يزرايل ارمياسى ليۆانعا 11-ايدىڭ 6-كۇنى تۇتقيىل شابۋىل جاساپ، قىرۋار ادام ءولدى جانە جارالاندى، جاڭا كەزەكتى ليۆان-يزرايل قاقتىعىسى تۋىلعاننان بەرى ليۆاندا 3050 ادام ءولىپ، 13 مىڭ 658 ادام جارالاندى
ءوز حابارىمىز. ليۆاننىڭ شىعىس بولەگىندەگى بالبەك حيلمۇر ولكەسىنە 11-ايدىڭ 6-كۇنى يزرايل ارمياسى 40 رەت تۇتقيىل شابۋىل جاساپ، 38 ادام ءولدى، 54 ادام جارالاندى. كوپتەگەن جەرلەردەگى قيراندىنى تازالاۋ جۇمىسى ءالى دە جۇرگىزىلۋدە.
سول كۇنى يزرايل ارمياسى تاعى ليۆاننىڭ استاناسى بەيرۋتتىڭ وڭتۇستىك قالا ماڭىنا اۋەدەن شابۋىل جاسادى. يزرايل ارمياسى شابۋىلداۋدان بۇرىن وسى جەردەگى ءۇش عيماراتتىڭ ماڭىنداعى بۇقارادان دەرەۋ شەگىنىپ شىعۋىن تالاپ ەتتى. باس ستانسيا ءتىلشىسىنىڭ ۇعىسۋىنا قاراعاندا، يزرايل ارمياسى 11-ايدىڭ 6-كۇنى كەشتە بەيرۋتتىڭ وڭتۇستىك قالا ماڭىنداعى 6 رايونعا 9 رەت اۋە شابۋىلىن قوزعاعان.
يزرايل مەملەكەت قورعانىس ارمياسىنىڭ باس اقىلشىلار باستىعى حاريۆي 11-ايدىڭ 6-كۇنى كەشتە، يزرايل ارميا جاعى ليۆان ءتاڭىر پارتياسىنا جەر بەتى شابۋىلىن ءسوزسىز كەڭەيتەدى،-دەدى.
ليۆان الەۋمەتتىك دەنساۋلىق ساقتاۋ مينيسترلىگىنىڭ 11-ايدىڭ 6-كۇنگى حابارلاندىرۋىندا بىلاي دەلىنگەن: وسى رەتكى ليۆان-يزرايل قاقتىعىسى تۋىلعاننان بەرى، ليۆاندا 3050 ادام ءولىپ، 13 مىڭ 658 ادام جارالاندى.
