بالالار باقشاسىنىڭ تاربيەشىسى بالالارعا ءتان جازاسىن قولدانسا، ءتالىم-تاربيە جۇمىسىمەن شۇعىلدانۋىنا ومىرلىك تيىم سالىنۋى مۇمكىن
مەكتەپكە تۇسۋدەن بۇرىنعى ءتالىم-تاربيە زاڭى جوباسىنىڭ 3-رەت تەكسەرىلگەن نۇسقاسى 14-كەزەكتى مەملەكەتتىك حالىق قۇرىلتايى تۇراقتى كوميتەتى 12-ءماجىلىسىنىڭ قاراۋىنا ۇسىنىلدى. جوبادا بالالار باقشاسى تاربيەشىلەرىنىڭ نەمەسە باسقا قىزمەتكەرلەرىنىڭ بالالارعا مىناداي ءۇش ءتۇرلى مامىلە جاساعاندارى جازالاناتىندىعى ايقىندالدى:
① بالالارعا ءتان جازاسىن قولدانۋ نەمەسە ءتۇسىن قۇبىلىتقان ءتان جازاسىن قولدانۋ؛
② بالالاردى كەمسىتۋ، قورلاۋ، جابىرلەۋ، جىنىستىق مازالاۋ؛
③ كاسىپتىك ءمورال ولشەمىنە قايشىلىق جاساپ نەمەسە بالالاردىڭ دەنساۋلىعىنا-پسيحيكاسىنا زيان سالىپ، زارداپ تۋدىرعان جاعداي.
جوعارىدا اتالعان 3 ءتۇرلى جايت بايقالسا بالالار باقشاسى نەمەسە اۋدان دارەجەلى حالىق ۇكىمەتىنىڭ وقۋ-اعارتۋ سياقتى قاتىستى تاراۋلارى ىسكە قاتىستى ادامعا بالالار باقشاسىنىڭ جاۋاپتىسىنا جاعدايعا قاراي زاڭ بويىنشا شارا قولدانىپ، ۇسىنىسپەن ىستەتۋ توقتامىن نەمەسە ەڭبەك توقتامىن كۇشىنەن قالدىرادى؛ اۋدان دارەجەلى حالىق ۇكىمەتىنىڭ وقۋ-اعارتۋ اكىمشىلىك تاراۋى ىسكە قاتىستى ادامنىڭ بەلگىلى مەرزىم ىشىندە نەمەسە ماڭگىلىك مەكتەپكە دەيىنگى تاربيەلەۋ قىزمەتىمەن شۇعىلدانۋىنا، نە بولماسا بالالار باقشاسىن قۇرۋىنا تيىم سالادى؛ حارەكترى اۋىر بولسا، تاربيەشى تولىمدىلىق كۋالىگى كۇشىنەن قالدىرىلادى
