WXRedian | 中央广播电视总台哈萨克语 | شي جينپيڭ حۋبەيدە قىزمەت تەكسەردى

شي جينپيڭ حۋبەيدە قىزمەت تەكسەردى

时事 2024-11-07 11:04 北京

شي جينپيڭ حۋبەيدە قىزمەت تەكسەرگەندە، قايراتتى تاسقىنداتا ەكپىندەي العا ۇمتىلىپ، باياندى ۇلەس قوسىپ، شەبەرلىكپەن ىستەپ شەبەرلىكپەن ناتيجە جاراتىپ، جۇڭگو ۇلگىسىندەگى وسىزاماندانعان حۋبەي داستانىن قۇلشىنا جازۋ كەرەك،- دەپ باسا دارىپتەدى

ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا حۋبەيدە قىزمەت تەكسەرگەندە بىلاي دەپ باسا دارىپتەدى: حۋبەيدە پارتيا 20-قۇرىلتايىنىڭ جانە 20-كەزەكتى ورتالىق كوميتەت ءۇشىنشى جالپى ءماجىلىسىنىڭ رۋحىن ىشكەرىلەي دايەكتەندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى باعىتىنان كوز جازباي، جاڭا دامۋ جاعدايىن قالىپتاستىرۋداعى بورىش پەن مىندەتتى مىقتاپ يگەرىپ، ءوز باسىمدىعىن تولىق ساۋلەلەندىرىپ، قايراتتى تاسقىنداتا ەكپىندەي العا ۇمتىلىپ، باياندى ۇلەس قوسىپ، شەبەرلىكپەن ىستەپ شەبەرلىكپەن ناتيجە جاراتىپ، چاڭجياڭ ەكونوميكالىق بەلدەۋىنىڭ جوعارى ساپالى دامۋى بارىسىندا ەرلىكپەن العا ۇمتىلىپ، ورتا بولەك وڭىرلەردىڭ ەڭسە كوتەرۋىنىڭ ماڭىزدى ستراتەگيالىق تىرەگىن جەدەل قۇرىپ، جۇڭگو ۇلگىسىندەگى وسىزاماندانعان حۋبەي تىڭ داستانىن قۇلشىنا جازۋ كەرەك.

11-ايدىڭ 4-كۇنىنەن 6-كۇنىنە دەيىن، شي جينپيڭ حۋبەي ولكەلىك پارتكومنىڭ شۋجيى ۋاڭ مىڭحۇي مەن ولكە باستىعى ۋاڭ جۇڭليننىڭ سەرىك بولۋىندا ىلگەرىندى-كەيىندى شياۋگان، شياننيڭ، ۋحاندارعا بارىپ، مۇراجاي، اۋىل-قىستاق، عىلىم-تەحنيكا جانە كاسىپ سالاسىندا جاڭالىق جاراتۋ تەكشەلەرىن ارالاپ تەكسەرۋ-زەرتتەۋ جۇرگىزدى.

11-ايدىڭ 4-كۇنى تۇستەن كەيىن، شي جينپيڭ شياۋگان قالاسى يۇنمىڭ اۋداندىق مۇراجايعا بارىپ، قازىپ الىنعان چين، حان پاتشالىقتارىنىڭ تاقتايشا جازۋداعى تانىستىرۋ كورگىزبەسىن ەكسكۋرسيالادى. كورمەگە قويىلعان چين پاتشالىعىنىڭ 18 ءتۇرلى زاڭى سوناۋ 2200 نەشە جىلدىڭ الدىندا ەلىمىزدىڭ ەرتە زامانعى زاڭ-ءتۇزىمىنىڭ جۇيەگە تۇسكەندىگىن ايگىلەيدى. شي جينپيڭ تاقتايشا جازۋدىڭ مازمۇنى، تاريحي مادەنيەت قۇنى جانە قورعاۋ، زەرتتەۋ جاعدايى جونىندەگى تانىستىرۋدى ەگجەي-تەگجەيلى تىڭداعان سوڭ بىلاي دەپ انىق ايتتى: ارحەولوگيالىق زەرتتەۋدى ۇزدىكسىز كۇشەيتۋ؛ مادەني مۇرالاردى قورعاۋ دەڭگەيىن جوعارىلاتۋ؛ جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرۋگە، مادەنيەت سەنىمىن كۇشەيتۋگە بەرىك تىرەك ازىرلەۋ؛ جۇڭحۋا وركەنيەتىنىڭ جاۋھارىن ماڭگى ساقتاپ، كەيىنگىلەرگە يگىلىك جاراتىپ، ادامداردى ۇلتتىق ماقتانىش سەزىمى مەن سەنىمىن ۇزدىكسىز كۇشەيتۋگە شابىتتاندىرۋ كەرەك.

11-ايدىڭ 5-كۇنى تۇستەن بۇرىن، شي جينپيڭ شياننيڭ قالاسى جيايۇي اۋدانىنا بارىپ، الدىمەن پانجيا-ۋان قالاشىعىنىڭ 10 شاقىرىمدىق كوكونىس ءدالىزىن كوزدەن كەشىردى. قوڭىر كۇزدە بۇل ارا ءالى دە جاسىل جەلەك جامىلىپ، تىرشىلىك تىنىسى جالىندايدى. شي جينپيڭ اتىز باسىنا بارىپ، كوكونىستىڭ ءوسۋ جاعدايىن كورىپ، كوكونىس سورتى، ەگۋ تەحنيكاسى، ساتىلۋى سياقتى جاعدايلاردى ەگجەي-تەگجەيلى ۇعىستى. ول مىنالاردى باسا دارىپتەدى: اۋىل-قىستاقتىڭ ءورىسى كەڭ، اۋىل شارۋاشىلىعىنىڭ بولاشاعى زور. وسىزامانعى اۋىل شارۋاشىلىعىن دامىتىپ، اۋىل شارۋاشىلىعىندا قۇدىرەتتى ەل قۇرۋدا ءسوز جوق عىلىم-تەحنيكالىق العا باسارلىققا سۇيەنىپ، عىلىم-تەحنيكا ارقىلى اۋىل شارۋاشىلىعىن وسىزامانداندىرۋ جولىندا ارشىنداي دامۋ كەرەك. ول جەرلىك ورىنداعى كادرلار مەن بۇقارانى عىلىم-تەحنيكا جولىمەن، ساپا جولىمەن، ايگىلى ماركا جولىمەن ءجۇرىپ، كوكونىس ەگۋ سىندى حالىقتى اۋقاتتاندىرۋ كاسىبىن ونان ارى جاقسى ىستەپ، ءتىپتى دە كوپ بۇقارانىڭ كىرىسىن ارتتىرىپ، اۋقاتتاندىرۋعا شابىتتاندىردى.

وسىدان كەيىن شي جينپيڭ پانجيا-ۋان قالاشىعى سى-ي قىستاعىنا بارىپ، قىستاقتاعى قارتتاردى كۇتىمدەۋ قىزمەت وتەۋ پۋنكيتىندە بولىپ، قارتتاردى كۇتىمدەۋ قۇرىلعىلارى مەن حالىققا قولايلى، حالىققا ءتيىمدى قىزمەت وتەۋ جاعدايىن كوزدەن كەشىردى؛ پارتيانىڭ بۇقارامەن بايلانىس جاساۋ قىزمەت وتەۋ ورتالىعىنا بارىپ، قىستاق دارەجەلى ۇيىمداردىڭ اينالىمى جانە فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ سياقتى قىزمەتتەردى ۇعىستى. ول بىلاي دەپ انىق ايتتى: پارتيا قۇرىلىسى ارقىلى جەتەكشىلىك ەتتىرۋدى اناعۇرلىم كۇشەيتۋ؛ قارتتار مەن بالالار سىندى وسى ءتۇيىندى مىقتى يگەرە بۇقاراعا اناعۇرلىم دالمە-ءدال، ءونىمدى تۇردە قىزمەت ىستەۋ ارقىلى ۋايىمنان ارىلتىپ، قيىنشىلىعىن شەشۋ كەرەك. نەگىزگى ساتىنىڭ اۋىرتپالىعىن ۇزدىكسىز جەڭىلدەتىپ، نەگىزگى ساتى كادرلارىنىڭ اناعۇرلىم كوپ ۋاقىت جانە زەيىن-زەردەسىن بۇقاراعا قىزمەت وتەۋگە جۇمساۋىنا جاعداي جاراتۋ كەرەك.

قىستاق تۇرعىنى شيۇڭ چىڭلۇڭنىڭ ۇيىندە بولعاندا شي جينپيڭ وتباسى تۇرمىسىن تاپتەشتەي كورىپ، ءبىر ءۇيلى جانمەن قورالانا وتىرىپ، ءوندىرىس، بالالاردىڭ جۇمىسقا ورنالاسۋى، كاسىپ قۇرۋ، وتباسى كىرىسى، زەينەتكەرلىك، ەمدەۋ سياقتى جاعدايلاردى ۇعىستى. شي جينپيڭ سوڭعى جىلدارى قالا مەن اۋىلدىڭ نەگىزگى الەۋمەتتىك قىزمەت وتەۋ جۇيەسىنىڭ ۇزدىكسىز كەمەلدەنىپ، شارۋالاردىڭ زاتتىق، مادەني تۇرمىسىنىڭ بارعان سايىن قامتاماسىز ەتىلگەنىن ەستىپ ەرەسەن قۋاندى. ول بۇل وتباسىنداعى ءبىر ءۇيلى جاننىڭ ۇزدىكسىز قۇلشىنىپ، ءوندىرىستى، تۇرمىستى ونان ارى جاقسارتىپ، بالالاردى جاقسى وقىتىپ، تۇرمىستىڭ بارعان سايىن جاقسارۋىن ءۇمىت ەتتى.

قىستاقتان اتتاناردا قىستاق تۇرعىندارى باس شۋجيدى ىستىق ىقىلاسپەن اتتاندىرىپ سالدى. شي جينپيڭ كوپشىلىككە بىلاي دەدى: جۇڭگو ۇلگىسىندەگى وسىزامانداندىرۋدى ىلگەرىلەتۋدە ءسوز جوق اۋىل-قىستاقتى كوركەيتۋدى جەدەل ىلگەرىلەتۋ كەرەك، ەڭ اۋەلى، حالىقتى اۋقاتتاندىرۋ كاسىبىن دامىتۋ كەرەك. اۋىلداستاردىڭ پارتيا ۇيىمىنىڭ باستاۋىندا ءبىر نيەتپەن سەلبەسىپ، ىنتىماقتاسا كۇرەس جۇرگىزىپ، ەڭبەكشىل قوس قولدارىمەن ەرەكشە كاسىپتەردىڭ اناعۇرلىم ءونىمدى بولۋىنا كۇش سالىپ، قىستاقتى اناعۇرلىم كوركەم ەتىپ قۇرىپ شىعىپ، باقىتتى، تاماشا ءومىردى ورتاق كۇش سالا قۇرۋىن ءۇمىت ەتەمىن!

11-ايدىڭ 5-كۇنى تۇستەن كەيىن، شي جينپيڭ ۋحان كاسىپ سالاسى بويىنشا جاڭالىق جاراتا دامۋدى زەرتتەۋ ورنىنا بارىپ قىزمەت تەكسەرىپ، عىلىم-تەحنيكادا جاڭالىق جاراتۋمەن قامداۋ تىزبەگى تەكشەسىنىڭ تابىستى مىسالدارى كورمەسىن جانە عىلىم-تەحنيكادا جاڭالىق جاراتۋ جەتىستىكتەرىن كورىپ، عىلىم-تەحنيكالىق جاڭالىق جاراتۋدى ىلگەرىلەتۋ شارالارىن ۇعىسىپ، عىلمي زەرتتەۋ قىزمەتكەرلەرىمەن جانە كاسىپورىن جاۋاپتىلارىمەن ىشكەرىلەي تالقى جۇرگىزىپ، پىكىر اۋىستىردى. ول مىنالاردى باسا دارىپتەدى: جوعارى دەڭگەيلى عىلىم-تەحنيكادا ءوز كۇشىنە سۇيەنە الۋەتتەنۋدى جۇزەگە اسىرىپ، جاڭا ساپالى وندىرگىش كۇشتەردى دامىتۋ عىلىم-تەحنيكادا جاڭالىق جاراتۋ مەن كاسىپ سالاسىندا جاڭالىق جاراتۋدىڭ توعىسۋى جونىنەن اناعۇرلىم كوكەيتەستى قاجەتتى العا قويدى. قالىڭ عىلىم-تەحنيكا قىزمەتكەرلەرى مەن كاسىپكەرلەر سەنىمدى كۇشەيتىپ، اسقاق مۇرات ورناتىپ، سەلبەسىپ كۇش سالىپ، جاڭالىق جاراتۋ جۇيەسىنىڭ جالپى تۇلعالىق ونىمدىلىگىن جوعارىلاتۋ، وسىزاماندانعان كاسىپ جۇيەسىن قۇرۋ بارىسىندا ۇزدىكسىز ەڭبەك ءسىڭىرىپ، ۇلەس قوسۋى كەرەك.

11-ايدىڭ 6-كۇنى تۇستەن بۇرىن، شي جينپيڭ حۋبەي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، حۋبەيدە ءتۇرلى قىزمەتتەردە قول جەتكەن ناتيجەلەردى تۇراقتاندىرىپ، كەلەسى قادامداعى قىزمەتتەر جونىندە ايقىن تالاپتار قويدى.

شي جينپيڭ مىنالاردى انىق ايتتى: حۋبەيدە عىلىم-تەحنيكا، وقۋ-اعارتۋ دارىندىلار باسىمدىعى كورنەكتى، عىلىم-تەحنيكادا جاڭالىق جاراتۋ قابىلەتى ءبىرشاما كۇشتى، عىلىم-تەحنيكادا جاڭالىق جاراتۋدى جانە كاسىپ سالاسىندا جاڭالىق جاراتۋدى ىلگەرىلەتۋ جاعىندا ءورىس اشا العا ىلگەرىلەۋ كەرەك. بۇكىل ەلدىڭ جاڭالىق جاراتۋ تىزبەگىمەن ىرىقتى تۇردە توعىسىپ، بۇكىل ەلدىڭ ىقپال كۇشىنە يە عىلىم-تەحنيكادا جاڭالىق جاراتۋ بيىگىن قۇلشىنا قالىپتاستىرۋ، عىلىم-تەحنيكادا جاڭالىق جاراتۋدىڭ قاينار كوزى فۋنكتسياسىن اناعۇرلىم ويداعىداي ساۋلەلەندىرۋ كەرەك. ءتۇيىندى كاسىپتەردى توڭىرەكتەي، جاڭالىق جاراتۋ تىزبەگى كاسىپ تىزبەگىنىڭ قارجى تىزبەگى مەن دارىندىلار تىزبەگىنىڭ توعىسۋىن كۇشەيتۋ؛ شەشۋشى، وزەكتى تەحنيكالاردى زەرتتەۋ-تاپقىرلاۋدان قامال الۋدى كۇشەيتۋ؛ ءىرى، ورتا، شاعىن كاسىپورىنداردىڭ سەلبەسىپ جاڭالىق جاراتۋ مەحانيزمىن ورناتۋ؛ عىلىم-تەحنيكا جەتىستىكتەرىن كادەگە جاراتۋ دەڭگەيىن جوعارىلاتۋ كەرەك. ءداستۇرلى كاسىپتەردە ارتۋ فورماسىنا بۇرىلىس جاساپ، دامۋ ساپاسىن جوعارىلاتۋعا جانە جاڭادان گۇلدەنگەن كاسىپتەردى، بولاشاق كاسىپتەردى جەتىلدىرۋ-زورايتۋعا تاباندى بولۋ؛ جەرلىك جاعدايعا قاراي جاڭا ساپالى وندىرگىش كۇشتەردى دامىتۋ؛ ءتىپتى دە كوپ ايگىلى ماركا جاراتۋ كەرەك. چاڭجياڭ وزەنىنىڭ ەكولوگيالىق ورتاسىن قالپىنا كەلتىرۋدى باسىم ورىنعا قويىپ، حاۋىپسىز، يكەمدى وسىزامانعى سۋ تورىن كۇش سالا قۇرۋ؛ اعارلار ورتاسىن ۋنيۆەرسال وڭاۋدى جالپى بەتتىك ىلگەرىلەتىپ، چاڭجياڭ وزەنىندە بالىق اۋلاۋعا 10 جىل تيىم سالۋدى باتىل اتقارۋ كەرەك.

شي جينپيڭ بىلاي دەپ باسا دارىپتەدى: حۋبەيدە رەفورمانى جالپى بەتتىك تەرەڭدەتۋ جانە جوعارى دەڭگەيدە ەسىك اشۋدى كەڭەيتۋ جاعىندا باتىلدىقپەن ىزدەنىس جاساۋ كەرەك. ءتۇيىندى سالالار مەن شەشۋشى بۋىندار رەفورماسىن مىقتى يگەرۋ؛ بۇكىل ەل بويىنشا بىرلىككە كەلگەن ءىرى بازار قۇرىلىسىمەن جالپى بەتتىك توعىسىپ، اناعۇرلىم ءادىل، اناعۇرلىم ومىرشەڭدىك كۇشكە يە بازار ورتاسىن قالىپتاستىرۋ كەرەك. «ەكىدەن استە اۋىتقىماۋعا» تاباندى بولىپ جانە تياناقتاندىرىپ، كوپ ءتۇرلى مەنشىكتەگى شارۋاشىلىقتىڭ ءوزارا جەبەۋىن، ورتاق دامۋىن ىلگەرىلەتۋ كەرەك. ىشكە-سىرتقا ەسىك اشۋعا تەڭ ءمان بەرۋگە تاباندى بولىپ، ىشكى قۇرلىقتى اشىق ۇستاۋ بيىگىن قالىپتاستىرۋ؛ وڭىرلىك سەلبەستىكتى تەرەڭدەتۋ؛ كاسىپ سالاسىنىڭ ورنالاسۋىن تارتىپپەن ساپالاندىرۋ كەرەك. ىشكى-سىرتقى ساۋدانى ءبىر تۇلعالاندىرۋ رەفورماسىن تەرەڭدەتىپ، «ءبىر بەلدەۋ، ءبىر جولدى» جوعارى ساپامەن ورتاق قۇرۋعا بەلسەنە ات سالىسىپ، ەسىك اشۋدىڭ توراپتىق يقۋاتىن جۇيەلى تۇردە ارتتىرۋ كەرەك.

شي جينپيڭ مىنالاردى انىق ايتتى: حۋبەيدە قالا مەن اۋىلدى توعىسپالى دامىتۋ جانە اۋىل-قىستاقتى جالپى بەتتىك كوركەيتۋ جاعىندا قايراتتانا العا ۇمتىلۋى كەرەك. ۋحان قالا شەڭبەرىن وزەك ەتىپ، چاڭجياڭ وزەنىنىڭ ورتا اعارىنداعى قالالار شوعىرىنىڭ ىقپالداسىپ دامۋىن ىلگەرىلەتۋ كەرەك. اۋدان قالاشىعىن ماڭىزدى دانەكەر ەتكەن جاڭاشا قالا-قالاشىقتاندىرۋ قۇرىلىسىن ىلگەرىلەتىپ، وزىندىك ەرەكشەلىككە يە اۋدان ءوڭىرى ەكونوميكاسىن دامىتۋ كەرەك. استىق ءوندىرىسى جاۋاپكەرشىلىگىن باتىل ارقالاپ، ماڭىزدى اۋىل شارۋاشىلىق ونىمدەرىنىڭ ورنىقتى ءوندىرىلۋىن، قامداۋعا كەپىلدىك ەتۋىن شىنايى يگەرۋ كەرەك. ەرەكشە كاسىپتەر مەن كوپ ءتۇرلى شارۋاشىلىقتىڭ كومەسكى كۇشىن اشىپ، اۋىل شارۋاشىلىعىنىڭ دامۋ ساپاسى مەن ونىمدىلىگىن جوعارىلاتۋ كەرەك. كەدەيلىكتەن قۇتىلدىرۋدان قامال الۋ جەتىستىكتەرىن بەكەمدەپ جانە كەڭەيتىپ، توڭكەرىستىك بايىرعى رايونداردى كوركەيتۋ جانە دامىتۋ اياق الىسىن جەدەلدەتۋ كەرەك. نەگىزگى الەۋمەتتىك قىزمەت وتەۋ جۇيەسى قۇرىلىسىن جانە نەگىزگى ساتى باسقارۋدى ءبىر تۇتاس ىلگەرىلەتىپ، حالىق تۇرمىسىن قامتاماسىز ەتۋ قىزمەتتەرىن تىڭعىلىقتى ىستەۋ كەرەك. قالا مەن اۋىلدىڭ رۋحاني وركەنيەت قۇرىلىسىن تەرەڭدەتىپ، ەسكى سالت-سانانى وزگەرتۋدى ىلگەرىلەتۋ كەرەك.

شي جينپيڭ مىنالاردى باسا دارىپتەدى: حۋبەيدە تاريحي مادەنيەت نەگىزى تەرەڭ، توڭكەرىستىك بايلىق قاينارى مول، مادەنيەت بايلىعىن قورعاۋدى كۇشەيتۋ جانە مادەنيەتتە جاڭالىق جاراتا دامىتۋدى ىلگەرىلەتۋ مىندەتىن ارقالاۋ كەرەك. تاريحي مادەنيەت مۇرالارىن قورعاۋدى، مۇراگەرلىك ەتۋدى جانە جاندى پايدالانۋدى جۇيەلى ىلگەرىلەتىپ، چاڭجياڭ وركەنيەتىنىڭ قاينارىن زەرتتەۋدى جانە ايگىلەۋدى، كورمەگە قويۋدى كۇشەيتۋ كەرەك. دابيەشان رۋحىن، تاسقىنعا قارسى تۇرۋ رۋحىن، ىندەتكە قارسى تۇرۋ رۋحىن بارىنشا ساۋلەلەندىرىپ، سوتسياليستىك وزەكتى قۇن كوزقاراسىن كەڭ كولەمدە امالياتتا ايگىلەۋ كەرەك. مادەنيەت ارقىلى حالىققا تيىمدىلىك جاساۋ ينجەنەرياسىن اتقارىپ، جاڭاشا مادەنيەت فورماتسياسىن بەلسەنە دامىتىپ، اناعۇرلىم كوپ ساپالى مادەنيەت ونىمدەرى مەن قىزمەت وتەۋدى بۇقارانىڭ جانىنا جەتكىزۋ كەرەك. تاڭداۋلى مادەنيەت، ساياحات ماركاسىن جانە جەلىسىن قالىپتاستىرىپ، مادەنيەت، ساياحات كاسىبىن تىرەكتى كاسىپكە اينالدىرۋ كەرەك.

شي جينپيڭ مىنالاردى انىق ايتتى: رەفورمانى مىقتى يگەرۋدى، دامۋدى جەبەۋدى تىعىز توڭىرەكتەي، پارتيا قۇرىلىسىن كۇشەيتىپ، پارتيالى كادرلاردىڭ ناتيجە جاراتىپ كاسىپ قۇرۋ رۋحىن سەرپىلتىپ، ءورىس اشا جاڭالىق جاراتۋمەن بىرگە، تياناقتاندىرۋدى تاباندىلىقپەن مىقتى يگەرىپ، باتىلدىقپەن كۇرەس جۇرگىزىپ، باتىلدىقپەن قامال الىپ، ىنتىماقتاسا سەلبەسۋگە شەبەر بولىپ، تاريحتىڭ، امالياتتىڭ جانە حالىقتىڭ سىنىنان وتە الاتىن ناتيجە جاراتۋعا قۇلشىنۋ كەرەك. نەگىزگى ساتى پارتيا ۇيىمى قۇرىلىسىن كۇشەيتىپ، پارمەندى جاۋىنگەرلىك قامال قالىپتاستىرۋ كەرەك. پارتيا ءتارتىبىن ۇيرەنۋ تاربيەسىنىڭ ۇدايىلانۋىن، ۇزاق ۋاقىت ءونىمدى بولۋىن ىلگەرىلەتىپ، ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، ستيلى پاك، سالتى دۇرىس ساياسي ەكولوگيانى ۇزدىكسىز بەكەمدەۋ، دامىتۋ كەرەك.

شي جينپيڭ بىلاي دەپ باسا دارىپتەدى: بيىلعى جىل اياقتاۋعا 2 ايعا جەتپەيتىن ۋاقىت قالدى، ءتۇرلى قىزمەتتى، اسىرەسە، ەكونوميكالىق قىزمەتتى ونان ارى مىقتى، ناقتى يگەرىپ، تۇتاس جىلدىق ەكونوميكالىق، قوعامدىق دامۋ نىساناسىن قۇلشىنا جۇزەگە اسىرۋ كەرەك.

حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

来源：中央广播电视总台

监制：叶力夏提

审稿：库兰

翻译：哈那提别克

主播：古丽江

视频制作：巴特勒

微信制作：达吾力

تومەندەگى 阅读原文 جالعانىمىن باسىپ حاباردىڭ 央视频 نۇسقاسىن كورىڭىز

中央广播电视总台哈萨克语

中国哈萨克语广播网（www.kazakcnr.cn）是中央广播电视总台民族语言节目中心主办的国内最权威的哈萨克语新闻网。