སྨན་རམས་རྩའི་ནུས་པ་དང་དོ་སྣང་བྱ་གཞི།
ནད་གང་འདྲ་ཞིག་ལ་རམས་རྩ་ཟ་ཆོག་གམ། གལ་ཏེ་ཆམ་པ་ཕོག་པ་དང་མིད་པ་སྐམ་པ། མིད་པ་ན་བ་བཅས་ཀྱི་ནད་རྟགས་ཐོན་ཚེ། ལན་ཧྭ་ཆིང་ཝེན་དང་རམས་རྩ། ཧྲོང་ཧོང་ལན་སོགས་ཚ་སེལ་དུག་འཇོམས་ཀྱི་སྨན་རྫས་འོས་འཚམ་སྤྱོད་ཆོག གལ་ཏེ་མིད་པ་ན་བ་ལས་གཞན་ད་དུང་གྲང་བར་སྐྲག་པ། ཚ་རྒྱས་པ། མགོ་ན་བ། ལུད་པ་དཀར་བ། སྣ་ཆུ་བཞུར་བ་སོགས་ཆམ་ནད་ཀྱི་ནད་རྟགས་ཐོན་ན། གོང་གི་སྨན་རྫས་དེ་དག་སྤྱོད་མི་རུང་། གལ་ཏེ་རང་གི་ཆམ་ནད་ཀྱི་རིགས་གང་ཡིན་མི་ཤེས་པའམ་ཡང་ན་སྨན་ཟོས་རྗེས་ནད་རྟགས་ཇེ་དྭངས་སུ་མ་སོང་ཚེ། དུས་ཐོག་ལ་སྨན་པ་བསྟེན་དགོས་པ་ལས། རང་འདོད་ཀྱིས་སྨན་བརྗེ་མི་རུང་བ་མ་ཟད། སྨན་མཉམ་བསྲེས་བྱས་ནས་ཟ་མི་རུང་།
རམས་རྩ་ཟ་དུས་དོ་སྣང་གང་འདྲ་བྱ་དགོས་སམ། རྒྱུན་དུ་རམས་རྩ་དེ་སྔོན་འགོག་གི་སྨན་དུ་སྤྱོད་མི་རུང་། སྨན་རྫས་ཀྱི་གསལ་བཤད་ཡི་གེ་ལྟར་གཟབ་ནན་ངང་སྤྱོད་དགོས། ཕྲུ་གུའི་མཆེར་པ་དང་ཕོ་བའི་ནུས་པ། ད་དུང་བདེ་ཐང་མིན་པའི་མི་སྣས། རྒྱུན་དུ་རམས་རྩ་སྤྱད་ན་འཇུ་སྟོབས་ཞན་པ་སོགས་ཀྱི་ནད་རྟགས་ཐོན་སྲིད། སྦྲུམ་མ་དང་གཅིན་པ་མངར་འགྱུར་གྱི་ནད་ཡོད་པའི་ནད་པས་སྨན་མ་སྤྱད་གོང་སྨན་པར་སྐད་ཆ་འདྲི་དགོས། བདེ་ཐང་མི་སྣས་ཀྱང་དུས་ཡུན་རིང་པོའི་ནང་རམས་རྩ་སྤྱོད་མི་རུང་། རམས་རྩའི་རང་བཞིན་ནི་གྲང་བའི་རང་བཞིན་ཡིན་པས། རྒྱུན་པར་སྤྱད་ཚེ་མཚེར་པ་དང་ཕོ་བར་གནོད་པ་དང་། ཁོག་པ་བཤལ་བ། འཇུ་སྟོབས་ཞན་པ་བཅས་ཀྱི་ནད་རྟགས་ཐོན་སྲིད།
记 者：拉巴索朗
编 辑（一审）：德庆拉泽
责 编（二审）：秦 瑶
审 核（三审）：戴 青 霞
扫码关注
