شي جينپيڭ برازيليانىڭ زۇڭتۇڭىمەن كەڭەس وتكىزدى

ءوز حابارىمىز. مەملەكەت ءتوراعاسى شي جينپيڭ جەرلىك ۋاقىت 11-ايدىڭ 20-كۇنى تۇستەن بۇرىن برازيلياداعى زۇڭتۇڭ سارايى الۆورادا سارايىندا برازيليانىڭ زۇڭتۇڭى لۋلامەن كەڭەس وتكىزدى. ەكى ەل باسشىلارى جۇڭگو-برازيليا قاتىناسى دەڭگەيىن اناعۇرلىم ادىلەتتى دۇنيە ءجۇزىن جانە اناعۇرلىم باياندى عالامشاردى قول ۇستاسا قۇراتىن جۇڭگو-برازيليا تاعدىرلاس ورتاق تۇلعاسى دەڭگەيىنە كوتەرگەندىگىن جاريالادى.

جايدارى جاز ماۋسىمى ەندى باستالعان برازيليا استاناسىنىڭ اسپانى شايداي اشىق. الۆورادا سارايى جاسىل جەلەك جامىلا قۇلپىرادى، 450 اسكەرلىك ايبىندى قۇرمەت قاراۋىلى رەتتى ساپ تۇزەپ تۇردى. 120 اتتى اسكەردىڭ قورعاۋىندا شي جينپيڭ ماشينامەن الۆورادا سارايىنىڭ الدىنداعى الاڭعا باردى.

لۋلا زۇڭتۇڭ مەن حانىمى روسانجەلا شي جينپيڭدى ىقىلاستى قارسى الدى ءارى شي جينپيڭدى قارسى الۋ سالتاناتتى سالتىن وتكىزدى.

اسكەري وركەستر جۇڭگو مەن برازيليانىڭ مەملەكەت اندەرىن ورىندادى. ەكى ەلدىڭ مەملەكەت باسشىلارى قۇرمەت قاراۋىلىنىڭ سالتانات سابىن بىرلىكتە كوزدەن كەشىردى. جۇڭگو مەن برازيليالىق بالالار ەكى ەلدىڭ مەملەكەت تۋىن بۇلعاپ شي جينپيڭدى شات مەرەيمەن قارسى الدى. برازيليا ونەرپازى حانزۋ تىلىندە «مەنىڭ وتانىم» ءانىن شىرقادى.

ەكى ەلدىڭ مەملەكەت باسشىلارى جەكە-جەكە قارسى جاقتان سەرىك بولىپ كەلگەندەرمەن قول الىسىپ امانداسىپ قۇرمەت ءبىلدىردى.

قارسى الۋ سالتىنان كەيىن، ەكى ەلدىڭ مەملەكەت باسشىلارى كەڭەس وتكىزدى.

شي جينپيڭ مىنالاردى انىق ايتتى: جۇڭگو مەن برازيليانىڭ ديپلوماتيالىق قاتىناس ورناتقاندىعىنىڭ 50 جىلدىعى سىندى ماڭىزدى تاريحي مانگە يە جىلدا برازيليادا ساپاردا بولعانىما توتەنشە قۋانىشتامىن. الگىندە لۋلا زۇڭتۇڭنىڭ ماعان ەڭ جوعارى قۇرمەت بىلدىرگەن سالتاناتتى قارسى الۋ سالتىن وتكىزۋى جۇڭگو-برازيليا قاتىناسىنا وسكەلەڭ ءمان بەرگەندىكتى، سونداي-اق جۇڭگو حالقىنا دەگەن تەرەڭ دوستىقتى تولىق ايگىلەدى، مەن بۇدان ەرەكشە اسەرلەندىم. جۇڭگو مەن برازيليا شىعىس-باتىس جارتى شارداعى دامۋ جولىنداعى ەكى ءىرى ەل. وتكەن 50 جىلعا قايىرىلا قاراساق، جۇڭگو-برازيليا قاتىناسىندا اسقار تاۋ-ايدىندى تەڭىزدەردەن القىپ ءوتىپ، دامۋ جولىنداعى ءىرى ەلدەردىڭ ءوزارا قۇرمەت ەتۋ، ءوزارا پايدا جەتكىزە دوستىق ورناتۋ، سەلبەسە ورتاق يگىلىكتەنۋ سىندى دۇرىس قارىم-قاتىناس جولىن اشۋعا ىزدەنىس جاسالدى. برازيليا جۇڭگومەن ستراتەگيالىق سەرىكتەستىك قاتىناس ورناتقان تۇڭعىش مەملەكەت، جۇڭگومەن جالپى بەتتىك ستراتەگيالىق سەرىكتەستىك قاتىناس ورناتقان لاتىن امەريكاداعى تۇڭعىش مەملەكەت. تاياۋ جىلداردان بەرى، مەن جانە لۋلا زۇڭتۇڭنىڭ ستراتەگيالىق جەتەكشىلىگىمىزدە، ەكى ەل كۇن سايىن تاعدىرلاس، سەنىمدى دوسقا، بەيبىتشىلىكتى وراق كۇش سالا جەبەيتىن بەلسەندى كۇشكە اينالدى، جۇڭگو-برازيليا قاتىناسى تاريحتاعى ەڭ جاقسى مەزگىلدە تۇر، ەكى ەل حالقىنىڭ باقىتىن ارتتىرۋمەن بىرگە، قالىڭ دامۋ جولىنداعى ەلدەردىڭ ورتاق مۇددەسىن قورعاپ، جەر شارى وڭتۇستىك ەلدەردىڭ كۇش-قۋاتى مەن ءۇنىن زورايتىپ، دۇنيە ءجۇزىنىڭ بەيبىتشىلىگى مەن ورنىقتىلىعىنا كورنەكتى ۇلەس قوسۋدا.

شي جينپيڭ بىلاي دەپ باسا دارىپتەدى: بۇگىن ءبىز جۇڭگو-برازيليا قاتىناسىن اناعۇرلىم ادىلەتتى دۇنيە ءجۇزىن جانە اناعۇرلىم باياندى عالامشاردى قول ۇستاسا قۇراتىن جۇڭگو-برازيليا تاعدىرلاس ورتاق تۇلعاسى دەڭگەيىنە كوتەردىك، سونىمەن بىرگە «ءبىر بەلدەۋ، ءبىر جولدى» ورتاق قۇرۋ دارىپتەمەسى برازيليانىڭ دامۋ ستراتەگياسىمەن ۇشتاستىرىلدى، بۇل جۇڭگو-برازيليا قاتىناسى دامۋىنداعى تاعى ءبىر تاريحي ءسات بولىپ، ەكى ەل قاتىناسىنىڭ الەمدىك، ستراتەگيالىق، ۇزاق بولاشاقتىق سيپاتى ايگىلەندى، ەكى ەل حالقىنىڭ جالپى بەتتىك تىلەگىنە ۇيلەسەدى، ەكى جاقتىڭ ءوز ەلدەرىنىڭ وسىزاماندانۋىن ىلگەرىلەتۋىنە قوزعاۋشى كۇش تىرەگى بولادى، سونىمەن بىرگە، جۇڭگو مەن برازيليانىڭ حالىقارالىق تەڭدىك پەن ادىلدىكتى قول ۇستاسا قورعاپ، دۇنيە ءجۇزىنىڭ بىرلىكتە دامۋىن جەبەۋ بەكىمىن ايگىلەيدى. جۇڭگو برازيليامەن بىرلىكتە قۇلشىنىپ، ادامزاتتىڭ بولاشاعىن، حالىقتىڭ باقىتىن كوكەيدە ساقتاپ، جاڭا داۋىردەگى جۇڭگو-برازيليا قاتىناسىنىڭ مازمۇنىن ۇزدىكسىز بايىتىپ، ءوزارا تابىسقا جەتۋگە جەبەيتىن قىمباتتى سەرىكتەر بولىپ، ادامزاتتىڭ تاعدىرلاس ورتاق تۇلعاسىن قۇرۋ، اناعۇرلىم ادىلەتتى دۇنيە ءجۇزىن جانە اناعۇرلىم باياندى عالامشاردى قۇرۋ نىساناسىنا قاراي ۇزدىكسىز قادام تاستاپ، ادامزاتتىڭ بەيبىتشىلىگى مەن العا باسۋ ىستەرىنە اناعۇرلىم زور ۇلەس قوسۋدى قالايدى.

شي جينپيڭ ەكى ەل قاتىناسىنىڭ بولاشاقتاعى دامۋى جونىندە 4 جاقتان ۇسىنىس قويدى.

ءبىرىنشى، تاعدىرلاس، ستراتەگيالىق ءوزارا سەنىمدىلىكتى ۇزدىكسىز بەكەمدەۋ كەرەك. يەلىك ۇقىق، حاۋىپسىزدىك، تەرريتوريا تۇتاستىعى سياقتى وزەكتى مۇددەگە ساياتىن ماسەلەلەردە ءبىر-ءبىرىن باتىل قولداۋ؛ ءبىر-بىرىنە سەنەتىن ستراتەگيالىق سەرىكتەر جانە جەر شارى وڭتۇستىك ەلدەردىڭ ىنتىماقتاسا سەلبەسۋىنىڭ، ءوزارا پايدا جەتكىزە ورتاق يگىلىكتەنۋىنىڭ، بىرلىكتە دامۋىنىڭ ۇلگىسى بولۋ كەرەك. مادەنيەت، وقۋ-اعارتۋ، جاستار ىستەرى سياقتى سالالارداعى گۋمانيتارلىق اۋىس-كۇيىستى كۇشەيتىپ، جۇڭگو-برازيليا تاعدىرلاس ورتاق تۇلعاسىنىڭ حالىق رايى نەگىزىن بەكەمدەۋ كەرەك.

ەكىنشى، دامۋدان ورتاق يگىلىكتەنۋ، دامۋ ستراتەگياسىن ۇشتاستىرۋدى ۇزدىكسىز تەرەڭدەتۋ كەرەك. «ءبىر بەلدەۋ، ءبىر جولدى» ورتاق قۇرۋ دارىپتەمەسىنىڭ برازيليانىڭ دامۋ ستراتەگياسىمەن ۇشتاسۋ تاريحي ورايىن مىقتى يگەرىپ، ەكونوميكا-ساۋدا، نەگىزدىك قۇرىلعى، فينانس، عىلىم-تەحنيكا، ورتا قورعاۋ سياقتى ءتۇيىندى سالالارداعى سەلبەستىكتى تەرەڭدەتۋ؛ عارىش، اۋىل شارۋاشىلىق عىلىم-تەحنيكاسى، تازا ەنەرگيا سياقتى سالالارداعى سەلبەستىكتى كۇشەيتۋ كەرەك. جۇڭگو كەدەيلىكتەن ارىلتۋدان قامال الۋدى ەل باسقارۋداعى كورنەكتى ورىنعا قويىپ، برازيليانىڭ «اشارشىلىققا قارسى تۇرۋ» جوسپارىن اتقارۋىن قولدايدى، برازيليامەن كەدەيلىكتەن قۇتىلدىرۋ سەلبەستىگىن ۇزدىكسىز كۇشەيتىپ، ەكى ەل حالقىن اناعۇرلىم تاماشا تۇرمىسقا كەنەلتۋدى قالايدى.

ءۇشىنشى، جاۋاپكەرشىلىكتى بىرلىكتە ارقالاۋ، دۇنيە ءجۇزىنىڭ بەيبىتشىلىگى مەن ادىلدىگىن قورعاۋعا جۇڭگو-برازيليا كۇش قۋاتىن قوسۋ كەرەك. ناعىز كوپ جاقتىلىقتى امالياتتا ايگىلەپ، ءادىل ءسوز ايتۋعا، ءادىل ءىس ىستەۋگە تاباندى بولۋ؛ الەمدىك باسقارۋدىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتۋ كەرەك. جۇڭگو برازيليانىڭ حالىقاراداعى ورنى مەن ىقپال كۇشىنە وسكەلەڭ ءمان بەرەدى، برازيليانىڭ حالىقارالىق ساحنادا اناعۇرلىم زور رول اتقارۋىن قولدايدى، برازيليامەن ب م ۇ جانە بريكس ەلدەرى سياقتى كوپ جاقتى مەحانيزمدە تۇسىنىستىك-سايكەستىكتى كۇشەيتۋدى قالايدى، برازيليانىڭ كەلەر جىلى بريكس ەلدەرىنە ءتوراعا ەل بولۋ قىزمەتىن قولدايدى، «بريكس ەلدەر سەلبەستىگىنىڭ» جوعارى ساپالى دامۋىنا دەم بەرۋدى، كوپ جاقتىلىققا تاباندى بولۋدى، الەمدىك باسقارۋدى كەمەلدەندىرۋ جاعىندا اناعۇرلىم اسقاق بريكس ءۇنىن تاراتۋدى قالايدى.

ءتورتىنشى، بەينەت پەن زەينەتتى بىرگە وتكەرىپ، ادامزاتتىڭ تاعدىرلاس ورتاق تۇلعاسىن قۇرۋعا جۇڭگو-برازيليا ۇلەسىن قوسۋ كەرەك. جۇڭگو مەن برازيليا دامۋ جولىنداعى ءىرى ەل رەتىندە، باستاماشىلدىقپەن بىرلىكتە اقىلداسىپ، كەڭەسىپ، «ءبىر جاعادان باس، ءبىر جەڭنەن قول شىعارۋدى» ىلگەرىلەتىپ، ادامزاتتىڭ بولاشاعى مەن تاعدىرىنا ساياتىن الەمدىك سىن-سايىستارعا تىزە قوسا توتەپ بەرۋ كەرەك. جاسىل دامۋعا بۇرىلىس جاساۋ، باياندى دامۋ، كليمات وزگەرىسىنە توتەپ بەرۋ، جاساندى زەيىن كاسىبىن باسقارۋ سياقتى سالالارداعى سەلبەستىكتى كۇشەيتۋ كەرەك. جۇڭگو برازيليانىڭ «ب م ۇ–نىڭ كليمات وزگەرىسى جونىندەگى جۇلگەلىك شارتىنىڭ» 30–رەتكى شارتتاسقان جاقتار جينالىسىن ويداعىداي وتكىزۋىن قولدايدى.

شي جينپيڭ بىلاي دەپ انىق ايتتى: 10 جىلدىڭ الدىندا، مەن برازيليادا لاتىن امەريكا جانە كارايب ەلدەرىنىڭ باسشىلارىمەن بىرلىكتە جۇڭگو-لاتىن امەريكا تالقىسىن قۇرۋدى جاريالاپ، جۇڭگو-لاتىن امەريكا قاتىناسىنىڭ تەپە-تەڭ، ءوزارا پايدا جەتكىزەتىن، جاڭالىق جاراتاتىن، ەسىك اشاتىن، حالىققا تيىمدىلىك جەتكىزەتىن جاڭا داۋىرگە ءوتۋىن ىلگەرىلەتۋدى دارىپتەگەن ەدىم. جۇڭگو جاق برازيليا جاقپەن بىرلىكتە جۇڭگو-لاتىن امەريكا تالقىسىن ۇزدىكسىز ويداعىداي وتكىزىپ، «ءبىر بەلدەۋ، ءبىر جولدى» ورتاق قۇرۋ دارىپتەمەسىن لاتىن امەريكا مەن كارايب ءوڭىرىنىڭ دامۋ باسىمدىعىمەن جانە سۇرانىسىمەن اناعۇرلىم ويداعىداي ۇشتاستىرىپ، جۇڭگو-لاتىن امەريكا تاعدىرلاس ورتاق تۇلعاسى قۇرىلىسىنىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتۋدى قالايدى.

لۋلا بىلاي دەدى: برازيليا مەن جۇڭگو ءوزارا قۇرمەت ەتەتىن، ءوزارا كومەكتەسەتىن جاقسى دوستار، جۇڭگو برازيليانىڭ ەڭ ماڭىزدى ستراتەگيالىق سەلبەستىك سەرىگى، جۇڭگو حالقى برازيليا حالقىنىڭ ەڭ سەنىمدى دوسى. بيىل برازيليا مەن جۇڭگونىڭ ديپلوماتيالىق قاتىناس ورناتقاندىعىنىڭ 50 جىلدىعى، ءتوراعا شي جينپيڭنىڭ وسىناۋ ماڭىزدى ۋاقىت كەزەڭىندە برازيليادا تاعى دا مەملەكەتتىك ساپاردا بولۋىن قۋانىشتى قارسى الامىز. الگىندە قارسى الۋ سالتىندا مەن برازيليا كوركەمونەرشىلەرىن حانزۋ تىلىندەگى «مەنىڭ وتانىم» ءانىن ايتۋعا ارنايى ورنالاستىردىم، وسى ارقىلى جۇڭگونىڭ بىلتىر جۇڭگوعا ساپارلاي بارعانىمدا ىستىق ىقىلاسپەن كۇتىپ العانىنا العىس ايتامىن ءارى برازيليا حالقىنىڭ جۇڭگو حالقىنا دەگەن تەرەڭ سۇيىسپەنشىلىگىن بىلدىرەمىن. وتكەن 50 جىلدا برازيليا مەن جۇڭگونىڭ ءار سالاداعى سەلبەستىگىندە سۇبەلى تابىستارعا قول جەتتى. برازيليا ءتوراعا شي جينپيڭنىڭ ساپارىن جاڭا باستاما ەتىپ، ەكى ەل قاتىناسىنىڭ اناعۇرلىم كوپ ناقتى جاڭا جەتىستىكتەرگە قول جەتكىزۋىن ىلگەرىلەتىپ، اناعۇرلىم ادىلەتتى دۇنيە ءجۇزىن جانە اناعۇرلىم باياندى عالامشاردى قول ۇستاسا قۇراتىن جۇڭگو-برازيليا تاعدىرلاس ورتاق تۇلعاسىن قۇرۋدى ءۇمىت ەتەدى. برازيليا «جەدەل ارتۋ جوسپارى»، «جاڭا ونەركاسىپ جوسپارى»، «وڭتۇستىك امەريكانى ءبىر تۇلعالاندىرۋ جول قاريتا جوسپارى» سياقتى دامۋ ستراتەگيالارىن زور كۇشپەن ىلگەرىلەتۋدە، بۇلار جۇڭگو جاقتىڭ «ءبىر بەلدەۋ، ءبىر جول» دارىپتەمەسىمەن بارىنشا قابىسادى، ەكى جاقتىڭ دامۋ ستراتەگياسىن ۇشتاستىرۋدى كۇشەيتۋى برازيليانىڭ قايتالاي ونەركاسىپتەنۋ اياق الىسىنا بارىنشا دەم بەرىپ، وڭتۇستىك امەريكانى ءبىر تۇلعالاندىرۋ قۇرىلىسىن جەبەپ، دامۋ جولىنداعى ەلدەردىڭ ىنتىماقتاسا سەلبەسۋىنىڭ، ءوزارا پايدا جەتكىزە ورتاق يگىلىكتەنۋىنىڭ ۇلگىسىن ورناتۋعا كۇش قوسادى. ەكى جاقتىڭ قىزمەت گرۋپپالارى نەگىزدىك قۇرىلعى، فينانس، كاسىپ تىزبەگى، عىلىم-تەحنيكا، ەكولوگيالىق ورتا قورعاۋ سياقتى ءتۇيىندى سالالارداعى سەلبەستىكتى جەدەل تالقىلاۋى جانە ىلگەرىلەتۋى كەرەك. ءتىپتى دە كوپ جۇڭگو كاسىپورىندارىنىڭ برازيلياعا كەلىپ قارجى قوسىپ، سەلبەستىك جاساۋىن قارسى الامىز. برازيليا جۇڭگومەن ءوزارا بايلانىس جاساۋ جانە زات اينالىمى دەڭگەيىن جوعارىلاتىپ، برازيليا مەن جۇڭگونىڭ جانە لاتىن امەريكا مەن جۇڭگونىڭ بىرلىكتە دامۋىن، كوركەيۋىن جەبەۋدى ءۇمىت ەتەدى. برازيليا جاق «جاڭا قىرعي قاباقتىق سوعىسقا» قارسى تۇرادى، دۇنيە ءجۇزىنىڭ كوپ ۇيەكتەنۋىن، تەڭدىكتى جانە ءوزارا قۇرمەت ەتۋدى نەگىز ەتكەن الەمدىك سەرىكتەستىك قاتىناستى ىلگەرىلەتۋدى دارىپتەيدى، جۇڭگو جاقپەن بىرلەسكەن مەملەكەتتەر ۇيىمى، بريكس ەلدەرى، 20 ەل توبى سياقتى كوپ جاقتى جۇلگەدەگى تۇسىنىستىك-سەلبەستىكتى ۇزدىكسىز تەرەڭدەتىپ، جەر شەرى وڭتۇستىك ەلدەردىڭ الەمدىك باسقارۋداعى ءسوز سويلەۋ ۇقىعى مەن ىقپال كۇشىن جوعارىلاتۋدى قالايدى. برازيليا جۇڭگومەن كوپ جاقتى سەلبەستىكتى ۇزدىكسىز جيىلەتىپ، ۋكراينا داعدارىسى سياقتى قولامتالى ماسەلەلەردى بەيبىت جولمەن شەشۋدى ىلگەرىلەتۋگە بەلسەندى ۇلەس قوسۋدى قالايدى. ءتوراعا شي جينپيڭنىڭ وسى رەتكى ساپارى برازيليا-جۇڭگو قاتىناسى تاريحىنداعى جاڭا بەلەسكە اينالىپ، برازيليا-جۇڭگو تاعدىرلاس ورتاق تۇلعاسىن قۇرۋدىڭ تىڭ پاراعىن اشاتىندىعى ءشۇباسىز.

كەڭەستەن كەيىن، ەكى ەل باسشىلارى «جۇڭحۋا حالىق رەسپۋبليكاسى مەن برازيليا فەدەراتسيالىق رەسپۋبليكاسىنىڭ اناعۇرلىم ادىلەتتى دۇنيە ءجۇزىن جانە اناعۇرلىم باياندى عالامشاردى قول ۇستاسا قۇراتىن جۇڭگو-برازيليا تاعدىرلاس ورتاق تۇلعاسى جونىندەگى بىرلەسكەن مالىمدەمەگە» بىرلىكتە قول قويدى.

ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى ۇكىمەتى مەن برازيليا فەدەراتسيالىق رەسپۋبليكاسى ۇكىمەتىنىڭ ءبىر بەلدەۋ، ءبىر جولدى ورتاق قۇرۋ دارىپتەمەسىن برازيليانىڭ جەدەل ارتۋ جوسپارىمەن، برازيليا جاڭا ونەركاسىپ جوسپارىمەن، ەكولوگيالىق دامۋدا بۇرىلىس جاساۋ جوسپارىمەن، وڭتۇستىك امەريكانى ءبىر تۇلعالاندىرۋ جولى جوسپارىمەن ۇشتاستىرۋ سەلبەستىك جوباسىنا» قول قويۋعا بىرلىكتە كۋا بولدى.

ساپار كەزىندە ەكى جاق ەكونوميكا-ساۋدا، قارجى قوسۋ، اۋىل شارۋاشىلىعى، سيفرلى ەكونوميكا، باياندى دامۋ، عىلىم-تەحنيكا، جاساندى زەيىن، الەمدىك دامۋ سەلبەستىگى سياقتى سالالارداعى 30 نەشە تۇردەگى ەكى جاقتى سەلبەستىك قۇجاتقا قول قويدى.

ساي چي، ۋاڭ ي قاتارلىلار جوعارىداعى قيمىلدارعا قاتىناستى.