WXRedian | 中央广播电视总台哈萨克语 | كوپ مايدان مارافون جارىسى 11-ايدىڭ 3-كۇنى باستالدى

كوپ مايدان مارافون جارىسى 11-ايدىڭ 3-كۇنى باستالدى

时事 2024-11-03 14:30 北京

كوپ مايدان مارافون جارىسى 11-ايدىڭ 3-كۇنى باستالدى

ءوز حابارىمىز: بەيجيڭ مارافون جارىسى، شي - ان مارافون جارىسى، جىڭجوۋ مارافون جارىسى قاتارلى كوپ مايدان مارافون جارىستارى 11 - ايدىڭ 3 - كۇنى باستالدى. جەر - جەر جارىستى ۇيىمداستىرۋ قىزمەتىن ويداعىداي ىستەۋگە قۇلشىنىپ، جارىس ارقىلى ەكونوميكانىڭ ارتۋىنا دەم بەرىپ، قالا دامۋىنىڭ جاڭا قوزعاۋشى كۇشىن تاسقىنداتتى.

11-ايدىڭ 3-كۇنى تاڭعى ساعات 7 جارىمدا ەلىمىز كولەمىندەگى ەڭ ىقپالدى مارافون جارىستارىنىڭ ءبىرى بولعان بەيجيڭ مارافون جارىسى تيان ـ انمىن الاڭىنىڭ شىعىس جاعىندا باستالدى، جارىسقا 30 مىڭنان استام ادام قاتىناستى. بيىلعى بەيجيڭ مارافون جارىسىنا تىزىمدەلگەن ادام سانى تاريحتاعى ەڭ جوعارى دەڭگەيگە جەتىپ، 182 مىڭ 949 ادام قاتىناستى، 43 مەملەكەت پەن رايوننان ادام بار. جارىسقا قاتىناسقان ۋاڭ مىرزا بىلاي دەدى: مەنىڭ جۇگىرۋدەگى ماقساتىم دەنە شىنىقتىرۋ ءۇشىن ، مارافون جارىسى تيان - انمىن الاڭىنىڭ ماڭىندا باستالدى، 30 مىڭ ادام مەملەكەت ءانىن توپتىق شىرقاعان كەزدە، قاتتى تەبىرەندىم، كوكىرەگىمدى ماقتانىش سەزىمى كەرنەدى.

مارافون جارىسى ءبىر قالانىڭ مادەنيەت جانە تارتىمدىلىعىن ايگىلەپ، تيجارات ساۋدانى جەبەيتىن ورايعا اينالدى. 11-ايدىڭ 3-كۇنى وتكىزىلگەن جىڭجوۋ مارافون جارىسىندا ورتا جازىق مادەنيەت ەرەكشەلىگى تولىق ايگىلەنىپ، جارىسقا قاتىناسۋشىلار مەملەكەت دارەجەلى بەي زاتتىق مادەني مۇرالاردىڭ باۋرامدىلىعىن سەزىندى.

كەزەكتە مارافون جارىسىنىڭ ەكونوميكالىق اسەرى ونان ارى بەينەلەنۋدە.ءىرى قالالاردا مارافون جارىسى جاراتقان ەكونوميكالىق ونىمدىلىك توتەنشە كورنەكتى بولدى، مىسالى، 2023 - جىلعى گۋاڭجوۋ مارافون جارىسىندا جاراتىلعان تىكەلەي ەكونوميكالىق ونىمدىلىك 345 ميلليون يۋانعا، جانامالاي ەكونوميكالىق ونىمدىلىك 816 ميلليون يۋانعا جەتتى.تيانجين قالالىق دەنە تاربيە مەكەمەسى ۇگىت ـ تاربيە زاڭ ـ ەرەجە باسقارماسىنىڭ باستىعى فان حۇييۇي بىلاي دەدى: تيانجين قالاسى مارافون جارىسىنىڭ ءار جاقتى رولىن تولىق ساۋلەلەندىرىپ، دەنە تاربيە جارىسى ارقىلى مادەنيەت، دەنە تاربيە، ساۋدا، ساياحات ىستەرىنىڭ ىشكەرىلەي توعىسۋىن جەبەۋگە كۇش سالادى.

بيىلعى تيانجين مارافون جارىسى كەزىندە ساياحاتشىلار سانى الدىڭعى ءبىر اپتاداعى ۇقساس مەزگىلدەگىدەن%40 ارتتى، مارافون جارىسى كەزىندە تيانجيندەگى قوناق ۇيلەردىڭ زاكاز قابىلداۋ مولشەرى وتكەن جىلدىڭ ۇقساس مەزگىلىندەگىدەن%38 ارتتى.

来源：中央广播电视总台

监制：叶力夏提

审稿：阿曼太

翻译：那扎

微信制作：巴特勒

中央广播电视总台哈萨克语

中国哈萨克语广播网（www.kazakcnr.cn）是中央广播电视总台民族语言节目中心主办的国内最权威的哈萨克语新闻网。