WXRedian | 中央广播电视总台哈萨克语 | يزرايل اۋە ارمياسى سيرياعا اۋەدەن شابۋىل جاسادى

يزرايل اۋە ارمياسى سيرياعا اۋەدەن شابۋىل جاسادى

时事 2024-11-05 14:30 北京

يزرايل اۋە ارمياسى سيرياعا اۋەدەن شابۋىل جاسادى

ءوز حابارىمىز: يزرايل مەملەكەت قورعانىس ارمياسى جەرگىلىكتى ۋاقىت 11-ايدىڭ 4 - كۇنى كەشتە مالىمدەمە جاريالاپ بىلاي دەدى: يزرايل اۋە ارمياسى وسى كۇنى سيرياعا اۋەدەن شابۋىل جاسادى، ليۆان ءتاڭىر پارتياسىنىڭ سيريا جەرىندەگى اقپار باس شتابىن اتقىلادى. وسى اقپار باس شتابى نەگىزىنەن اقپار ينفورماتسيالارىن جيناۋعا جانە ساراپتاۋعا جاۋاپتى. اۋەدەن شابۋىل جاسالعان جەر-سيريانىڭ داماسكى قالاسىنىڭ ماڭى.

سيريا ارميا جاعى سول كۇنى ەرتەرەكتە بىلاي دەدى: يزرايل ءوزى باسىپ العان گولان ۇستىرتىنەن سيريانىڭ استاناسى داماسكى قالاسىنىڭ وڭتۇستىك ماڭىنا اۋەدەن شابۋىل جاساپ، كەيبىر قۇرىلعىلاردى ءبۇلدىردى.

ليۆان ءتاڭىر پارتياسى 11-ايدىڭ 4-كۇنى حابار جاريالاپ، سول كۇنى يزرايلدىڭ سولتۇستىك بولەگىندەگى يزرايل ارمياسىنىڭ مەللون بازاسىنا باسقارىلمالى بومبى اتقاندىعىن ايتتى.

گازا جاعىندا، يزرايلدىڭ سىرتقى ىستەر مينيسترلىگى 11-ايدىڭ 4-كۇنى مىنانى جاريالادى: يزرايل جاق 1967 - جىلى ب م ۇ-نىڭ تاياۋ شىعىس پالەستين بوسقىندارىن قۇتقارۋ جانە قۇرىلىس باسقارماسىمەن جاساعان سەلبەستىك كەلىسىمدى كۇشىنەن قالدىرعاندىعىن ب م ۇ-نا رەسمي ۇقتىردى. بۇل كەلىسىم تاياۋ شىعىس پالەستين بوسقىندارىن قۇتقارۋ جانە قۇرىلىس باسقارماسىنىڭ يزرايلدا، يوردان وزەنىنىڭ باتىس جاعالاۋىندا جانە گازا وڭىرىندە قيمىل ورىستەتۋدەگى نەگىزدەرىنىڭ ءبىرى. گازا وڭىرىندەگى مەديا كەڭسەسى مالىمدەمە جاريالاپ، يزرايلدىڭ بۇل ارەكەتىن قاتاڭ جازعىرىپ: بۇل ب م ۇ مەن حالىقارالىق زاڭعا اشىقتان - اشىق سايىس جاريالاعاندىق،- دەدى.

گازا وڭىرىندەگى مەديا كەڭسەسى بىلاي دەدى: يزرايلدىڭ بومبىلاۋى مەن اسكەري قۇرساۋلاۋىندا قالعاندىقتان، گازا ءوڭىرىنىڭ سولتۇستىگىندەگى بارلىق دوحتىرحانانىڭ جۇمىسى توقتاپ، ەمدەۋ بۇيىمدارىن قامتىعان ادامگەرشىلىك كومەككە يە بولا المادى.

来源：中央广播电视总台

监制：叶力夏提

审稿：夏力哈尔

翻译：阿曼太

微信制作：巴特勒

中央广播电视总台哈萨克语

中国哈萨克语广播网（www.kazakcnr.cn）是中央广播电视总台民族语言节目中心主办的国内最权威的哈萨克语新闻网。