يزرايل مەديالارى: يزرايل ليۆان ءتاڭىر پارتياسىمەن جانامالاي سوعىس توقتاتۋ كەلىسسوزىن ىلگەرىلەتۋگە قوسىلدى، -دەدى
ءوز حابارىمىز. يزرايلدىڭ كوپتەگەن مەديالارى 11-ايدىڭ 25-كۇنى: يزرايل ليۆان ءتاڭىر پارتياسىمەن جانامالاي سوعىس توقتاتۋ كەلىسسوزىن ىلگەرىلەتۋگە قوسىلدى، -دەدى. حابارعا قاراعاندا، سوعىس توقتاتۋ كەلىسىمىنىڭ اتقارىلۋى بىرنەشە ساتىعا بولىنەدى: ءبىرىنشى قادامدا قاقتىعىسقان ەكى جاق جاۋلاسۋ ارەكەتىن توقتاتادى، ءتاڭىر پارتياسىنىڭ قارۋلىلارى ليتاني وزەنىنىڭ سولتۇستىك رايونىنا شەگىنەدى؛ ەكىنشى قادامدا يزرايل قورعانىس ارمياسى ليۆاننىڭ وڭتۇستىگىنەن شەگىنىپ شىعادى؛ ءۇشىنشى قادامدا ەكى جاق تالاس-تارتىستى شەكارا رايونى جونىندە كەلىسسوز وتكىزىپ، يزرايل-ليۆان شەكاراسىن تۇراقتاندىرادى. ليۆان ءتاڭىر پارتياسى وسىدان بۇرىن بىلاي دەگەن بولاتىن: يزرايلدىڭ ليۆانعا «شاپقىنشىلىق جاساۋىن» دوعارۋى ءارى ليۆاننىڭ يەلىك ۇقىعىنا قۇرمەت ەتۋگە ۋادە بەرۋى سوعىس توقتاتۋدىڭ باستى شارتى بولىپ تابىلادى، يزرايل كەلىسسوز بارىسىندا زورلاپ شارت قويماۋى كەرەك.
يزرايل مەملەكەت قورعانىس ارمياسى 11-ايدىڭ 25-كۇنى مالىمدەمە جاريالاپ، بىلاي دەدى: يزرايل ارمياسى سول كۇنى ليۆان ءتاڭىر پارتياسى قارۋلىلارىنىڭ بەيرۋتتىڭ وڭتۇستىك قالا ماڭىنداعى تەڭىزگە اتىلاتىن باسقارىلمالى بومبى قوسىنىنىڭ قولباسشىلىق كەڭسەسىنە، حابارلاسۋ ءبولىمنىڭ قولباسشىلىق كەڭسەسىنە جانە باسقادا ەكى قولباسشىلىق كەڭسەسىنە اۋەدەن شابۋىل جاسادى. بۇدان سىرت، يزرايل ارمياسى ليۆاننىڭ وڭتۇستىگىندەگى ليۆان ءتاڭىر پارتياسىنىڭ زىمىران بومبىسىن اتۋ قوندىرعىسىنا شابۋىل جاسادى، يزرايل ارمياسى: سول كۇنى تۇستەن بۇرىن يزرايلدىڭ سولتۇستىك شەكاراسىنداعى ناحارياعا وسى قوندىرعىدان زىمىران بومبىسى اتىلدى، -دەدى.
يزرايل ارمياسىنىڭ 11-ايدىڭ 25-كۇنگى حابارىنا قاراعاندا، وسى رەتكى يزرايل-ليۆان قاقتىعىسى كەزىندە، يزرايل اۋە ارمياسى ليۆاننىڭ استاناسى بەيرۋتتىڭ وڭتۇستىك قالا ماڭىنداعى ليۆان ءتاڭىر پارتياسىنىڭ 280 نىساناسىنا سوققى بەرگەن، بۇل 2006-جىلعى ليۆان-يزرايل قاقتىعىسى كەزىندە يزرايل ارمياسى ليۆان ءتاڭىر پارتياسىنا سوققى بەرگەن نىسانانىڭ ەكى ەسەسىندەي بولىپ، سول كەزدە يزرايل ارمياسى 140 نىساناعا سوققى بەرگەن.
