سولتۇستىك شينجياڭدا تەمپەراتۋرا تومەندەيدى
وسى اپتادا (11-ايدىڭ 18-كۇنىنەن 24-كۇنىنە دەيىن) بۇكىل شينجياڭدا اۋا رايى قۇبىلمالى كەلەدى، وسى اپتانىڭ العاشقى كۇندەرىندە سولتۇستىك شينجياڭنىڭ باسىم كوپ بولەگىندە بوراندى اۋا رايى بولادى، ءىشىنارا جەرلەردە جەل وتىندە جەل كۇشى ءبىرشاما زور بولادى، اپتا سوڭىندا سۋىق اعىس كىرەدى، سولتۇستىك شينجياڭ جانە شىعىس شينجياڭنىڭ باسىم كوپ بولەگىندە جاڭبىر نەمەسە قار جاۋادى، ءىشىنارا جەرلەردە ورتاشا نەمەسە قالىڭ قار جاۋادى، ەڭ تومەنگى تەمپەراتۋرا ℃5~℃8 گرادۋس تومەندەيدى.
11-ايدىڭ 22-كۇنىنەن 24-كۇنىنە دەيىن، سولتۇستىك شينجياڭ، شىعىس شينجياڭ جانە وڭتۇستىك شينجياڭنىڭ باتىسىنداعى تاۋلى وڭىرلەردە، بايىنعولين وبلىسىنىڭ سولتۇستىگى، كۇنلۇن تاۋىنىڭ سولتۇستىك باۋرايى قاتارلى جەرلەردىڭ ءبىر ءبولىم وڭىرلەرىندە از جاڭبىر نەمەسە قار جاۋادى، وسى جەرلەردىڭ ىشىندە سولتۇستىك شينجياڭنىڭ باتىسى سولتۇستىگى، تيانشاننىڭ سولتۇستىك باۋرايى، وڭتۇستىك شينجياڭنىڭ باتىسىنداعى تاۋلى رايونداردا، كۇنلۇن تاۋىنىڭ سولتۇستىك باۋرايى، بايىنعولين وبلىسىنىڭ سولتۇستىگىندەگى تاۋلى رايونداردا، قۇمىل قالاسى قاتارلى جەرلەردىڭ ءبىر ءبولىم وڭىرلەرىندە ورتاشا قار جاۋىپ، سوڭى قالىڭ قارعا اينالادى، تاۋلى وڭىرلەردىڭ ءىشىنارا جەرلەرىندە قالىڭ قار جاۋادى. جوعارىدا ايتىلعان باسىم كوپ ساندى وڭىرلەردە التى بال اينالاسىندا باتىس تەرىستىك جەلى سوعادى، جەل وتىندە جەل كۇشى 10 بال اينالاسىندا. قارلى-جاڭبىرلى اۋا رايىنا ىلەسە، سولتۇستىك شينجياڭ، شىعىس شينجياڭدا ەڭ تومەنگى تەمپەراتۋرا℃5~℃8 تومەندەيدى.
