ئۈندىدار سالۇنى تەرجىمىسى
يەر شارى ۋاقىت گېزىتىنىڭ خەۋىرىگە قارىغاندا، يېقىندا، رۇسىيەنىڭ يىللىق يىغىنىدا، زۇڭتۇڭ پۇتىن قىسىمنىڭ قوماندانلىق ئۈنۈمى ۋە ئۇرۇش قىلىش ئىقتىدارىنى ئۆستۈرۈش مەقسىتىدە يەتتە تۈرلۈك ھالقىلىق ئۇرۇش قىلىش ۋەزىپىسىنى چۈشۈرگەن. رۇسىيە ئارمىيەسى بۇيرۇقنى تاپشۇرۇۋالغاندىن كېيىن، تېزلىكتە ھۇجۇمنى كۈچەيتىپ، قىزىل ئارمىيە شەھىرىنىڭ مەركىزىگە بەش كىلومېتىر ئىچكىرىلەپ كىردى،300 - 72 تانكا ئۇنىڭغا ئەگىشىپ ئۇكرائىنا ئارمىيەسىگە ئەجەللىك زەربە بەردى. روسىيە ئارمىيىسى ئۇكرائىنا ئارمىيىسىنىڭ مۇداپىئە لىنىيىسىنى ئارقا - ئارقىدىن بۆسۈپ ئۆتتى. ئۇرۇش ئەھۋالى دوكلاتىدا كۆرسىتىلىشىچە، قىزىل ئارمىيە شەھەر جەڭ مەيدانىدىكى ئۇكرائىنا ئارمىيەسى ئۇدا تۆت كۈنلۈك قايتۇرما ھۇجۇمدا زور ئوڭۇشسىزلىققا ئۇچرىغان. مەيلى ئەسكىرىي كۈچ، ئوت كۈچى ياكى قورال - جابدۇق جەھەتتە بولسۇن،
ئۇكرائىنا ئارمىيەسى روشەن ناچار ئورۇندا تۇرغاچقا، ئەڭ ئاخىرىدا ھۇجۇمدىن ئومۇميۈزلۈك مۇداپىئەگە ئۆتۈشكە مەجبۇر بولدى، بۇ ئۇلارنىڭ ئۇرۇش پىلانىنى داۋاملىق ئىلگىرى سۈرۈشىنى قىيىنلاشتۇرۇۋەتتى. ئۇكرائىنا قۇرۇقلۇق ئارمىيە زاپاس كومىتېتىنىڭ رەئىسى ئىۋان تىموچىكو مۇنۇلارنى ئاشكارىلىدى:رۇسىيە ئارمىيەسى قىزىل ئارمىيە شەھىرى تەرەپكە تەخمىنەن 150 مىڭ ئەسكەر توپلىدى ھەمدە نۇرغۇن بىرونېۋىك ۋە ئايروپىلان سەپلىدى، مۇشۇنداق كۈچلۈك ھەربىي كۈچ ئالدىدا، ئۇكرائىنا ئارمىيەسىنىڭ ئارمانغا تۇشلۇق دەرمان يوق بولۇپ قالدى. رۇسىيە ئارمىيەسىنىڭ كەڭ كۆلەملىك ھۇجۇمىدا بىر كۈن ئىچىدە مىسلى كۆرۈلمىگەن بۆسۈش ھاسىل قىلىنىپ، قىزىل ئارمىيە شەھىرىنىڭ جەنۇبىدىكى گەۋدىلىك قىسمى كېڭەيتىلدى. ئۇكرائىنا ئارمىيەسى ئېغىر تالاپەتكە ئۇچرىدى، بولۇپمۇ خىللانغان 79 - ھاۋا تۇيۇقسىز زەربە بېرىش لۈيى ئاساسەن ۋەيران بولدى. رۇسىيە ئارمىيەسى ئالدى بىلەن شېپچىنكو رايونىدا بۆسۈش ئېغىزى ئېچىپ، پىشچانى كەنتىنىڭ جەنۇبىي شەھەر ئەتراپىغا مۇۋەپپەقىيەتلىك ئىلگىرىلىدى ھەمدە كۈچلۈك ئوت كۈچىگە تايىنىپ ئۇكرائىنا ئارمىيەسىنىڭ نەچچە قېتىملىق قايتۇرما ھۇجۇمىنى چېكىندۈرۈپ،
ئاخىرىدا پىشچانى كەنتىدە مۇستەھكەم بازا قۇردى. يېڭى تروئىتسكتىن يولغا چىقىپ، رۇسىيە ئارمىيەسى 800 مېتىر كەڭلىكتىكى ئۇرۇش سېپىنى بويلاپ شىمالغا قاراپ ۋولكوۋو كەنتىگە قاراپ ئىلگىرىلىدى، قىزىل ئارمىيە شەھىرىنىڭ ئاساسلىق ئارقا سەپ لىنىيەسى 04-06 تاشيولىغا ئىككى كىلومېتىرمۇ قالمىدى، ئىككى تەرەپ بۇ يەردە بەش كۈن كەسكىن جەڭ قىلدى. بۇنىڭدىن باشقا، رۇسىيە ئارمىيەسى داچىنىسكى كەنتىنىڭ %70 رايونىنى ئىشغال قىلدى ھەمدە يېڭى لېنىفكا كەنتىنىڭ شىمالىي شەھەر ئەتراپىغىچە ئىلگىرىلەپ، رۇسىيە ئارمىيەسىنىڭ گەۋدىلىك قىسمىنىڭ يان تەرەپتىكى بىخەتەرلىكىنى زور دەرىجىدە كۈچەيتتى. كۇراخوف رايونىدا، ئۇكرائىنا ئارمىيەسىنىڭ 79 - ھاۋا تۇيۇقسىز زەربە بېرىش لۈيى ۋەيران قىلىش خاراكتېرلىك زەربىگە ئۇچرىدى، پەقەت جەنۇبتىكى ھاننىفكا كەنتىدىكى جەڭدە تەخمىنەن 400 ئادەم يوقاپ كەتتى، ھۆكۈمەت تەرەپنىڭ ئىستاتىستىكىسىغا قارىغاندا ئاران 200 ئادەم بار ئىكەن،
رۇسىيە ئارمىيەسىنىڭ ئوت كۈچى بىلەن قامال قىلىشى بىلەن نۇرغۇن يارىدارلار چېكىنىشكە ئامالسىز قالغان، يارىلانغان %70 ئەسكەر ۋاقتىدا داۋالىنالماي ھاياتىدىن ئايرىلغان، بۇ ئۇكرائىنا ئارمىيەسىنىڭ جەڭگىۋارلىقىنى يەنە بىر قېتىم ئېغىر زىيانغا ئۇچرىتىپ، جەڭگىۋارلىقىنى ئاجىزلاشتۇرغان. پۇتىن مۇنۇلارنى بىلدۈردى، رۇسىيە ئارمىيەسى پۈتۈن لىنىيە بويىچە ئۇچرىشىپ، ئالاھىدە ھەربىي ھەرىكەتنىڭ ئاساسلىق نىشانىنى تەدرىجىي ئىشقا ئاشۇرماقتا. جەڭ مەيدانىنىڭ ئەمەلىي ئەھۋالىدىن قارىغاندا، ئۇكرائىنا ئارمىيەسى بىرىنچى سەپتە ئۇرۇش قىلىۋاتقان قىسىملاردا خادىملار ئېغىر دەرىجىدە كەمچىل بولۇش، يېڭى ئەسكەرلەرنىڭ ساپاسى تۆۋەنلەپ كېتىش ۋە قاچاق ئەسكەرلەر مەسىلىسىگە دۇچ كېلىپ، ئۈنۈملۈك قايتۇرما زەربە بېرىشكە ئامالسىز قېلىپ، پاسسىپ، تاياق يەيدىغان ھالەتكە چۈشۈپ قالدى.
بېلارۇسىيەنىڭ گومېل ئىشتاتىنىڭ چېگرا بەلبېغىدا، رۇسىيە بىلەن ئۇكرائىنا يېقىندا يېڭى بىر نۆۋەتلىك قازا قىلغان ئەسكەرلەرنىڭ جەسىتىنى ئالماشتۇرۇش ئېلىپ باردى، بۇ قېتىم ئالماشتۇرۇلغان جەسەتنىڭ نىسبىتى 42:503، يەنى رۇسىيە ئارمىيەسىنىڭ 42 جەسىتى، ئۇكرائىنا ئارمىيەسىنىڭ 503 جەسىتى بولدى. گەرچە ئىككىلا تەرەپ زىيانغا ئۇچرىغان بولسىمۇ، لېكىن ئۇكرائىنا ئارمىيىسى روشەن ناچار ئەھۋالغا چۈشۈپ قالدى. رۇسىيە دۆلەت مۇداپىئە مىنىستىرلىقىنىڭ بىر قېتىملىق مۇھىم يىغىنىدا، دۆلەت مۇداپىئە مىنىستىرى بېلوۋۇسوف رۇسىيە ئارمىيەسىنىڭ ھاۋا مۇداپىئە ساھەسىدىكى كۆرۈنەرلىك نەتىجىلىرىنى دوكلات قىلدى. ئۇ مۇنۇلارنى جاكارلىدى:2024 - يىلى رۇسىيە ھاۋا مۇداپىئە سىستېمىسى ئامېرىكا قۇرۇقلۇق ئارمىيەسىنىڭ تاكتىكىلىق باشقۇرۇلىدىغان بومبا سىستېمىسى باشقۇرۇلىدىغان بومبىسىدىن 215 نى ھەمدە 27 مىڭدىن ئارتۇق ئۇچقۇچىسىز ئايروپىلاننىڭ ھۇجۇمىنى مۇۋەپپەقىيەتلىك توستى.
بۇنىڭدىن باشقا، ئۇ يەنە رۇسىيە ئارمىيەسىنىڭ ئوخشاش بىر يىلدا 86 دانە «بوران كۆلەڭگىسى» ناملىق باشقۇرۇلىدىغان بومبا ۋە ناملىق باشقۇرۇلىدىغان بومبىنى ئېتىپ چۈشۈرۈپ، رۇسىيە ھاۋا مۇداپىئە كۈچىنىڭ ئۈنۈملۈكلۈكى ۋە ئەمەلىي كۈچىنى نامايان قىلغانلىقىنى تىلغا ئالدى. پۇتىن شۇ يىغىندا رۇسىيە ئارمىيەسىنىڭ ئۇكرائىنادىكى توقۇنۇش بولۇۋاتقان رايوندىكى ئىلگىرىلەشلىرىنى تەكىتلىدى، ئۇ رۇسىيە ئارمىيەسىنىڭ 189 ئولتۇراق نۇقتىسىنى كونترول قىلغانلىقىنى كۆرسەتتى، بۇ سان رۇسىيە ئارمىيەسىنىڭ جەڭ مەيدانىدىكى يېتەكچى ئورۇننى گەۋدىلەندۈرۈپ بەردى. ھالبۇكى، ئۇكرائىنا خەتەرلىك پەيتتە، زېلېنسكىنى ئۈمىدسىزلەندۈرىدىغان ئىش يۈز بەردى، شىمالىي ئاتلانتىك ئەھدى تەشكىلاتىنىڭ پوزىتسىيەسىدە ئۆزگىرىش بولدى.
