شي جينپيڭ گۋاڭدۇڭنىڭ جۋحاي قالاسىنداعى اۆتوموبيلمەن جۇرگىنشىلەردى سوعۋ دەلوسى جونىندە ماڭىزدى نۇسقاۋ بەرىپ، جارالانعانداردى بار كۇشپەن قۇتقارىپ-ەمدەپ، قاندى قولدى زاڭ بويىنشا قاتاڭ جازالاۋ، حاۋىپ-قاتەردەن تۋ باستان ساقتانۋ-تىزگىندەۋدى كۇشەيتۋ، ۇشقارى دەلولاردىڭ تۋىلۋىنان قاتاڭ ساقتانۋ كەرەك دەپ،-باسا دارىپتەدى، لي چياڭ بەكىتۋ جازدى
ءوز حابارىمىز.11-ايدىڭ 11-كۇنى كەشتە، گۋاڭدۇڭ ولكەسى جۋحاي قالاسى شياڭجوۋ رايونى دەنە-تاربيە ورتالىعىندا اۆتوموبيلمەن جۇرگىنشىلەردى سوعۋ دەلوسى تۋىلدى، قازىرگە دەيىن 35 ادام ءولىپ، 43 ادام اۋىر جارالاندى.
دەلو تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا نازار اۋداردى ءارى ماڭىزدى نۇسقاۋ بەرىپ بىلاي دەپ انىق ايتتى: گۋاڭدۇڭ ولكەسى جۋحاي قالاسى شياڭجوۋ رايونى دەنە تاربيە ورتالىعىندا اۆتوموبيلمەن جۇرگىنشىلەردى سوعۋ دەلوسى تۋىلىپ، اۋىر ءولىم-ءجىتىم بولدى، مۇنىڭ سيپاتى توتەنشە ناشار. جارالىلاردى بار كۇشپەن ەمدەپ، جارالانعاندار مەن ولگەندەردىڭ وتباسىنداعىلاردى جۇباتۋ جانە سوڭعى جۇمىستارىن ءبىر جاقتىلى ەتۋ قىزمەتىن دەن قويا جاقسى ىستەۋ كەرەك. قاندى قولدى زاڭ بويىنشا قاتاڭ جازالاۋ كەرەك. جەر-جەر جانە قاتىستى تاراۋلار اشتى ساباق الىپ، بىرەۋى ارقىلى وزگەسىن تۇسپالداپ، حاۋىپ-قاتەردەن تۋ باستان ساقتانۋ-تىزگىندەۋدى كۇشەيتۋ، قايشىلىقتار مەن داۋ-شارلاردى دەر كەزىندە شەشىپ، ۇشقارى دەلولاردىڭ تۋىلۋىنان قاتاڭ ساقتانىپ، حالىق بۇقاراسىنىڭ ءومىرىنىڭ حاۋىپسىزدىگى مەن قوعامنىڭ ورنىقتىلىعىن بار كۇشپەن قامتاماسىز ەتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، مىنالاردى انىق ايتتى: جارالانعانداردى بار كۇشپەن قۇتقارىپ، سوڭعى جۇمىستاردى ورنىقتى ىستەۋ؛ دەلونىڭ ءمان-جايىن تەز ارادا انىقتاۋ ءارى قاندى قولدى زاڭ بويىنشا قاتاڭ جازالاۋ كەرەك. ساقتانۋ مەن تىزگىندەۋدى ۇشتاستىرىپ، كومەسكى حاۋىپ-قاتەردى جانە قوعامدىق قايشىلىقتاردى ءبىر-بىرلەپ تەكسەرىپ شەشىپ، قوعامدىق جالپى جاعدايدىڭ ورنىقتىلىعىنا شىنايى كەپىلدىك ەتۋ كەرەك.
شي جينپيڭنىڭ ماڭىزدى نۇسقاۋىنا ساي، ورتالىقتان جەرلىك ورىنعا قىزمەت گرۋپپاسى جىبەرىلىپ، ءبىر جاقتى ەتۋ قىزمەتىنە جەتەكشىلىك ەتتىرىلدى، گۋاڭدۇڭ ولكەسى مەن جۋحاي قالاسى جارالىلاردى قۇتقارۋ-ەمدەۋ، دەلونى بارلاۋ-تەكسەرۋ، قوعامدىق ساقتانۋ-تىزگىندەۋ سياقتى قىزمەتتەردى بار كۇشپەن ويداعىداي ىستەۋدە. قازىر ءتۇرلى قىزمەتتەر جەدەل ءارى ءتارتىپتى جۇرگىزىلۋدە.
تومەندەگى 阅读原文 جالعانىمىن باسىپ حاباردىڭ 央视频 نۇسقاسىن كورىڭىز
