رەسەي مەديالارى: رەسەي ارمياسى كۋلاحوۆو قالاسىنىڭ ورتالىعىنا باسىپ كىردى، -دەدى، ۋكراينانىڭ زۇڭتۇڭى بۇل باعىتتاعى جاعدايدىڭ قيىن ەكەندىگىن ايتتى
ءوز حابارىمىز. رەسەي قورعانىس مينيسترلىگى 11-ايدىڭ 25-كۇنى سوعىس جاعدايى ينفورماتسياسىن جاريالاپ بىلاي دەدى: وتكەن ءبىر تاۋلىكتە رەسەي ارمياسى ۋكراينانىڭ اسكەري ونەركاسىپ كاسىپورىندارىن قامتاماسىزداندىراتىن اسكەري اۋەجاي قۇرىلعىلارى مەن ەنەرگيا قۇرىلعىلارىنا سوققى بەردى. رەسەي ارمياسىنىڭ اۋە شابۋىلىنان قورعانۋ جۇيەسى 45 ۇشقىشسىز ۇشاقتى اتىپ ءتۇسىردى، سونىمەن بىرگە 8 وق جولىندىق باسقارىلمالى بومبىنى تويتاردى.
ۋكراينا قارۋلى ءبولىمىنىڭ باس شتابى بىلاي دەدى: سول كۇنى الدىڭعى شەپ رايونىندا 100 رەتتەن استام شايقاس تۋىلدى، شايقاس، باستىسى، كۋلاحوۆو مەن پوكروۆسكي باعىتىندا بولدى. رەسەي مەملەكەتتىك مەدياسىنىڭ 11-ايدىڭ 25-كۇنگى حابارىنا قاراعاندا، رەسەي ارمياسى دونەتسكيدىڭ كۋلاحوۆو قالاسىنىڭ ورتالىعىنا باسىپ كىرگەن. سول كۇنى ۋكراينا زۇڭتۇڭى زەلەنسكي الەۋمەتتىك جەلىدە ماقالا جاريالاپ بىلاي دەدى: ۋكراينا ارمياسىنىڭ قازىر كۋلاحوۆو باعىتىنداعى جاعدايى قيىن. ۋكراينا ارمياسى شەپتى كۇشەيتۋگە قۇلشىنۋدا. بۇدان سىرت، زاپوروجە باعىتىنان دا حاۋىپ-قاتەر بايقالدى، ۋكراينا ارمياسى جاعدايدى مەڭگەرۋگە كۇش سالۋدا.
