شينجياڭ اۋرۋدى تىزگىندەۋ ورتالىعى ەڭ جاڭا ەسكەرتۋ جاريالادى!
كەزەكتە، شينجياڭ جۇقپالى اۋرۋلار كوپ تۋىلاتىن مەزگىلگە ءوتتى. 1-ايدىڭ 6-كۇنى شينجياڭ ۇيعۇر اۆتونوميالى رايوندىق اۋرۋدان ساقتانۋ جانە ونى تىزگىندەۋ ورتالىعى «جۇقپالى تۇماۋ سياقتى كوپ ءتۇرلى اۋرۋ قوزدىرعىشتاردان ساقتانىپ، عىلمي قورعانۋ شارالارىن قولدانۋ كەرەك» دەگەن ەسكەرتۋدى جاريالادى.
اۆتونوميالى رايوندىق اۋرۋدان ساقتانۋ جانە ونى تىزگىندەۋ ورتالىعىنىڭ ەپيدەميولوگيا ءىلىمى اعا شيپاگەرى ماحمۇت بىلاي دەپ تانىستىردى: «جۋىقتا شينجياڭدا ىندەت جاعدايى كۇشەيىپ، كوپ ءتۇرلى اۋرۋ قوزدىرعىشتار بىرگە تارالعان، اسىرەسە، جۇقپالى تۇماۋ تۇرىندەگى A تيپتى H1N1 تارالعىش تۇماۋىنىڭ ءورشۋى ەڭ كورنەكتى بولىپ، وكپە قابىنۋى ۆيرۋسىنىڭ، جاڭا تيپتى ايدارشا ۆيرۋسىنىڭ بولىمدى شىعۋ سالىستىرماسى از مولشەردە ارتقان».
