يزرايل اقپاراتىنا قاراعاندا، يران الداعى كۇندەردە تۇتقيىل شابۋىل قوزعاۋدى جوسپارلاعان
ءوز حابارىمىز. ليۆان ارميا جاعى ساققۇلاق قايراتكەرلەرىنىڭ حابارىنا قاراعاندا، يزرايل جاق 10-ايدىڭ 31-كۇنى ليۆاننىڭ شىعىسى مەن وڭتۇستىك بولەگىندەگى كوپتەگەن جەرگە اۋەدەن تۇتقيىل شابۋىل جاساپ 13 ادام ءولىپ، 5 ادام جارالانعان. يزرايل جاقتىڭ حابارىنا قاراعاندا، يزرايلدىڭ سولتۇستىك بولەگى 10-ايدىڭ 31-كۇنى ليۆان ءتاڭىر پارتياسىنىڭ راكەتا بومبىسىنىڭ شابۋىلىنا ۇشىراپ، يزرايل مەن ليۆان شەكاراسىنداعى مەتۋلا قالاسى مەن تەڭىز جاعالاۋىنداعى حايفا قالاسىندا 7 ادام ولگەن.
پالەستين جاقتىڭ حابارىنا نەگىزدەلگەندە، يزرايل ارمياسى گازا رايونىنىڭ كوپ جەرىندە جالعاستى اسكەري ارەكەت قوزعاعان. گازا وڭىرىندەگى ەمدەۋ تاراۋلارى بىلاي دەدى: 10-ايدىڭ 31-كۇنگى يزرايلدىڭ گازا وڭىرىنە توقتاۋسىز شابۋىلىندا 75 ادام ولگەن.
يزرايل اقپارىندا مىنالار كورسەتىلگەن: يران الداعى بىرنەشە كۇندە يراق تەرريتورياسىنان ۇشقىشسىز ۇشاق ۇشىرىپ جانە وق جولىندىق باسقارىلمالى بومبى اتىپ، يزرايلعا تۇتقيىل شابۋىل جاساۋدى جوسپارلاعان. يران ءىسلام توڭكەرىستىك قورعانىس قوسىنىنىڭ قولباسشىسى سالامي، يران يزرايلعا سۇراپىل قايتارما سوققى بەرەدى، -دەدى. يزرايل مەملەكەت قورعانىس ارمياسى سول كۇنى يرانعا جالعاستى اسكەري ارەكەت قوزعاۋ ءۇشىن جاڭا ورگان قۇرعاندىعىن ايتتى.
