【點新聞報道】真的受傷了，有移英港人大呻受到文化衝擊！對英國處理傷口的方式大表不滿，指當地人將膠布視為「萬能」，小朋友一旦受傷，就只會貼上膠布了事，就連最基本清洗傷口都跳過，「通常十次有20次都會發炎含膿」。
該名移英港人在網上發文指，過往在香港好多時對傷口的處理非常高要求，然而到英國後，當地人卻很輕視「對傷口的處理係零點一」，直指「一旦你整親，不論幫你處理嗰個係路人甲、學校老師、白車師傅、急症室姑娘、急症室嘅醫生，佢哋都有能力喺唔清潔傷口嘅情況之下幫你黐膠布」。
樓主憶述，小朋友受傷了，「返到屋企揭開膠布，個傷口佈滿石地上嘅污漬以及碎石，如果唔處理之後就會含膿發炎」，樓主認為簡單沖走啲石頭同埋污漬都好，「我經歷過好多次連埋啲石頭喺塊膠布底下」，直指「如果只係用英國嘅處理方法，通常十次有20次都會發炎含膿」、「以前試過嗰塊膠布包住傷口嘅三分一，黐住個傷口三分二」。
樓主不禁嘲諷英國人處理傷口的方法，「因為萬能膠布喺小朋友心目中係萬能，能夠令小朋友消除痛楚，能夠令到小朋友唔再喊，能夠令小朋友心情回復，填返張報告，工作完畢」。
最後，樓主只能無奈地表示，「習慣了。這就是英國的文化」。不少網民都寄予同情，「呢樣真，以前在學校工作，上至校長，下至書記、工友，都懂用蒸餾水先清洗傷口再貼膠布，喺英國，要嚴重到見血，先會比膠布你」、「英國啲處理方法好似真係打緊仗咁，任何傷口都係緊急勁簡單地處理」。
