سولتۇستىك شينجياڭدا ءبىرشاما كۇشتى سۋىق اعىس ءجۇرىپ، مىنا جەرلەردە قالىڭ قار جاۋادى
ءبىرشاما كۇشتى سۋىق اعىستىڭ اسەرىنەن، مەجەمەن 1-ايدىڭ 8-كۇنى كۇندىزدەن 10-كۇنى كۇندىزگە دەيىن، سولتۇستىك شينجياڭنىڭ باتىسى، تارباعاتاي ايماعى، تيانشاننىڭ تاۋلى ءوڭىرى جانە ونىڭ ەكى قاپتالى، تۇرپان قالاسى، قۇمىل قالاسى قاتارلى جەرلەردىڭ ءبىر ءبولىم وڭىرلەرىندە ورتاشا قار جاۋىپ، قالىڭ قارعا اينالادى، ءىشىنارا بولەكتە قالىڭ قار جاۋادى؛ جوعارىدا ايتىلعان ءبىر ءبولىم وڭىرلەردە جانە وڭتۇستىك شينجياڭنىڭ باتىسىندا 6 بال اينالاسىندا باتىس تەرىستىكتەن جەل سوعادى، جەل وتىندە جەل كۇشى 9~10 بال اينالاسىندا؛ بۇكىل شينجياڭنىڭ باسىم كوپ بولەگىندە ەڭ تومەنگى تەمپەراتۋرا ℃5～℃8 تومەندەيدى، جۇيەدەن سولتۇستىك شينجياڭنىڭ باتىسى، سولتۇستىگىندە تەمپەراتۋرا ℃8～℃10، ءىشىنارا جەرلەردە ℃12 استام تومەندەيدى، سۋىق اعىس جۇرەدى. وڭتۇستىك جانە سولتۇستىك شينجياڭنىڭ جازىق رايوندارىندا ەڭ تومەنگى تەمپەراتۋرا℃20-～℃13-، تاۋلى وڭىرلەردە℃32-～℃18- تۇسەدى. ءىشىنارا جەرلەردەگى قالىڭ قار، بوران، تەمپەراتۋرانىڭ تومەندەۋى اۋىلشارۋاشىلىعى، قاتىناس-تاسىمال، قالا اينالىمى قاتارلىلارعا ءتيىمسىز ىقپال جاسايدى، ساقتانعان ءجون.
