WXRedian | 中央广播电视总台哈萨克语 | يزرايل ارمياسى بەيرۋتتىڭ وڭتۇستىگىنە شابۋىل جاسادى

يزرايل ارمياسى بەيرۋتتىڭ وڭتۇستىگىنە شابۋىل جاسادى

时事 2024-11-09 16:21 北京

يزرايل ارمياسى ليۆاننىڭ استاناسىنىڭ وڭتۇستىك قالا ماڭىنداعى كوپتەگەن جەرلەرگە شابۋىل جاسادى

ءوز حابارىمىز. يزرايل ارمياسى 11-ايدىڭ 8-كۇنى كەشتە ليۆاننىڭ استاناسى بەيرۋتتىڭ وڭتۇستىگىندەگى قۇرىلىستارعا شابۋىل جاسادى. سول كۇنى تاڭەرتەڭ، يزرايل ارمياسى بەيرۋتتىڭ وڭتۇستىك قالا ماڭىنداعى كوپتەگەن بەلگىلەنگەن رايوندارداعى جاي بۇقارانى اۋە شابۋىلىنان بۇرىن دەرەۋ شەگىنىپ شىعۋعا ۇندەدى.يزرايل ارمياسى سول كۇنى ليۆاننىڭ وڭتۇستىك بولەگىندەگى تيىر قالاسىنا اۋە شابۋىلىن جاساپ، ءۇش ادام ءولىپ، 30 قانشا ادام جارالاندى. ليۆان الەۋمەتتىك دەنساۋلىق ساقتاۋ مينيسترلىگى سول كۇنى حابارلاندىرۋ شىعارىپ بىلاي دەدى: 2023-جىلى 10-ايدىڭ 8-كۇنى ليۆان-يزرايل قاقتىعىسى باستالعاننان بەرى، ليۆاندا 3117 ادام ءولىپ، 13 مىڭ 888 ادام جارالاندى.

يزرايل ارمياسى 11-ايدىڭ 8-كۇنى گازا رايونىنىڭ وڭتۇستىگىندەگى حانيۇنيس رايونىنداعى سەرگەلدەڭ حالىقتىڭ شاتىرىن بومبىلادى، كەزەكتە ءۇش ادام ءولىپ، كوپ ادام جارالاندى.

ب م ۇ-نىڭ ادامدىق ۇقىق ىستەرى جونىندەگى ءمانساپتىلار ارناۋلى ءىس باسقارماسى 11-ايدىڭ 8-كۇنى بايانداما جاريالاپ، بىلاي دەدى: جاڭا كەزەكتى پالەستين يزرايل قاقتىعىسى تۋىلعاننان بەرى، اتالعان ءىس باسقارماسىنىڭ انىقتاعان ينفورماتسياسىنا قاراعاندا، پالەستين گازا رايونىنداعى ولگەندەردىڭ مولشەرمەن %70 ى ايەلدەر جانە بالالار بولعان. باياندامادا گازا وڭىرىندە تۋىلعان جاي حالىققا باعىتتالعان زورلىق-زومبىلىق جانە حالىقارالىق زاڭعا اۋىر قايشىلىق جاساۋ ارەكەتتەرى جازعىرىلدى، بۇل ارەكەتتەردىڭ كوپتەگەن جاعدايدا سوعىس قىلمىسىن قالىپتاستىرۋى مۇمكىن ەكەندىگى اتاپ كورسەتىلدى. باياندامادا مىنالار ەسكەرتىلدى: ەگەر مۇنداي ارەكەتتەر بەلگىلى ءبىر مەملەكەتتىڭ، ۇلتتىڭ، ءناسىلدىڭ نەمەسە ءدىني توپتىڭ بارلىعىن نەمەسە ءبىر ءبولىمىن جويۋدى ماقسات ەتسە، ناسىلدىك قۇرتۋ قىلمىسىن قالىپتاستىرۋى مۇمكىن.

来源：中央广播电视总台

监制：叶力夏提

审稿：古丽努尔

翻译：夏力哈尔

微信制作：达吾力

中央广播电视总台哈萨克语

中国哈萨克语广播网（www.kazakcnr.cn）是中央广播电视总台民族语言节目中心主办的国内最权威的哈萨克语新闻网。