭ ءوسىپ-جەتىلۋىنىڭ تۇتاس پەريوتىنا، ۇيىمدىق باسقارۋدىڭ تۇتاس بارىسىنا ءسىڭىرۋ كەرەك. پارتيا ءتارتىبىن قاتاڭ اتقارىپ، «ءتورت ءتۇرلى فورمادان» دۇرىس پايدالانىپ، شىندىقتى ءىس جۇزىنەن ىزدەۋ، بەيكۇنالاردى ناقاق جازالاماۋ، شىرىكتەسكەندەردى ىرقىنا جىبەرمەۋ، ەرتە باستان، كىشكەنە ماسەلەدەن باستاپ يگەرۋ، اسقىنۋدان ساقتاۋ، قاتاڭ باسقارۋ، باقىلاۋ مەن جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىرۋدى بىرلىككە كەلتىرۋ، كادرلاردىڭ ەرەجەگە، تارتىپكە بويسۇنۋ بارىسىندا رەفورما جاساپ، جاڭالىق اشۋىنا، ءىس تىندىرىپ، كاسىپ جاراتۋىنا مۇمكىندىك جاساۋ كەرەك.

شي جينپيڭ مىنالاردى اتاپ كورسەتتى: شىرىكتەسۋدى بىرگە تەكسەرىپ، بىرگە جونگە سالۋدى ىشكەرىلەي ىلگەرىلەتۋ كەرەك. شىرىكتەسۋگە مۇلدە جول بەرمەۋگە باستان-اياق تاباندى بولىپ، ورتالىقتىڭ «8 ءتۇرلى بەلگىلەمەسىن» تەمىردەي قاعيدا، قاتاڭ ولشەم ەتىپ، تارتىپكە قاسارىسا قايشىلىق جاساعان، كومەسكى، ءتۇرى وزگەرگەن «ءتورت ءتۇرلى بۇرىس ستيل» ماسەلەلەرىن قاتاڭ تەكسەرىپ ءبىر جاقتى ەتىپ، پارتيا مۇشەلەرىن، كادرلاردى ەرەكشە ۇقىق يدەياسى مەن ەرەكشە ۇقىق قۇبىلىسىنا باتىل قارسى تۇرۋعا قۋزاپ، دۇرىس ۇقىق كوزقاراسىن، ساياسي ناتيجە كوزقاراسىن، ءىس كوزقاراسىن بەرىك ورناتۋ كەرەك. شىرىكتەسۋگە قارسى تۇرۋدىڭ تەگەۋرىندى كۇيىن باستان-اياق ساقتاپ، ءتۇيىندى ماسەلەلەردى، ءتۇيىندى سالالاردى، ءتۇيىندى وبيەكتىلەردى باسا يگەرىپ، كۇش سالا تەكسەرىپ، پارا الۋدى، پارا بەرۋدى بىرگە تەكسەرۋدى تەرەڭدەتىپ، جۇيەلىك شىرىكتەسۋ حاۋىپ-قاتەرىنىڭ كومەسكى قاتەرىن باتىل الاستاۋ كەرەك. دەلو ارقىلى رەفورمانى جەبەۋدىڭ، جونگە سالۋدى جەبەۋدىڭ ناقتى ونىمدىلىگىن كۇشەيتىپ، ۇقىقتى ورنالاستىرۋ اينالىمىن تەجەۋ جانە باقىلاۋ مەحانيزمىن كەمەلدەندىرۋدى ىلگەرىلەتىپ، جاڭاشا شىرىكتەسۋ مەن كومەسكى شىرىكتەسۋدەن ساقتانۋدىڭ ءونىمدى ءادىسىن بايىتۋ كەرەك. ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرۋدى ءوزارا ساباقتاستىرۋعا تاباندى بولىپ، «بىرگە تەكسەرۋ» ارقىلى شىرىكتەسۋدىڭ شىرما-شاتۋ ماسەلەلەرىن قاتاڭ جازالاپ، «بىرگە جونگە سالۋ» ارقىلى شىرىكتەسۋدىڭ ورتاقتىق قاينارىن الاستاۋ كەرەك.

شي جينپيڭ مىنالاردى باسا دارىپتەدى: پارتيانى جاپپاي قاتاڭ باسقارۋدىڭ تۇلعالىق جاۋاپكەرشىلىگى مەن باقىلاۋ جاۋاپكەرشىلىگىن كۇشەيتۋ كەرەك. پارتكوم ىرىقتىلىقپەن يگەرىپ، ىرىقتىلىقپەن باسقارۋى، ءتارتىپ تەكسەرۋ كوميتەتى ارناۋلى جاۋاپكەرشىلىكتى ويداعىداي اتقارىپ، نازاردى نەگىزگى جاۋاپكەرشىلىككە شوعىرلاندىرىپ، نەگىزگى كاسىپتى ويداعىداي ىستەۋى، ءارقايسى جاۋاپكەرشىلىك تۇلعالارى جاۋاپكەرشىلىكتى ءبىلۋى، جاۋاپكەرشىلىكتى ارقالاۋى، جاۋاپكەرشىلىكتى اتقارۋى كەرەك. جاۋاپكەرشىلىكتى تياناقتاندىرۋدى باعالاۋ مەحانيزمىن ساپالاندىرىپ، مىندەتىن وتەمەگەندەردى، جاۋاپكەرسىزدىك ىستەگەندەردى دالمە-ءدال، عىلمي جاۋاپقا تارتۋ كەرەك.

شي جينپيڭ مىنالاردى اتاپ كورسەتتى: پارتيانى جاپپاي قاتاڭ باسقارۋدىڭ نەگىزگى ساتىعا قاراي كەڭەيۋىن ۇزدىكسىز ىلگەرىلەتۋ كەرەك. ءار دارەجەلى پارتكومدار، اسىرەسە، قالالىق، اۋداندىق پارتكومدار بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن جونگە سالۋدى ماڭىزدى مىندەت رەتىندە ۇدايىلاندىرىپ يگەرىپ، بۇقارانىڭ سەزىنۋىنە مۇمكىندىك جاساۋ كەرەك. نەگىزگى ساتىنىڭ باقىلاۋ ءتۇزىلىسى مەحانيزمى رەفورماسىن تەرەڭدەتىپ، ءتارتىپ تەكسەرۋ، باقىلاۋ-تەكسەرۋدى نەگىزگى ساتىنى شارلاۋ-تەكسەرۋمەن ۇشتاستىرىپ، ءار جاقتىڭ باقىلاۋىمەن ءبىر تۇتاس جوسپارلاۋ كەرەك. فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋدىڭ باياندى مەحانيزمىن تياناقتاندىرىپ، قالىڭ نەگىزگى ساتى كادرلارىنىڭ تياناقتاندىرۋدى يگەرۋگە اناعۇرلىم كوپ زەيىن-زەردەسىن جۇمساۋىنا مۇمكىندىك جاساۋ كەرەك.

شي جينپيڭ مىنالاردى باسا دارىپتەدى: ءتارتىپ تەكسەرۋ، باقىلاۋ-تەكسەرۋ ورگاندارى پارتيانىڭ وزىندىك توڭكەرىسىن ىلگەرىلەتەتىن ماڭىزدى كۇش، پارتيا مەن حالىق بۇل قوسىنعا تولىق سەنىم، زور ءۇمىت ارتىپ وتىر. ءتارتىپ تەكسەرۋ، باقىلاۋ-تەكسەرۋ ءتۇزىلىسى رەفورماسىن تەرەڭدەتىپ، ۇقىق بەرۋ مەن ۇقىقتى مەڭگەرۋدى ۇشتاستىرۋعا تاباندى بولىپ، ۇقىقتى ءتۇزىم شەڭبەرىنە كىرگىزۋ كەرەك. ءتارتىپ تەكسەرۋ، باقىلاۋ-تەكسەرۋ قىزمەتىن ارناعا ءتۇسىرۋ، زاڭمەن جونگە سالۋ، جۇيەلەندىرۋ قۇرىلىسىن كۇش سالا كۇشەيتىپ، ستيلدى دۇرىستاپ، ءتارتىپتى قاتايتۋ قابىلەتىن ۇزدىكسىز جوعارىلاتۋ كەرەك. نەگىزگى تاقىرىپتىق تاربيە مەن تاربيەلەۋ، رەتتەۋ جەتىستىكتەرىن بەكەمدەپ، كەڭەيتىپ، تەمىر سوقساڭ قۇرىش بول دەگەنگە تاباندى بولىپ، قاتاڭ باسقارۋدى، باقىلاۋدى كۇشەيتىپ، ادال، كىرشىكسىز، جاۋاپكەرشىلىك ارقالايتىن، كۇرەس جۇرگىزۋگە باتىل ءتارتىپ تەكسەرۋ، باقىلاۋ-تەكسەرۋ قۇرىش قوسىنىن قۇرۋ كەرەك.

لي شي ءماجىلىستى باسقارعاندا مىنالاردى اتاپ كورسەتتى: باس شۋجي شي جينپيڭنىڭ ماڭىزدى ءسوزى وتكەن ءبىر جىلداعى پارتيانى جاپپاي قاتاڭ باسقارۋداعى جاڭا ىلگەرىلەۋشىلىكتەردى، جاڭا ناتيجەلەردى تولىق تۇراقتاندىرىپ، شىرىكتەسۋگە قارسى تۇرۋ كۇرەسىنىڭ نەگىزگى زاڭدىلىعىن بيىك تاريحي تۇرعىدان تەرەڭ يگەرىپ، كەزەكتەگى شىرىكتەسۋگە قارسى تۇرۋ كۇرەسىنىڭ جاعدايىنا تەرەڭ تالداۋ جاساپ، شىرىكتەسۋگە قارسى تۇرۋ كۇرەسىندە قامال الۋ شايقاسىن، ۇزاققا سوزىلاتىن شايقاستى، جالپى تۇلعالىق شايقاستى باتىل ويداعىداي جۇرگىزۋ جونىندە ايقىن تالاپتار قويدى. پارتيانى جاپپاي قاتاڭ باسقارۋدى ىشكەرىلەي ىلگەرىلەتۋ جونىندە ستراتەگيالىق ورنالاستىرۋ جاسادى. ماڭىزدى سوزدە بولاشاق بولجالىپ، يدەياسى تەرەڭ بولىپ، ماسەلەگە بەتپە-بەت كەلىپ، قاتاڭ ەسكەرتۋ بەرىلىپ، پارتيانى جاپپاي قاتاڭ باسقارۋ مەن شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋگە ماڭىزدى ولشەم ازىرلەدى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، سەنىمدى كۇشەيتىپ، باتىلدىقپەن كۇرەس جۇرگىزىپ، پارتيانى جاپپاي قاتاڭ باسقارۋ ساياسي جاۋاپكەرشىلىگىن مۇقيات اتقارىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويعا الماۋدى ءبىر تۇتاس ىلگەرىلەتىپ، شىرىكتەسۋگە قارسى تۇرۋ كۇرەسىن تاباندىلىقپەن ىشكەرىلەي ىلگەرىلەتۋ كەرەك.

ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار جانە ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.

ورتالىق ءتارتىپ تەكسەرۋ كوميتەتىنىڭ مۇشەلەرى، ورتالىق پەن مەملەكەت ورگاندارىنىڭ تاراۋلارىنداعى، حالىقتىق ۇيىمدارداعى، ارميانىڭ قاتىستى ورىندارىنداعى نەگىزگى جاۋاپتى جولداستار ماجىلىسكە قاتىناستى. ءماجىلىس تەلەۆيزور-تەلەفون ءماجىلىسى فورماسىندا وتكىزىلدى، ولكەلەردە، اۆتونوميالى رايونداردا، توتە قاراستى قالالاردا جانە شينجياڭ ءوندىرىس-قۇرىلىس بيڭتۋانىندا، سونداي-اق ارميانىڭ قاتىستى ورىندارىندا بولىمشە ءماجىلىس الاڭى قۇرىلدى.

جۇڭگو كوممۋنيستىك پارتياسى 20-كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسى 1-ايدىڭ 6-كۇنى بەيجيڭدە اشىلدى. ورتالىق ءتارتىپ تەكسەرۋ كوميتەتىنىڭ تۇراقتى كوميتەتى ءماجىلىستى باسقاردى. 1-ايدىڭ 6-كۇنى تۇستەن كەيىن لي شي ورتالىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان «پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، پارتيانى جاپپاي قاتاڭ باسقارۋدىڭ تىڭ ناتيجەلەرى ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى كەپىلدىك ازىرلەيىك» دەگەن تاقىرىپتا قىزمەت بايانداماسىن جاسادى.

来源：中央广播电视总台

监制：叶力夏提

审稿：努尔波拉提

翻译：夏力哈尔

微信制作：达吾力

中央广播电视总台哈萨克语

中国哈萨克语广播网（www.kazakcnr.cn）是中央广播电视总台民族语言节目中心主办的国内最权威的哈萨克语新闻网。

شينجياڭ اۋرۋدى تىزگىندەۋ ورتالىعى ەڭ جاڭا ەسكەرتۋ جاريالادى

بايان تاسقىن ۇلى سانماۋ پروزالىق شىعارما سيلىعىن ەنشىلەدى

قولفون ساتىپ الۋعا بەرىلەتىن قوسىمشا قاراجات اقىسى تۇراقتاندى

اپاتقا ۇشىراعان بۇقارانىڭ نەگىزگى تۇرمىسى قامتاماسىزداندىرىلدى

ازاتتىق ارميا مەن قارۋلى ساقشى بولىمدەرى شۇعىل كومەك بەردى

شي جينپيڭنىڭ ماڭىزدى ءسوزى كۇشتى اڭىس قوزعادى

سولتۇستىك شينجياڭدا كۇشتى سۋىق اعىس ءجۇرىپ، قالىڭ قار جاۋادى

وسى بىرنەشە كۇندە ەلىمىزدىڭ كوپ جەرىندە تەمپەراتۋرا تومەندەيدى

مىنا ەمتيحاننىڭ ناتيجەسى بۇگىن جاريالاندى

شي جينپيڭ جەر سىلكىنىسى جونىندە ماڭىزدى نۇسقاۋ بەردى

رەسەي كۋلاحوۆو قالاسىن بۇكىلدەي مەڭگەرگەندىگىن ايتتى

ترۋدو پارتيا باسشىسى مىندەتىنەن بوسايتىندىعىن ايتتى

شي جينپيڭ ماڭىزدى ءسوز سويلەپ، مىنالاردى باسا دارىپتەدى

ءبىز ءبىر جىلداعى ەڭ سۋىق كۇندەرگە قادام تاستادىق

ۇرىمجىدەن كورلاعا بارۋ 3 ساعاتقا قىسقارادى

ەربول زىقان ۇلى جاڭيە قالاسىنىڭ باستىعى بولىپ سايلاندى

شينجياڭدىق ءبىر باقتاشى 650 مىڭ يۋانمەن سيلاندى

شۇعىل ەسكەرتۋ: %99 تەن استامى مىنا جۇقپالى تۇماۋ بولعان

يزرايل ارمياسى گازا وڭىرىنە اۋەدەن شابۋىل جاسادى

رەسەي جاق ۋكراينا ارمياسىنىڭ جاڭا شابۋىلى تويتارىلعاندىعىن ايتتى

شىرىكتەسۋگە قارسى تۇرۋ كۇرەسى تاباندىلىقپەن ىلگەرىلەتىلدى

سولتۇستىك شينجياڭعا تۇمان ءتۇسىپ، قار جاۋادى

شي-ان قاتىناس داشۋەسى وسپىرىمدەر كلاسىنا وقۋشى قابىلدايدى

توراپتا مەرەكەلىك بۇيىمدار ساتۋ ناۋقانى الدا باستالادى

تاريحتاعى ەڭ جوعارى دەڭگەيدى جاراتتى

يزرايل وتكەن ءۇش تاۋلىكتە گازا وڭىرىنە 94 رەت شابۋىل جاسادى

رەسەي لۋگانسكيدەگى ءبىر تۇرعىندار رايونىن مەڭگەرگەندىگىن ايتتى

بۇقارانىڭ ەمدەلۋ قاجەتى اناعۇرلىم ويداعىداي قاناعاتتاندىرىلدى

سولتۇستىك شينجياڭدا مىنا جەرلەردە بوران سوعادى

مىنا ەمتيحانعا تىزىمدەلۋ قىزمەتى كەلەر اپتادا باستالادى

پان جانلى 1-ورىندى يەلەدى

گازادا سوعىس توقتاتۋ كەلىسسوزى دوحادا قايتا باستالدى

حانگو زۇڭتۇڭى يىن شييۋەنى قولعا الۋ جەڭىلىسكە ۇشىرادى

شي جينپيڭ كاۆەلاشيۆيليگە تەلەگرامما جولداپ قۇتتىقتادى

پارتيا جارناسىنان 384 ميلليون يۋان اجىراتىپ حال سۇراۋعا جۇمسادى

بىلتىر ەلىمىزدىڭ ورتاشا اۋاتەمپەراتۋراسى تاعى دا تىڭ ورەگە جەتتى

قار جاۋىپ تۇمان تۇسەدى

نەگىز كلەتكامەن ەمدەيتىن ٴدارى بازارعا سالىندى

قولفون ساتىپ الاتىندارعا قوسىمشا قاراجات بەرىلەدى

جانار ماي باعاسى قىمباتتادى

ەلىمىزدە قولفون ءونىم مولشەرى ۇقساس مەزگىلدەگىدەن %8.9 ارتتى

حاماس: ىشكى حاۋىپسىزدىك قوسىنىنىڭ جاۋاپتىسى ءولدى،-دەدى

شي جينپيڭ مەن حانىمى پىڭ لييۋان قۇتتىقتاۋ كارتوچكاسىن ۇسىندى

شي جينپيڭ مەن نوۆويا ءوزارا قۇتتىقتاۋ تەلەگرامما جولدادى

قالىڭ قار جاۋادى، ساقتىقتى كۇشەيتىڭىزدەر

زەينەتكە شىعۋعا قاتىستى جاڭا ءادىس جاريالاندى

بيىلعى اسكەرلىك مىندەت وتەۋگە تىزىمدەلۋ رەسمي باستالدى

بىلتىرعى كينو بەلەت نارقى 33 ميلليارد 439 ميلليون يۋانعا جەتتى

شينجياڭنىڭ بيىلعى وزدىگىنەن ۇيرەنۋ ەمتيحانىنا 20 كاسىپ اشىلدى

分类

时事

民生

政务

教育

文化

科技

财富

体娱

健康

情感

旅行

百科

职场

楼市

企业

乐活

学术

汽车

时尚

创业

美食

幽默

美体

文摘

原创标签

时事社会财经军事教育体育科技汽车科学房产搞笑综艺明星音乐动漫游戏时尚健康旅游美食生活摄影宠物职场育儿情感小说曲艺文化历史三农文学娱乐电影视频图片新闻宗教电视剧纪录片广告创意壁纸头像心灵鸡汤星座命理教育培训艺术文化金融财经健康医疗美妆时尚餐饮美食母婴育儿社会新闻工业农业时事政治星座占卜幽默笑话独立短篇连载作品文化历史科技互联网

发布位置

广东北京山东江苏河南浙江山西福建河北上海四川陕西湖南安徽湖北内蒙古江西云南广西甘肃辽宁黑龙江贵州新疆重庆吉林天津海南青海宁夏西藏香港澳门台湾美国加拿大澳大利亚日本新加坡英国西班牙新西兰韩国泰国法国德国意大利缅甸菲律宾马来西亚越南荷兰柬埔寨俄罗斯巴西智利卢森堡芬兰瑞典比利时瑞士土耳其斐济挪威朝鲜尼日利亚阿根廷匈牙利爱尔兰印度老挝葡萄牙乌克兰印度尼西亚哈萨克斯坦塔吉克斯坦希腊南非蒙古奥地利肯尼亚加纳丹麦津巴布韦埃及坦桑尼亚捷克阿联酋安哥拉

شي جينپيڭ ​ماڭىزدى ءسوز سويلەپ، مىنالاردى باسا دارىپتەدى​

شي جينپيڭ ماڭىزدى ءسوز سويلەپ، مىنالاردى باسا دارىپتەدى