欢迎提供新闻线索：lztvxwb@qq.com
གཞིས་ཀ་རྩེ་གྲོང་ཁྱེར་རྣམ་གླིང་རྫོང་ཁྲོམ་རའི་ལྟ་སྐུལ་དོ་དམ་ཅུད་ཀྱིས་༢༠༢༤ལོའི་ནང་མང་ཚོགས་ཀྱིས་དོ་ཁུར་ཆེ་བའི་གནད་དོན་ལ་དམིགས་ནས་ཁྲིམས་འགལ་གྱོད་གཞི་ཁག་ཅིག་ཁྲིམས་ལྟར་ཞིབ་བཤེར་བྱས་ཏེ།ཟླ་༡༠ཚེས་༢༥ཉིན་རྣམ་གླིང་རྫོང་ཁྲོམ་རའི་ལྟ་སྐུལ་དོ་དམ་ཅུད་ཀྱིས་གྱོད་དཔེ་འགའ་ཁྱབ་བསྒྲགས་བྱས་པ་རེད།
རྣམ་གླིང་རྫོང་གི་ཚོང་ཁང་ཞིག་ནས་ནར་མ་སོན་པའི་སློབ་མར་ཐ་མག་འཚོང་བའི་ཐེར་འདོན་ཞིག་རྣམ་གླིང་རྫོང་ཁྲོམ་རའི་ལྟ་སྐུལ་དོ་དམ་ཅུས་ལ་འབྱོར་བ་རེད། ཁྲིམས་འཛིན་མི་སྣས་ཚོང་ཁང་དེར་དཔང་ལེན་བྱས་རྗེས། ཚོང་ཁང་གི་སྦྱིན་བདག་འདིས་ཕྲུ་གུར་ཐ་མག་མི་འདྲ་བ་༤ཏེ་ཐ་མག་ཁྱོན་༡༠༩བཙོང་པ་དང་། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ནར་མ་སོན་པའི་བྱིས་པར་སྲུང་སྐྱོབ་བྱེད་པའི་བཅའ་ཁྲིམས》ཀྱི་དོན་ཚན་ང་དགུ་པའི་གཏན་འབེབས་དང་འགལ་ཡོད། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ནར་མ་སོན་པའི་བྱིས་པར་སྲུང་སྐྱོབ་བྱེད་པའི་བཅའ་ཁྲིམས》ཀྱི་དོན་ཚན་བརྒྱ་དང་ཉེར་གསུམ་པ་གཞིར་བཟུང་། རྣམ་གླིང་རྫོང་ཁྲོམ་རའི་ལྟ་སྐུལ་དོ་དམ་ཅུད་ཡིས་ཁྲིམས་ལྟར་ནར་མ་སོན་པའི་སློབ་མར་ཐ་མག་འཚོང་བའི་ཡོང་འབབ་རྣམས་གཞུང་བཞེས་བྱས་པ་མ་ཟད་དངུལ་ཆད་སྒོར་༥༩༠༠ཡི་ཆད་པ་བཅད་པ་ཡིན།
རྣམ་གླིང་རྫོང་ཁྲོམ་རའི་ལྟ་སྐུལ་དོ་དམ་ཅུད་ཀྱིས་ཚོང་པ་ཚོར་བཅའ་ཁྲིམས་ཁྲིམས་སྲོལ་ལ་བརྩི་སྲུང་ཞུ་བ་དང་། ཁྲོམ་རའི་ལྟ་སྐུལ་དོ་དམ་སྡེ་ཚན་གྱིས་ཁྲོམ་རའི་ཁྲིམས་འཛིན་ལྟ་སྐུལ་གྱི་ལས་དོན་མུ་མཐུད་སྤེལ་ནས། ཁྲིམས་འགལ་འདུ་ཤེས་ཆེ་རུ་གཏང་བ་དང་། སྲིད་ཇུས་མཛུབ་ཁྲིད། སྲིད་འཛིན་ཆད་གཅོད་སོགས་ཀྱི་བྱ་ཐབས་སྤྱད་དེ་འབྲེལ་ཡོད་ཁྲིམས་འགལ་བྱེད་སྤྱོད་ཁྲིམས་ལྟར་ཞིབ་བཤེར་ཐག་གཅོད་བྱ་རྒྱུ་ཡིན་པ་རེད།
来 源：阳光西藏
编 辑：巴 洛
复 审：顿珠、尼玛普赤
终 审：欧 珠
扫码关注微信、抖音
