شي جينپيڭ پەرۋدىڭ زۇڭتۇڭىمەن كەڭەس وتكىزدى

时事 2024-11-16 11:48 北京

شي جينپيڭ پەرۋدىڭ زۇڭتۇڭىمەن كەڭەس وتكىزدى

ءوز حابارىمىز. مەملەكەت ءتوراعاسى شي جينپيڭ جەرگىلىكتى ۋاقىت 11-ايدىڭ 14-كۇنى تۇستەن كەيىن ليماداعى زۇڭتۇڭ سارايىندا پەرۋدىڭ زۇڭتۇڭى بولۋارتەمەن كەڭەس وتكىزدى.

جاز باسىنداعى شۋاقتى كۇن نۇرىنا بولەنگەن ليمادا الۋان گۇلدەر قۇلپىرا شەشەك اتۋدا.

پەرۋ قۇرمەت قاراۋىلى اتتى اسكەرلەر اترەتىنىڭ قورعاۋىندا، شي جينپيڭ اۆتوكولىكپەن زۇڭتۇڭ سارايىنا جەتىپ، بولۋارتە زۇڭتۇڭنىڭ ىستىق ىقىلاسپەن قارسى الۋىنا بولەندى.

بولۋارتە زۇڭتۇڭ سارايىنىڭ الدىنداعى الاڭدا شي جينپيڭگە ارناپ سالتاناتتى قارسى الۋ سالتىن وتكىزدى.

ەكى ەلدىڭ مەملەكەت باسشىلارى جەكە-جەكە قارسى جاقتان سەرىك بولىپ كەلگەندەرمەن قول الىسىپ قۇرمەت ءبىلدىردى. شي جينپيڭ بولۋارتەنىڭ سەرىك بولۋىندا قۇرمەت قاراۋىلىن كوزدەن كەشىردى، اسكەري وركەستر جۇڭگو مەن پەرۋ ەلدەرىنىڭ مەملەكەت اندەرىن ورىندادى.

قارسى الۋ سالتىنان كەيىن، ەكى ەلدىڭ مەملەكەت باسشىلارى كەڭەس وتكىزدى.

شي جينپيڭ مىنالاردى اتاپ كورسەتتى: بۇل مەنىڭ پەرۋگە 3-رەت ساپارلاي كەلۋىم، سونداي-اق زۇڭتۇڭ حانىممەن ءبىر جىلدا 3-رەت كەزدەسۋىم. كوپتەگەن پەرۋ بۇقاراسى وزدىكتەرىنەن جولدىڭ ەكى جاعىنا جينالىپ، قول بۇلعاپ قۇرمەت ءبىلدىرىپ قىزۋ قارسى الدى، بۇل پەرۋ حالقىنىڭ جۇڭگو حالقىنا دەگەن دوستىق سۇيىسپەنشىلىگىن تەرەڭ سەزىندىردى.

شي جينپيڭ بىلاي دەدى: جۇڭگو مەن پەرۋ وركەنيەتتى بايىرعى ەلدەر. قاتپارى قالىڭ بايىرعى وركەنيەت جۇڭگو مەن پەرۋگە اقىل-پاراسات جانە كەڭ پەيىل سيلاپ، بىزدەردى تاريحتىڭ العا باسۋ بەتالىسىن ايقىن تانىپ، ءداۋىردىڭ دامۋ اعىمىنا سايكەسىپ، تەڭ تۇرعىدا مامىلە جاساۋعا، ءوزارا قۇرمەت ەتۋگە، ءوزارا سەنىم ارتۋعا، ءوزارا ۇيرەنىپ، ءوزارا ۇلگى الۋعا باستان-اياق تاباندى بولىپ، تۇرلىشە كولەمدەگى، تۇرلىشە تۇزىمدەگى، تۇرلىشە مادەنيەتتەگى ەلدەردىڭ ىنتىماقتاسا سەلبەسۋىنىڭ ۇلگىسىنە اينالۋىمىزعا مۇمكىندىك جاسادى.

شي جينپيڭ بىلاي دەدى: ديپلوماتيالىق قاتىناس ورناتقان 53 جىلدان بەرى، اسىرەسە، مەن 2016-جىلى پەرۋدە تۇڭعىش رەت مەملەكەتتىك ساپاردا بولعاننان بەرى، ەكى جاقتىڭ بىرگە قۇلشىنۋىندا، جۇڭگو مەن پەرۋدىڭ ساۋدا، قارجى قوسۋ سەلبەستىگى جەدەل ارتىپ، ەكى ەل حالقىنا ناقتى پايدا جەتكىزدى. ەكى جاق تاجىريبەلەردى قورىتىندىلاپ، ەكى ەلدىڭ ناقتى سەلبەستىگىنىڭ ساپاسىن جاقسارتىپ، دارەجەسىن جوعارىلاتۋدى ىلگەرىلەتىپ، جۇڭگو مەن پەرۋدىڭ جالپى بەتتىك ستراتەگيالىق سەرىكتەستىك قاتىناسىن ۇزدىكسىز تىڭ ساتىعا كوتەرىپ، ەكى ەل حالقىنا ءتىپتى دە زور باقىت جاراتۋى كەرەك.

شي جينپيڭ بىلاي دەپ اتاپ كورسەتتى: ەكى جاق دامۋ ستراتەگيالارىن ۇشتاستىرىپ، سەلبەستىكتىڭ كومەسكى كۇشىن ىشكەرىلەي اشىپ، ناقتى سەلبەستىكتىڭ جاڭا جاعدايىن قالىپتاستىرىپ، ساۋدا مەن قارجى قوسۋ سىندى «قوس قوزعاۋشى كۇشتى» نىعايتىپ، ءداستۇرلى كاسىپ سالاسى مەن جاڭادان گۇلدەنگەن كاسىپ سالاسىنىڭ «قاتار دامۋىن» ىلگەرىلەتىپ، كاسىپ سالاسى تىزبەگى مەن قامداۋ تىزبەگى سىندى «ەكى تىزبەكتىڭ توعىسۋىن» جەبەۋلەرى كەرەك. جۇڭگو پەرۋدىڭ ەرەكشە ساپالى اۋىل شارۋاشىلىق ونىمدەرىن ۇزدىكسىز كوپتەپ يمپورت ەتىپ، قۋاتتى جۇڭگو كاسىپورىندارىن پەرۋگە بارىپ قارجى قوسىپ، شارۋاشىلىعىن شالقىتىپ، جەرگىلىكتى ورىننىڭ دامۋىنا ءتيىستى ۇلەس قوسۋعا شابىتتاندىرۋدى قالايدى. ەكى جاق كەن ونىمدەرى، ەنەرگيا، نەگىزدىك قۇرىلعى، قاتىناس، حابارلاسۋ سياقتى ءداستۇرلى سالالارداعى سەلبەستىكتى ءبىر تۇتاس ىلگەرىلەتىپ، سيفرلى ەكونوميكا، جاساندى زەردە، جاسىل تەڭىز تاسىمالى، ەلەكترلى اۆتوموبيل، فوتوۆولت كاسىبى سياقتى جاڭادان گۇلدەنگەن سالالارداعى سەلبەستىكتى قويۋلاتۋى كەرەك. جۇڭگو جاق جۇڭگو كاسىپورىندارىن پەرۋدىڭ نەگىزدىك قۇرىلعى قۇرىلىستارىنىڭ تۇتاسۋىنا، زەردەلى كەدەننىڭ «تۇتاسۋىن» ىلگەرىلەتۋگە ات سالىسۋعا شابىتتاندىرادى. جۇڭگو كاسىپورىندارى قيىنشىلىقتاردى جەڭىپ، چيانكاي پورتى نىسانىنىڭ 1-مەرزىمدىك ينجەنەرياسىن ۋاعىندا ورىنداپ، جۇڭگونىڭ پەرۋمەن ۇزاق ۋاقىتتىق ستراتەگيالىق سەلبەستىك ورىستەتۋ بەكىمىن تولىق ايگىلەدى. جۇڭگو پەرۋمەن بىرگە چيانكاي پورتىنىڭ وڭىرلىك باسىمدىلىعىن تولىق ساۋلەلەندىرىپ، چيانكاي پورتىن باستاما ەتكەن جۇڭگو-لاتىن امەريكاسى قۇرلىق-تەڭىز جاڭا ارناسىن قۇرىپ، تەڭىز جاعالاۋىنان ىشكى قۇرلىققا دەيىنگى، پەرۋدەن لاتىن امەريكاسىنداعى باسقا ەلدەرگە دەيىنگى سترەولدى، كوپ نەگىزدى، جوعارى ءونىمدى جالپى جۇزدىك بايلانىس جاعدايىن ورناتۋ جونىندە ىزدەنىس جاساپ، لاتىن امەريكاسى مەن كارايب ءوڭىرىنىڭ جالپى تۇلعالىق دامۋى مەن ءبىر تۇلعالانۋ قۇرىلىسىن جەبەۋدى قالايدى. جۇڭگو سۋجوۋ قالاسىنىڭ چيانكاي قالاسىمەن دوس قالا قاتىناسىن ورناتۋىن قولدايدى، پەرۋمەن ونەركاسىپ باقشا رايونى قۇرىلىسىنىڭ تاجىريبە اۋىس-كۇيىسىن ورىستەتىپ، شەكارا اتتاعان قىزمەت وتەۋ ساۋداسى، ەلەكتروندىق ساۋدا سياقتى سالالارداعى سەلبەستىكتى كەڭەيتىپ، شوعىرلى اسەر مەن ىقپالداستىق اسەردى ساۋلەلەندىرىپ، اناعۇرلىم كوپ ناقتى تابىستار ارقىلى جۇڭگو مەن پەرۋدىڭ ۇزاق ۋاقىتتىق دوستىق، ءوزارا ءتيىمدى سەلبەستىك سەنىمىن بەكەمدەۋدى قالايدى. جۇڭگو پەرۋدىڭ دامۋ قاجەتىمەن ۇشتاستىرىپ، لۋبان شەبەرحاناسىن، جۇڭۋىن شەبەرحاناسىن قۇرىپ، كاسىپتىك وقۋ-اعارتۋ سەلبەستىگىن ورىستەتىپ، پەرۋدى جەرگىلىكتەنگەن دارىندىلارمەن جانە اقىل-پاراساتتىق تەحنيكالىق تىرەكپەن قامداۋدى قالايدى.

شي جينپيڭ مىنالاردى باسا دارىپتەدى: ەكى جاق ەل باسقارۋ تاجىريبەلەرىن اۋىستىرۋدى كۇشەيتىپ، ستراتەگيالىق ءوزارا سەنىمدىلىكتى نىعايتىپ، ءبىر-ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىن باتىل قولداپ، شىرىكتەسۋگە قارسى تۇرۋ، زاڭسىز بالىق اۋلاۋعا سوققى بەرۋ سياقتى سالالارداعى سەلبەستىكتى كۇشەيتۋى كەرەك. وركەنيەتتە ءوزارا ۇلگى الۋدىڭ داۋىرلىك جاۋاپكەرشىلىگىن ارقالاپ، حالىقارالىق وركەنيەتتەر سۇحباتىن كۇشەيتۋدى دارىپتەپ، الەمدىك وركەنيەتتەردىڭ سۇحباتتاسۋ، سەلبەسۋ تورىن قۇرۋ جونىندە ىزدەنىس جاساۋ كەرەك. مادەنيەت ساياساتىن ۇشتاستىرۋدى كۇشەيتىپ، مادەنيەت-كوركەمونەر، وقۋ-اعارتۋ، مادەنيەت مۇرالارىن قورعاۋ سياقتى سالالارداعى اۋىس-كۇيىس پەن سەلبەستىكتى تەرەڭدەتۋ كەرەك. جۇڭگو پەرۋگە باعىتتالعان وقۋ سيلىق سوماسى بەرىلەتىن ادام سانىن ارتتىرۋدى قالايدى. ەكى ەل جاستارى مەن ورەندەرىنىڭ ءبىرىن-ءبىرى ءتۇسىنىپ، ءبىرىن-ءبىرى جاقىن تارتىپ، جۇڭگو مەن پەرۋدىڭ دوستىعىن ۇرپاقتان-ۇرپاققا جالعاستىرۋىن ءۇمىت ەتەمىن.

شي جينپيڭ مىنالاردى اتاپ كورسەتتى: ازيا-تىنىق مۇحيت ەلدەرى ەكونوميكاسىن ىشكەرىلەي توعىستىرۋ، ىنتىماقتى، سەلبەستىكتى كۇشەيتۋ، ءوڭىردىڭ ورنىقتىلىعى مەن گۇلدەنۋىن قورعاۋ ازيا-تىنىق مۇحيت ءوڭىرى ۇلى شاڭىراعىنىڭ جانە دۇنيە ءجۇزى وڭتۇستىگىنىڭ ورتاق مۇددەسىنە ۇيلەسەدى. جۇڭگو مەن پەرۋ كوپ جاقتىلىقتى قۋاتتايدى، قورعانىمپازدىققا قارسى تۇرادى. جۇڭگو پەرۋدىڭ وتاعاسى ەل قىزمەتىن بار كۇشپەن قولدايدى، ءار جاقپەن بىرگە قۇلشىنىپ، وسى رەتكى ازيا-تىنىق مۇحيت ەكونوميكالىق سەلبەستىك ۇيىمى باسشىلار بەيرەسمي ءماجىلىسىنىڭ تابىستى بولۋىن ىلگەرىلەتىپ، ازيا-تىنىق مۇحيت تاعدىرلاس ورتاق تۇلعاسىن قۇرۋ اياق الىسىن جەبەۋدى قالايدى. جۇڭگو پەرۋمەن بىرگە جۇڭگو-لاتىن امەريكاسى تالقىسى جۇلگەسىندەگى قاتىناستى، سەلبەستىكتى ۇزدىكسىز كۇشەيتىپ، جۇڭگو-لاتىن امەريكاسى قاتىناسىنىڭ دامۋىن جەبەۋگە بەلسەندى ۇلەس قوسۋدى قالايدى.

بولۋارتە ءتوراعا شي جينپيڭنىڭ ساپارلاي كەلگەندىگىن ىستىق ىقىلاسپەن قارسى الىپ، بىلاي دەدى: پەرۋ مەن جۇڭگو ەكى ءىرى وركەنيەتتى بايىرعى ەل، تاريحتا كوپتەگەن حۋارىندار پەرۋدىڭ مەملەكەت قۇرىلىسىنا بەلسەندى ۇلەس قوسقان، ەكى ەل حالقىنىڭ دوستىق سۇيىسپەنشىلىگى قويۋ، ءوزارا باۋىرلاستار جانە دوستار. جۇڭگو ۇزاق ۋاقىتتان بەرى پەرۋدىڭ ەڭ ماڭىزدى ساۋدا سەرىگى، اسىرەسە، ەكى جاق «ءبىر بەلدەۋ، ءبىر جولدى» بىرگە قۇرۋ سەلبەستىگىن ورىستەتكەننەن بەرى، ءار سالاداعى سەلبەستىكتە سۇبەلى تابىستارعا قول جەتكىزىپ، ەكى ەلدىڭ ءوزارا ءتيىمدى سەلبەستىك پەن بىرگە دامۋعا تالپىنۋداعى بەرىك ۋادەسىن تولىق ايگىلەدى. ءتوراعا شي جينپيڭنىڭ ساپارى كەزىندە ەكى جاق ەركىن ساۋدا كەلىسىمىنىڭ دارەجەسىن جوعارىلاتۋ كەلىسىمى سياقتى كوپتەگەن ماڭىزدى سەلبەستىك كەلىسىمىنە قول قويىپ، ەكى جاقتىڭ ەكونوميكا-ساۋدا قاتىناسى مەن ءار سالاداعى سەلبەستىگىنىڭ ونان ارى دامۋىن پارمەندى جەبەيدى. اسىرەسە، چيانكاي پورتى اشىلىپ، «چيانكايدان شاڭحايعا» تۇتاسۋ ىسكە اسىرىلىپ، لاتىن امەريكاسى مەن ازيا اراسىنداعى ماڭىزدى كوپىرگە جانە پەرۋ ەكونوميكاسىنىڭ ارتۋىنداعى ماڭىزدى قوزعالتقىشقا اينالىپ، پەرۋدىڭ لاتىن امەريكاسى وڭىرىندەگى باسقا ەلدەرمەن، سونداي-اق جۇڭگومەن، اۋەلى بۇكىل ازيا وڭىرىمەن اناعۇرلىم ءونىمدى، قولايلى بايلانىس پەن ساۋداسىن پارمەندى جەبەپ، ەكى ەل مەن وڭىردەگى ەلدەردىڭ باياندى دامۋىنا دەم بەرەدى. پەرۋ جۇڭگو كاسىپورىندارىنىڭ پەرۋگە كەلىپ قارجى قوسىپ، شارۋاشىلىعىن شالقىتۋىن، نەگىزدىك قۇرىلعى، بايلىق، ەنەرگيا، قاتىناس سياقتى ماڭىزدى سالالارداعى سەلبەستىك نىساندارىنا قاتىناسۋىن قارسى الادى. مەن پەرۋدىڭ ءبىر جۇڭگو پرينسيبىنە تاباندى بولاتىندىعىن قايتالاي دارىپتەيمىن. پەرۋ جۇڭگومەن وركەنيەت اۋىس-كۇيىسىن، ءوزارا ۇلگى الۋدى جانە گۋمانيتارلىق اۋىس-كۇيىستى، سەلبەستىكتى كۇشەيتىپ، جاستار جانە حالىق اراسىنداعى بارىس-كەلىستى جيىلەتۋدى قالايدى. پەرۋدىڭ وسى رەتكى ازيا-تىنىق مۇحيت ەكونوميكالىق سەلبەستىك ۇيىمى باسشىلارى بەيرەسمي ءماجىلىسىن وتكىزۋىنە جۇڭگونىڭ ماڭىزدى قولداۋ كورسەتكەندىگىنە العىس ايتامىن. پەرۋ كوپ جاقتىلىققا تاباندى بولادى، جۇڭگومەن ازيا-تىنىق مۇحيت ەكونوميكالىق سەلبەستىك ۇيىمى سياقتى جۇلگەدەگى تىلدەسۋدى، سايكەسۋدى كۇشەيتىپ، ازيا-تىنىق مۇحيت ءوڭىرىنىڭ ۇزاق ۋاقىتتىق بەيبىتشىلىگىن، ورنىقتىلىعىن جانە دامۋىن، گۇلدەنۋىن ىلگەرىلەتۋگە ۇلەس قوسۋدى ءۇمىت ەتەدى. ءتوراعا شي جينپيڭنىڭ وسى رەتكى ساپارى، ءسوز جوق، ەكى ەل قاتىناسىنداعى ماڭىزدى بەلەسكە اينالىپ، پەرۋ مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنىڭ تىڭ پاراعىن اشىپ، ەكى ەل حالقىنىڭ اناعۇرلىم باياندى جانە گۇلدەنگەن بولاشاقتى بىرگە جاراتىپ، تەڭ يگىلىكتەنۋىنە مۇمكىندىك جاساپ، پەرۋ مەن جۇڭگونىڭ تاعدىرلاس ورتاق تۇلعاسىن قۇرۋدى ىلگەرىلەتەدى.

كەڭەستەن كەيىن، ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى ۇكىمەتى مەن پەرۋ رەسپۋبليكاسى ۇكىمەتىنىڭ <ءبىر بەلدەۋ، ءبىر جولدى> بىرگە قۇرۋ سەلبەستىك جوباسىنا»، «جۇڭحۋا حالىق رەسپۋبليكاسى ۇكىمەتى مەن پەرۋ رەسپۋبليكاسى ۇكىمەتىنىڭ ەركىن ساۋدا كەلىسىمىنىڭ دارەجەسىن جوعارىلاتۋ كەلىسىمىنە» قول قويۋعا بىرگە كۋا بولدى ءارى ەكونوميكا-ساۋدا، كاسىپ سالاسىنا قارجى قوسۋ، ونەركاسىپ باقشا رايونى، وقۋ-اعارتۋ، جاسىل دامۋ سياقتى سالالارداعى كوپ ءتۇرلى ەكى جاقتى سەلبەستىك قۇجاتتارىن اۋىستىرۋعا كۋا بولدى.

ەكى جاق «جۇڭحۋا حالىق رەسپۋبليكاسى مەن پەرۋ رەسپۋبليكاسىنىڭ جالپى بەتتىك ستراتەگيالىق سەرىكتەستىك قاتىناستى تەرەڭدەتۋ جونىندەگى بىرلەسپە مالىمدەمەسىن» جاريالادى.

سول كۇنى كەشتە شي جينپيڭ بولۋارتە زۇڭتۇڭ وتكىزگەن قارسى الۋ قوناعاسىنا قاتىناستى.

来源：中央广播电视总台

监制：叶力夏提

审稿：夏力哈尔

翻译：古丽努尔

微信制作：达吾力

http://mp.weixin.qq.com/s?__biz=MzA4NzEyODIzMA==&mid=2650845471&idx=2&sn=b3297ecb25b82a88208b6f600b6c1561

中央广播电视总台哈萨克语

中国哈萨克语广播网（www.kazakcnr.cn）是中央广播电视总台民族语言节目中心主办的国内最权威的哈萨克语新闻网。

مىنا قاراجات وسى ايدىڭ سوڭىنان بۇرىن تولىقتاپ تاراتىلىپ بولادى

رەسەي ارمياسى ۋكراينا اۋە ارمياسىنىڭ اۋەجايىنا شابۋىل جاسادى

يزرايل ارمياسى 3-رەت اۋە شابۋىلىن قوزعاعاندىعىن جاريالادى

شي جينپيڭ ارناۋلى ايروپلانمەن بەيجيڭگە قايتىپ كەلدى

ٴبىر ٴبولىم وڭىرلەردە تەمپەراتۋرا ℃12 تان استام تومەندەيدى

اسپيرانت ەمتيحانىنا ٴبىر ايعا تولمايتىن ۋاقىت قالدى

كورلا مەن قۇمىل ارالىعىنا جۇردەك پويەز قاتىنايدى

ەلىمىزدە مەملەكەت دارەجەلى ەكونوميكالىق اشۋ رايونى 233 كە جەتتى

رەسەي-ۋكراينا قاقتىعىسى جايلى حابار

شي جينپيڭ ماروككونىڭ پاتشا مۇراگەرىمەن كەزدەستى

دۇنيە جۇزىلىك ينتەرنەت جينالىسى جابىلدى

شينجياڭنىڭ جاسىل القاپ كولەمى 34 جىلدا %77.6 ارتتى

قايعىلى حابار

اقنار اداق قىزى جاپونيادا التىن مەدال ەنشىلەدى

ساقتالعان سۋ مولشەرى 45 بوعدا كولىنە بارابار

رەسەي-ۋكراينا قاقتىعىسى جالعاستى ۋشىقتى

نەتانياحۋ مەن گاللانتقا قولعا الۋ بۇيرىعىن ءتۇسىردى

شي جينپيڭ لۋلا وتكىزگەن قارسى الۋ قوناعاسىنا قاتىناستى

بۇل باعدارلامانىڭ برازيليادا پورتۋگال تىلىندەگى نۇسقاسى بەرىلدى

شينجياڭنىڭ مىنا جەرلەرىندە قالىڭ قار جاۋادى

دەنساۋلىق تەكسەرۋگە قاتىستى جاڭا بەلگىلەمە اتقارىلادى

وقۋشىلاردىڭ قىسقى دەمالىس ۋاقىتى تۇراقتاندى

شينجياڭنان 2 ادام 2023-جىلعى عىلىم-تەحنيكا سيلىعىن الدى

ءۇرتىس 35 جىل دۇنيە ءجۇزى بويىنشا ءبىرىنشى ورىندى يەلەدى

كوپ ەلدىڭ ۋكرايناداعى ەلشىلىكتەرى جابىلدى

گازاداعى سوعىستى توقتاتۋ قاۋلىسى ماقۇلدانباي قالدى

شي جينپيڭ برازيليانىڭ زۇڭتۇڭىمەن كەڭەس وتكىزدى

شي جينپيڭ برازيليانىڭ زۇڭتۇڭى لۋلامەن بىرگە تىلشىلەرمەن كەزدەستى

سولتۇستىك شينجياڭدا تەمپەراتۋرا تومەندەيدى

قىسقى ساياحات كاسىبى ساۋدا كورمەسى الدا ۇرىمجىدە وتكىزىلەدى

رەسەي-ۋكراينا قاقتىعىسى جايلى حابار

حاماستىڭ دوحاداعى ساياسي كەڭسەسى جۇمىسىن ۋاقىتشا توقتاتتى

شي جينپيڭ جيىرما ەل توبى باسشىلار باس قوسۋىنا جالعاستى قاتىناستى

شي جينپيڭ برازيلياداعى مەملەكەتتىك ساپارىن باستادى

بۇل رەكورد جاڭالاندى! تۇڭعىش رەت 150 ميللياردتان استى

وسى اپتادا بوران سوعىپ، تۇمان ءتۇسىپ، سوڭىنان سۋىق اعىس كىرەدى

قىستاققا جولبارىس كىرىپ قىستاق تۇرعىنىن جارالادى

رەسەي-ۋكراينا قاقتىعىسى جايلى حابار

ا ق ش-ندا كولىك كەپتەلىس اقىسىن الۋ تۇڭعىش جوسپارى بەكىتىلدى

شي جينپيڭ جيىرما ەل توبى باسشىلارىنىڭ باس قوسۋىنا قاتىناستى

شي جينپيڭ انگليانىڭ باس ۋازىرىمەن كەزدەستى

اتقارۋدان باس تارتۋ قىلمىستىق ارەكەتىنە قاتاڭ سوققى بەرەدى

نارات اۋەجايىنا قاتىستى ەڭ جاڭا حابار

مىنا كاسىپ باقشاسى جىل ىشىندە ۇرىمجىدە سالىنىپ بولادى

شينجياڭنىڭ جەل وتتەرىندە جەل كۇشى 8 دە 9 بالعا جەتەدى

جولاۋشى قابىلداۋ-جونەلتۋ مولشەرى 25 ميلليون ادام-رەتتەن استى

جارىس الاۋىن ناق مايداندا جالعاۋ قيمىلى وتكىزىلدى

رەسەي-ۋكراينا قاقتىعىسى جونىندەگى حابار

شي جينپيڭ ريو ـ دە ـ جانەيروعا باردى

分类

时事

民生

政务

教育

文化

科技

财富

体娱

健康

情感

旅行

百科

职场

楼市

企业

乐活

学术

汽车

时尚

创业

美食

幽默

美体

文摘

原创标签

时事社会财经军事教育体育科技汽车科学房产搞笑综艺明星音乐动漫游戏时尚健康旅游美食生活摄影宠物职场育儿情感小说曲艺文化历史三农文学娱乐电影视频图片新闻宗教电视剧纪录片广告创意壁纸头像心灵鸡汤星座命理教育培训艺术文化金融财经健康医疗美妆时尚餐饮美食母婴育儿社会新闻工业农业时事政治星座占卜幽默笑话独立短篇连载作品文化历史科技互联网

发布位置

广东北京山东江苏河南浙江山西福建河北上海四川陕西湖南安徽湖北内蒙古江西云南广西甘肃辽宁黑龙江贵州新疆重庆吉林天津海南青海宁夏西藏香港澳门台湾美国加拿大澳大利亚日本新加坡英国西班牙新西兰韩国泰国法国德国意大利缅甸菲律宾马来西亚越南荷兰柬埔寨俄罗斯巴西智利卢森堡芬兰瑞典比利时瑞士土耳其斐济挪威朝鲜尼日利亚阿根廷匈牙利爱尔兰印度老挝葡萄牙乌克兰印度尼西亚哈萨克斯坦塔吉克斯坦希腊南非蒙古奥地利肯尼亚加纳丹麦津巴布韦埃及坦桑尼亚捷克阿联酋安哥拉