قىستاققا جولبارىس كىرىپ قىستاق تۇرعىنىن جارالادى!
11-ايدىڭ 18-كۇنى ساعات التىدان 38 مينۋت وتكەندە، حيلۇڭجياڭ ولكەسى چيتايحى قالاسى بولي اۋدانى 110 قولباسشىلىق ورتالىعى ساعات 6 مولشەرىندە بولي اۋدانى جيشيڭ چاۋشيان مانزۋ ۇلتتىق اۋىلى چاڭتاي قىستاعىندا جولبارىس بايقالعان مالىمەتتى تاپسىرىپ العان.ءارى ناق مايدانعا بارىپ چاڭتاي قىستاعىنداعى ءبىر قىستاق تۇرعىنىنىڭ سول قولىن جولبارىس جارالاپ كەتكەنىن، قازىر جارالانۋشى ەمدەۋ قۇرىلىمىندا ەمدەلىپ جاتقاندىعىن، كوڭىل كۇيى ورنىقتى، دەنساۋلىعى جاقسى ەكەنىنەن حاباردار بولعان.
وسى ىستەن كەيىن اۋداندىق قوعام حاۋىپسىزدىگى مەكەمەسى، ورمان شارۋاشىلىعى جانە جايىلىم مەكەمەسى، شۇعىل جاعدايعا توتەپ بەرۋدى باسقارۋ مەكەمەسى سياقتى تاراۋلار مەن اۋىل-قالاشىق قىزمەتكەرلەرى ناق مايدانعا بارىپ، جولبارىستىڭ ىزىنە ءتۇسىپ، دەرەگىن ىزدەستىردى.
جەرگىلىكتى ورىن، اۋىل-قالاشىق تۇرعىندارىنا ءوز ماڭىندا جابايى حايۋاناتتار بايقاسا، حاۋىپتەن ساقتانىپ، باس اماندىققا كەپىلدىك ەتكەن جاعدايدا، دەرەۋ مالىمدەۋىن ەسكەرتتى.
