སྐུ་ཉིད་•བོད་ཀྱི་ན་གཞོན•་འཕྲིན་སྟེགས་སུ་ཕེབས་པར་དགའ་བསུ་སྙིང་ནས་ཞུ། འཕྲིན་སྟེགས་འདི་རུ་བོད་ཀྱི་ན་གཞོན་དག་གི་གླུ་དབྱངས་དང་གླུ་ཚིག་གཙོས་རྩོམ་པ་པོ་གྲགས་ཅན་དག་གི་ལེགས་རྩོམ་ཁག་དང་། བོད་སྐད་གློག་བརྙན། རྒྱུན་ཤེས། བསླབ་བྱ། དཔེ་ཁྲིད། གཏམ་རྒྱུད། གསར་འགྱུར། ལེགས་བཤད། འདྲེ་སྒྲུང་། གླིང་སྒྲུང་། ཆོས་ཁྲིད། གླུ་དབྱངས། རྡུང་ལེན། སྒྲ་སྟོང་སོགས་བརྩམས་ཆོས་སྣ་མང་སྤེལ་བཞིན་ཡོད་པས་ཀློག་པ་པོ་ཡོངས་ཀྱིས་རྒྱབ་སྐྱོར་གྱི་ཚུལ་དུ་རང་གི་ཡིད་ལ་འཐད་པའི་བརྩམས་ཆོས་དག་གཞན་ལ་ངོ་སྤྲོད་དམ་བརྒྱུད་སྤེལ་རེ་གནང་བར་ཐུགས་རྗེ་ཆེ། བཀྲ་ཤིས་བདེ་ལེགས།
ལས་དང་པོ་པ་ལ་གདམས་པ།
为初学者言教
ཚིག འཇུ་མི་ཕམ།
作词：局米旁
མགུར་མཁན། ཕུན་ཚོགས་ཆོས་སྒྲོན།
演唱：平措曲珍
ཀྱེ་ཧོ།
འཁོར་བའི་བྱ་བ་ཀུན་ལ་སྙིང་པོ་མེད། །
མི་བརྟན་གཡོ་བ་གློག་གི་ཟློས་གར་མཚུངས། །
འཆི་བ་འདི་ཡང་ནམ་འབྱུང་ཆ་མེད་ལ། །
ཅིས་ཀྱང་འཆི་ངེས་བློ་སྣ་བསྟུང་ནས་སུ། །
བླ་མའི་གདམ་ངག་གནད་དུ་བསྣུན་བྱས་ཏེ། །
རྩེ་གཅིག་དབེན་པར་རང་སེམས་ཕུ་ཐག་བཅད། །
སེམས་ནི་གློག་དང་ང་དང་སྤྲིན་དང་འདྲ། །
མི་བསམ་དགུ་བསམ་སྣ་ཚོགས་རྟོག་པས་བསླད། །
ལེགས་པར་བརྟགས་ན་གཞི་རྩ་གང་ཡང་མེད། །
བར་སྣང་སྨིག་རྒྱུ་ལྟ་བུར་ངོ་བོས་སྟོང་། །
སྟོང་བཞིན་སྣང་ལ་སྣང་བཞིན་སྟོང་པ་ཡི། །
རང་སེམས་རང་བབས་བཞག་ནས་རྣལ་མར་སྡོད། །
གོམས་པ་བརྟན་ན་རང་སེམས་གཤིས་ལུགས་མཐོང་། །
བླ་མར་མོས་གུས་ཆེ་ན་བྱིན་རླབས་འཇུག །
ཚོགས་བསགས་སྒྲིབ་པ་སྦྱང་ན་རྟོགས་པ་སྐྱེ། །
དེ་བས་ནན་ཏན་འབད་པས་ཉམས་སུ་ལོངས། །
ལས་དང་པོ་ཁ་ཅིག་གིས་ཉམས་ལེན་གྱིས་གདམ་པ་དགོས་ཟེར་བ་ལ་མི་ཕམ་པས་བསླབ་བྱར་བྲིས་དགེའོ། །མངྒ་ལཾ།། ༈ །།
《བོད་སྐད་གློག་བརྙན།》
———————｜———————
གླིང་སྒྲུང་ལ་གསན་འདོད་ན་འོག་ནས་འབྲེལ་རོགས།
————————————————
⬇️ གཤམ་གྱི་དྲ་ཚིགས་བརྒྱུད་ནས་གླུ་གཞས་མང་པོ་ལ་ཉོན་ཐུབ།
⬇️ 点开（原文链接），可以收听更多歌曲
