རྣམ་དག་ཚུལ་ཁྲིམས་གཙང་ལ་སྡིག་ལྟུང་དབེན། །
ལུང་རིགས་ཐོས་བསམ་གནད་ཀྱིས་སྒྲོ་སྐུར་བྲལ། །
སྒོམ་པ་རིམ་གཉིས་ལམ་ལ་དབང་འབྱོར་བའི། །
ཚར་པ་ཀུན་དགའ་རྒྱལ་མཚན་གསོལ་བ་འདེབས། །
མདོ་རྒྱུད་བསྟན་བཅོས་ཀུན་མཁྱེན་པཎྜི་ཏ། །
ཉམས་དང་རྟོགས་པའི་མངའ་བདག་རྣལ་འབྱོར་པ། །
མཁས་གྲུབ་གཉིས་ལྡན་འདྲེན་མཆོག་བླ་མ་རྗེ། །
ཚར་པ་ཀུན་དགའ་རྒྱལ་མཚན་གསོལ་བ་འདེབས། །
གདམས་ངག་ཟབ་མོའི་ཆོས་ཀུན་ཐུགས་སུ་ཆུད། །
གཞན་དོན་ཆོས་ཀྱི་འཁོར་ལོ་རྟག་ཏུ་བསྐོར། །
བསྟན་འགྲོའི་དོན་ལ་བསྙེལ་བ་མི་མངའ་བའི། །
ཚར་པ་ཀུན་དགའ་རྒྱལ་མཚན་གསོལ་བ་འདེབས། །
རྩ་རྒྱུད་བླ་མའི་བྱིན་རླབས་སྙིང་ལ་ཞུགས། །
གསང་ཆེན་རྒྱུད་སྡེའི་བསྙེན་སྒྲུབ་མཐའ་རུ་ཕྱིན། །
མཆོག་དམན་འདུལ་བྱ་གང་ཡིན་རྗེས་འཛིན་པ། །
ཚར་པ་ཀུན་དགའ་རྒྱལ་མཚན་གསོལ་བ་འདེབས། །
ངུར་སྨྲིག་གར་གྱིས་རོལ་པ་པད་དམ་རྗེའི། །
ཐུགས་ཀྱི་བུམ་བཟང་ལས་བྱུང་རྒྱལ་བའི་སྲས། །
མགོན་པོ་གང་གི་ཕྲིན་ལས་སྐྱོང་མཛད་པ། །
ཚར་པ་ཀུན་དགའ་རྒྱལ་མཚན་གསོལ་བ་འདེབས། །
ཚེ་རབས་འདི་ནས་བྱང་ཆུབ་སྙིང་པོའི་བར། །
དམ་པ་ཁྱེད་ལས་སྐྱབས་གཞན་མ་མཆིས་པས། །
ཉིན་མཚན་ཀུན་ཏུ་གུས་པས་གསོལ་བ་འདེབས། །
ཐུགས་ཡིད་དབྱེར་མེད་འདྲེས་པར་བྱིན་གྱིས་རློབས། །
གསོལ་བ་འདེབས་པའི་ཚིགས་སུ་བཅད་པ་འདི་ནི་ཚར་པ་ཆོས་རྗེ་ལ་མི་ཕྱེད་པའི་དད་པ་ཅན་སློབ་མ་འཇམ་དབྱངས་ལུང་རྟོགས་སམ་འདན་མ་གཅོད་སྨྱོན་གྱིས་ནན་ཏན་ཆེན་པོས་ཡང་ཡང་བསྐུལ་བའི་ངོར་བྱས་ནས་ཚར་པའི་སློབ་འབངས་སུ་གྱུར་པའི་འགུ་ཟི་པད་བློས་བྲིས་པ་དགེའོ། །
དཔེ་ཝར་
ས་སྐྱ་གོང་མ།
རྫོང་སར་མཁྱེན་བརྩེ།
མཁན་ཆེན་ཕུན་རྣམ།
མཁན་ཆེན་འཇམ་སེང་། མཁན་ཆེན་ཚེ་བརྟན། མཁན་ཆེན་བསམ་འགྲུབ། སློབ་དཔོན
སྐྱེས་ཆེན་དམ་པ་ཁྱེད་ཕེབས་པར་མྱ་ངན་ཞུ།དཔེ་ཝར་མཆོག་སྤྲུལ་མྱུར་བྱོན། གསེར་མདོག་མཆོག་སྤྲུལ།དཔེ་ཝར་རིན་པོ་ཆེ་རྗེས་དྲན། ཀཿ ཐོག་རིག་འཛིན་ཆེན་པོ།དཔེ་ཝར་རིན་པོ་མྱུར་བྱོན་གསོལ་འདེབས། གཟན་དཀར་རིན་པོ་ཆེ།རིན་པོ་ཆེ་འཁྲུངས་རབས་གསོལ་འདེབས། རབ་བརྟན་མཁན་དགེ་ལེགས།
སྐྱེས་ཆེན་དམ་པ་ཁྱེད་སྐུ་གཤེཊ་པའི་གཏམ་ངན་ཧ་ཅང་བློ་འགྱོད་ཆེ་བ་ལ།
སྐྱབས་རྗེ་དཔེ་ཝར་རིན་པོ་ཆེའི་སྐུ་པར་རྩ་ཆེན་འགའ།
དཔེ་ཝར་མཆོག་སྤྲུལ་རྡོ་རྗེ་འཆང་གི་རྣམ་བསྡུས་བཞུགས། བླ་མ་མཁྱེན།
ཁྱེད་ཉིད་༼བྱང་སེམས་ཡེ་ཤེས་གླིང་གི་དྲྭ་༽སྟེགས་སུ་ཕེབས་པར་དགའ་བ་འབུམ་གྱིས་བསུ། འདི་ནས་དུས་ཚོད་ཀྱི་བར་སྟོང་ཡོད་ཚད་བེད་སྤྱོད་དེ་མུ་མཐུད་དུ་༼བྱང་སེམས་ཡེ་ཤེས་གླིང་གི་དྲྭ་༽སྟེགས་དུ་དཔལ་ས་སྐྱའི་སྐྱབས་མགོན་༸གོང་ཡབ་སྲས་དང་། ངོར་ཀླུ་ལྡིང་མཁན་ཆེན། རྫོང་སར་མཁྱེན་བརྩེ་རིན་པོ་ཆེ་གཙོས་རིས་མེད་བསྟན་འཛིན་སྐྱེས་ཆེན་དག་གི་བཀའ་སློབ་དང་མཛད་ཕྲིན་སོགས་དམིགས་སུ་བཟུང་ནས་རང་གཞན་གཉིས་ལ་ཕན་པའི་བསླབ་བྱ་འཆད་ཁྲིད་དང་། མཛད་རིམ་ལོ་རྒྱུས་སོགས་སྟབས་བདེའི་འཕྲིན་ལམ་འདི་ནས་སྤེལ་འཆར་ཡོད་པས།
གལ་སྲིད་སྤྱི་སྟེགས་འདི་ལས་སྤྱི་སྒེར་གང་རུང་གི་བདག་དབང་ལ་གཏོར་བཤིག་བྱུང་ཚེ་དོ་དམ་པར་འབྲེལ་ནས་གསར་བཤད་བྱེད་རོགས་དང་། འཕྲིན་སྟེགས་འདི་ནས་བསུབ་ཆོག །མཇུག་ཏུ། བདག་ནི་ཤེས་འཇོན་གང་ཡང་མེད་པའི་གྲྭ་འཁྱམ་དཀྱུས་མ་ཞིག་ཡིན་སྟབས་འདི་ཡི་ཐད་ཕྱོགས་ནས་མ་འགྲིག་པའི་གནས་འདུག་ན་ཆོས་གྲོགས་དང་། ཤེས་ལྡན་ཡོངས་ཀྱིས་ལམ་སྟོན་གནང་བའི་རེ་བ་ཡོད་པས་དེ་ལུགས་ཞུ་མཁྱེན། །
