مىنا ادامداردىڭ مەكتەپكە تۇسۋدەن بۇرىنعى تاربيە كاسىبىمەن شۇعىلدانۋىنا تيىم سالىندى!
وقۋ-اعارتۋ مينيسترلىگىنىڭ 11-ايدىڭ 11-كۇنى وتكىزگەن اقپارات جاريالاۋ ماجىلىسىندە جۇڭگو زاڭ عىلىمى قوعامى اكىمشىلىك زاڭ عىلىمىن زەرتتەۋ قوعامىنىڭ ورىنباسار باستىعى ۋاڭ جيڭبو بىلاي دەپ تانىستىردى: جاڭادان شىعارىلعان مەكتەپكە تۇسۋدەن بۇرىنعى وقۋ-اعارتۋ زاڭىنىڭ 44-تارماعىندا مىناداي ەكى ءتۇرلى احۋالى بارلاردىڭ مەكتەپكە تۇسۋدەن بۇرىنعى تاربيە كاسىبىمەن شۇعىلدانۋىنا بولمايتىندىعى ايقىندالدى: ءبىرىنشى ءتۇرى، جابىرلەۋ، جىنىستىق سۇعاناقتىق جاساۋ، جىنىستىق مازالاۋ، الداپ ساتۋ، زورلىقتى كۇشپەن زاقىمداۋ، ەسىرتكى تۇتىنۋ، قۇمار ويناۋ سياقتى زاڭعا قايشى قىلمىس ەستەلىگى ساقتالعاندار؛ ەندى ءبىرى، ىشىمدىككە سالىنۋ، ۇستازدىق ءمورالعا، ۇستازدىق ستيلگە اۋىر قايشىلىق جاساۋ سياقتى بالالاردىڭ دەنساۋلىعىنا زيان جەتكىزۋى مۇمكىن بولعان باسقا دا جايتتەر ساقتالعاندار. بالالار باقشاسى نەمەسە وقۋ-اعارتۋ تاراۋلارى بالالار باقشاسىنداعى وقىتۋشى-قىزمەتكەرلەردە بەلگىلەمەگە قايشى ارەكەتتەر بار ەكەنىن بايقاسا، ءىسىنىڭ اۋىر-جەڭىلدىگىنە قاراي، وقىتۋشىلار زاڭى، ءىسورىنداردىڭ كادرلاردى باسقارۋ ەرەجەسى، ءىسورىندارداعى قىزمەتكەرلەردى جازالاۋ بەلگىلەمەسى، وقىتۋشىلىق ءمورالسىزدىق ارەكەتتەردى ءبىرجاقتىلى ەتۋ ءادىسى، سونداي-اق ءوزى تۇرعان بالالار باقشاسىنىڭ قاتىستى ەرەجە-تۇزىمدەرى سياقتى بەلگىلەمەلەرگە ۇشتاستىرىپ، زاڭ بويىنشا ءبىرجاقتىلى ەتۋى كەرەك. ءىسى جەڭىل بولعاندارىنا سىن ايتىپ، تاربيە بەرۋگە بولادى؛ زاڭدا تيىم سالىنعان جايتتەرى بولسا، وقىتۋشىلار قوسىنىنان شىعارىلۋى كەرەك.
