岁月的温柔序章
ལོ་ཟླར་བྲིས་པའི་དབུ་ཁྱུད།
ལོ་སར།ལོ་ངོ་སྟོང་གི་རིག་གནས་དང་བརྩེ་བ་སུམ་པའི་དུས་ཆེན་ཞིག
དུས་ཆེན་འདིར། གྲོང་ཁྱེར་རམ་ཞིང་སྡེ་གང་དུའང་།
དགའ་སྐྱིད་ཀྱི་མཚོ་མོར་བསྐྱལ་བཞིན།
ཀུན་ཀྱིས་རང་ཉིད་ཀྱི་ལུགས་སྲོལ་ལྟར།
བཟའ་མི་ལྷན་འཛོམས་དང་རེ་བ་གསར་བ་བསུ།
འདི་ནི་ལོ་གསར་བའི་རྟེན་འབྲེལ་ཡིན་ལ།
ལོ་ཟླར་བྲིས་པའི་བཀྲ་ཤིས་པའི་དབུ་ཁྱུད་དེ་ཡིན་ནོ།།
ལོ་སར་ནི་དུས་ཆེན་ཞིག་ཡིན་ལ་
བརྩེ་བའི་འབྲེལ་མཚམས་ཤིག་ཀྱང་ཡིན།
དེ་ནི་ལོ་ཐོ་སྟེང་བཀོད་པའི་ཨང་རྟགས་དེ་ཁོ་ན་མ་ཡིན་པར།
ཕ་ཡུལ་ལ་བཅིངས་པའི་བརྩེ་བ་རྣམ་དག་དེའང་མཚོན།
དུས་ཆེན་འདིར། ཁྱེད་རང་གང་དུ་གནས་ནའང་།
ཐབས་བརྒྱ་ཇུས་སྟོང་གིས་སེམས་ཀྱི་ཕ་ཡུལ་ལ་ལོག་སྟེ།
བཟའ་མི་ལྷན་འཛོམས་ཀྱི་དགའ་སྐྱིད་ཀྱི་དཔལ་ལ་རོལ་བར་བྱ།
དགུ་ཐུག་མོད་པོ་དེའི་ཟས་ཁམ་གང་ལ།
ཕ་ཡུལ་གྱི་དྲོ་བ་ལྡན་ལ་འདས་པའི་ལོ་ཟླ་དག་གི་ཕྱིར་དྲན་དང་།
མ་འོངས་པའི་རེ་བ་མཆིས།
འདི་ནི་ཕུན་སུམ་ཚོགས་པའི་སྟོན་མོ་ཞིག་དང་།
སེམས་ཁམས་སྙོམས་པའི་གསོ་བྱེད་བླ་མེད་ཅིག་གོ།
ལོ་སར་རོལ་བའི་སྲོལ་ལ་སྣ་ཚོགས་དེ།
དཀོན་མཆོག་ལ་མཆོད་པ་དང་ལྷ་བསང་བཏང་སྟེ་རླུང་རྟ་གཏོར་བ།
གླུ་གར་རྩེད་མོ་དང་རྟ་རྒྱུག་མདའ་འཕེན།
སྒོ་བྱང་ལ་ཤིས་ཚིག་སྦྱར་བ་དང་ཤོག་པག་འཕེན་པ།
ལོ་རྙིང་སྐྱེལ་བ་དང་ཕན་ཚུན་ལ་ལོ་སར་བྱེད་པ་སོགས།
བྱེད་སྒོ་སྣ་ཚོགས་མཆིས།
འདི་དག་གིས་མི་རྣམས་ཀྱིས་བདེ་སྐྱིད་ཀྱི་འཚོ་བར་རེ་བ་དང་།
སྲོལ་རྒྱུན་རིག་གནས་ལ་བརྩི་བཀུར་བྱེད་པ་དེ་མཚོན།
སྒོ་བྱང་སྟེང་གི་ཤིས་ཚིག་གིས་མ་འོངས་པར།
བདེ་སྐྱིད་འབྱུང་བར་སྨོན་ལམ་འདེབས།
ཤོག་པག་སྒྲ་ཡིས་ལོ་རྙིང་ཕར་ལ་སྐྱེལ་ཞིང་གསར་བ་ཚུར་ལ་བསུ།
ཕན་ཚུན་ལ་ལོ་སར་བགྱི་བས་བདེ་སྐྱིད་ཀྱི་སྨོན་པ་སྩོལ།
སྲོལ་རྒྱུན་འདི་དག་ནི་བརྩེ་བའི་རྒྱུན་ཐག་ཅིག་དང་འདྲ་བར།
ཕན་ཚུན་གྱི་བརྩེ་བ་དམ་དུ་སྦྲེལ།
ལོ་སར་ནི་ནང་སེམས་ལ་དག་ཐེར་ཐེངས་གཅིག་བྱེད་པའི་
དུས་ཆེན་ཁྱད་པར་བ་ཞིག་གོ།
ལོ་སར་ནི་བཀྲ་ཤིས་པའི་རྟེན་འབྲེལ་གྱི་བཛད་སྒོ་ཞིག་ཀྱང་ཡིན་དེ།
སྐབས་འདིར། ས་གཞིར་མ་མར་དཔྱིད་ཀྱི་འཛུམ་མདངས་མངོན་དེ།
སྐྱེས་ངེས་ཡོད་ཚད་ལ་གསོན་ཤུགས་རྒྱས།
མི་རྣམས་ལོ་གཅིག་གི་བྱ་བར་བྲེལ་རྗེས་གཟོད་ངལ་གསོ་ཞིག་བྱས་ཏེ།
རང་བྱུང་ཁམས་ཀྱི་དབྱངས་རྟ་སྙན་མོར་ལོངས་སུ་སྤྱོད།
བྱིས་པ་ཚོའི་དགོད་སྒྲ་དང་ཤོག་པག་གི་ཙག་སྒྲ་སོགས།
རང་བྱུང་འཇིག་རྟེན་གྱི་མཛེས་པ་ལ་སུམ་དེ།
གསོན་ཉམས་དོད་པའི་དབྱར་ལྗོངས་ཀྱི་མཛེས་རིས་ཤིག་ཏུ་སྣང་།
དུས་ཆེན་འདིར། མི་རྣམས་ཀྱིས་སྣོད་བཅུད་ཀྱི་བཀའ་དྲིན་དྲན་བཞིན།
ལོ་གསར་བ་བསུ་བར་རྟེན་འབྲེལ་ཞུ།
ལོ་སར་ནི་ལོ་ཟླར་བྲིས་པའི་བཀྲ་ཤིས་པའི་དབུ་ཁྱུད་དེ།
དུས་ཀྱི་འཁོར་འཚམས་མཚོན་པ་ཁོ་ན་མ་ཡིན་པར།
རིག་གནས་རྒྱུད་འཛིན་དང་བརྩེ་བ་བརྒྱུད་སྤྲོད་བྱེད་པའང་མཚོན་ནོ།།
དུས་ཆེན་འདིར།
ང་ཚོས་ལོ་གསར་བ་བསུ་བར་རྟེན་འབྲེལ་ཞུ་བ་ཁོ་ན་མ་ཡིན་པར།
ཚེ་སྲོག་རྒྱུན་མཐུད་དང་བསམ་དོན་ལྷུན་གྲུབ་ཡོང་བར་
སྨོན་འདུན་དང་རྟེན་འབྲེལ་ཞུ་བའང་ཡིན།
ལོ་སར་ལ། བྲེལ་ཚབ་ཆེ་བའི་འཚོ་བའི་ཁྲོད་རེ་ཞིག་ལ་ངལ་གསོ་བར་བྱ།
གྲང་རླུང་བཙན་པོའི་ཁྲོད་ལྷན་འཛོམས་ཀྱི་དྲོད་ཁོལ་དེ་མྱང་པར་བྱ།
འགྱུར་ལྡོག་གི་འཚོ་བའི་ཁྲོད་འགྱུར་མེད་ཀྱི་བརྩེ་བ་དེ་མོལ་བར་བྱ།
ལོ་སར་ནི་འཇུག་སྒྲིལ་བ་ཡིན་ལ་འགོ་རྩོམ་པའང་ཡིན།
གྱེས་བྲལ་ཡིན་ལ་ལྷན་འཛོམས་ཀྱང་ཡིན།
ལོ་སར་ནི་ལོ་ཟླར་བྲིས་པའི་བཀྲ་ཤིས་པའི་དབུ་ཁྱུད་དེའོ།།
ལོ་སར་ནི་རེ་བ་ཡོད་ཚད་ཀྱི་འགོ་ཚུགས་ས་ཡིན།
དུས་ཆེན་འདི་དང་བསྟུན།
ཀུན་གྱིས་འདས་པའི་ལོ་ཟླའི་སུན་སྣང་དང་ངལ་དུབ་བསྐྱུར་ནས།
མ་འོངས་པའི་རེ་བ་གསར་བ་བསྣམས་ནས་མདུན་དུ་བསྐྱོད།
བྱིས་པ་ཚོ་རྒན་པ་ཚོའི་རེ་སྨོན་ཁྲོད་འཚར་ལོངས་བྱུང་།
གཞོན་པ་རྣམས་རེ་འདུན་གསར་བའི་ཆེད་ཧུར་བརྩོན་བགྱི།
ལོ་ལོན་དག་གཡང་ཁྱིམ་དྲོན་མོ་ནས་འབྱུང་བཞི་སྙོམས་ཞིང་
དགའ་སྐྱིད་ཀྱི་དཔལ་ལ་རོལ།
ལོ་སར་ནི་སླར་བསྐྱོད་ཀྱི་གཅུས་སྒོ་ཞིག་དང་ཀུན་ནས་མཚུངས།
རེ་བ་གསར་བར་བསྙེག
རིན་ཐང་མངོན་འགྱུར་བྱེད་པའི་གོ་སྐབས་ཤིག་གོ།
བཀྲ་ཤིས་ལོ་སར་འདི་དང་བསྟུན་ཁྱེད་ཅག་གི་བྱ་བ་ལམ་འགྲོ།
ཚེ་རིང་ནད་མེད་འོང་བའི་སྨོན་འདུན་སེམས་ཀྱིས་ཞུ།
作者简介：
编辑/张玉红 责任编辑/王淑霞
审核/刘学花 总审核/郑培勇
