རང་རྒྱལ་གྱི་གཞི་རྩའི་སྨན་བཅོས་འགན་བཅོལ་གྱི་རྩིས་ཞུའི་ཁྱབ་ཁོངས་སུ་དཀར་ཆག་དོ་དམ་ལག་བསྟར་བྱེད་པ་ཡིན་ཞིང་། དཀར་ཆག་ནང་གི་སྨན་བཅོས་འགྲོ་གྲོན་གཏན་འབེབས་གཞིར་བཟུང་སྨན་བཅོས་འགན་བཅོལ་ཐེབས་རྩ་དང་ནད་པ་མི་སྒེར་གྱིས་བསྡུར་ཚད་ལྟར་ཁག་སོ་སོར་འགན་འཁུར་དགོས། དཀར་ཆག་ནང་མ་ཚུད་པའི་སྨན་བཅོས་འགྲོ་གྲོན་དེ་དག་སྨན་བཅོས་འགན་བཅོལ་གྱི་ཐེབས་རྩ་ནས་གཅིག་ཀྱང་རྩིས་ཞུ་བྱེད་ཀྱི་མེད།
སྨན་བཅོས་རིན་པ་གང་དག་སྨན་བཅོས་འགན་སྲུང་གི་རྩིས་ཞུའི་ནང་ཚུད་མེད།
སྤྱི་ཚོགས་ཀྱི་འགན་བཅོལ་བཅའ་ཁྲིམས་དང་རྒྱལ་ཁབ་ཀྱི་སྨན་བཅོས་འགན་བཅོལ་ཐོབ་ཐང་གི་གསལ་ཐོའི་ལམ་ལུགས་ཀྱི་གཏན་འབེབས་གཞིར་བཟུང་། སྨན་བཅོས་འགན་བཅོལ་ཐེབས་རྩ་ནས་གཏོང་སྤྲོད་མི་བྱེད་པའི་ཁྱབ་ཁོངས་ལ་གཤམ་གསལ་གྱི་གནས་ཚུལ་ཚུད་ཡོད་པ་སྟེ།
1.ལས་རྨས་འགན་བཅོལ་ཐེབས་རྩའི་ཁྲོད་ནས་གཏོང་སྤྲོད་བྱ་དགོས་རིགས།
2.ཕྱོགས་གསུམ་པས་གཏོང་འགན་འཁུར་དགོས་རིགས།
3.སྤྱི་པའི་འཕྲོད་བསྟེན་གྱིས་འགན་འཁུར་དགོས་རིགས།
4.རྒྱལ་ཁོངས་ཕྱི་རོལ་དུ་སྨན་བཅོས་བྱས་རིགས།
5.ལུས་རྩལ་ལུས་སྦྱོང་དང་ལུས་གསོ་བདེ་སྲུང་གི་འཛད་སྤྱོད། ལུས་ཁམས་བདེ་ཐང་གི་བརྟག་དཔྱད་བཅས་ཀྱི་རིགས།
6.རྒྱལ་ཁབ་ཀྱིས་གཏན་འཁེལ་བྱས་པའི་གཞི་རྩའི་སྨན་བཅོས་འགན་བཅོལ་ཐེབས་རྩས་གཏོང་སྤྲོད་བྱེད་མི་ཆོག་པའི་གྲོན་དངུལ་གཞན་དག
རྒྱལ་ཁབ་སྨན་བཅོས་འགན་ལེན་གྱི་སྨན་རྫས་དཀར་ཆགས་དེ་ག་ནས་འཚོལ་བཤེར་ཐུབ་བམ།
རྒྱལ་སྲིད་སྤྱི་ཁྱབ་ཁང་གི་སྤྱོད་སྣེའི་བྱ་རིམ་ཆུང་ངུར་ཞུགས་དགོས།
རྒྱལ་ཁབ་སྨན་བཅོས་འགན་ལེན་ཅུས་ཀྱིས་མཁོ་འདོན་བྱས་པའི་
རྒྱལ་ཁབ་ཀྱི་སྨན་བཅོས་འགན་བཅོལ་དང་སྨན་རྫས་ཀྱི་དཀར་ཆག་རྩད་བཤེར་ཞེས་པའི་ཞབས་ཞུའི་བཀོལ་སྤྱོད་སྟབས་བདེ་པོ་ཡོད་པ་སྟེ།
རྒྱལ་ཁབ་སྨན་བཅོས་འགན་བཅོལ་གྱི་སྨན་རྫས་དཀར་ཆགས་འདྲི་རྩད་ཞེས་པ་གནོན་དགོས།
ཁྱེད་རང་གིས་སྨན་རྫས་ཀྱི་སྤྱི་སྤྱོད་མིང་བླུགས་ནས་མནན་ཏེ་འཚོལ་བཤེར་བྱས་ན། སྨན་རྫས་དེའི་འགྲོ་སོང་རྩིས་ཞུའི་རིགས་དབྱེ་སོགས་ཞིབ་ཕྲའི་གནས་ཚུལ་ཤེས་ཐུབ།
དེ་མིན་རང་གི་དགོས་མཁོར་གཞིགས་ནས་སྨན་རྫས་ཀྱི་རིགས་ཚགས་བཤེར་བྱས་ན་ཡང་འགྲིག སྨན་མ་ཉོ་གོང་ནས་བཤེར་ན་སེམས་ནང་གདེང་ཚོད་ཡོང་ངེས།
སྟབས་བདེ་པོའི་སྒོ་ནས་སྨན་པ་བསྟེན་ཏེ་སྨན་བཅོས་བྱེད་འདོད་དམ། ཁྱེད་ཀྱིས་ད་དུང་སྨན་བཅོས་འགན་བཅོལ་གྱི་ཨང་རྟགས་(སྨན་བཅོས་འགན་བཅོལ་གྱི་གློག་རྡུལ་དཔང་ཡིག་)ལེན་ན་འགྲིག ཨང་རྟགས་གཅིག་གིས་སྨན་བཅོས་འགན་བཅོལ་གྱི་ལས་སྒོ་ཚང་མ་གཉེར་ཆོག
འགན་བཅོལ་ནང་ཞུགས་མཁན་གྱིས་ཨང་ཐོ་འགོད་པ་དང་སྨན་རིན་སྤྲོད་པ། ནད་ཁང་དུ་སྡོད་པའི་ཐོ་འགོད། ནད་ཁང་ནས་དོན་པའི་མཇུག་རྩིས། སྨན་རྫས་ཚོང་ཁང་ནས་སྨན་ཉོ་བ་བཅས་བྱེད་སྐབས། སྨན་ཁང་ངམ་ཡང་ན་སྨན་རྫས་ཚོང་ཁང་ལ་སྨན་བཅོས་འགན་བཅོལ་ཨང་རྟགས་
(སྨན་བཅོས་འགན་བཅོལ་གྱི་གློག་རྡུལ་དཔང་ཡིག་)ནང་གི་རྩ་གཉིས་ཨང་རྟགས་བསྟན་ནས་འགྲོ་ལུགས་གཉེར་དགོས།
སྨན་བཅོས་འགན་བཅོལ་གྱི་ཨང་རྟགས་(སྨན་བཅོས་འགན་བཅོལ་གྱི་གློག་རྡུལ་དཔང་ཡིག་)ནང་ནས་ད་དུང་སྨན་བཅོས་འགན་བཅོལ་གྱི་གནས་གཏན་འཁེལ་གྱི་སྨན་ཁང་དང་གནས་གཏན་འཁེལ་གྱི་སྨན་རྫས་ཚོང་ཁང་། སྨན་བཅོས་འགན་བཅོལ་ལས་སྒོ་གཉེར་སྒྲུབ་སྒྲིག་གཞི་སོགས་འདྲི་རྩད་བྱེད་ཆོག
ད་དུང་སྨན་བཅོས་འགན་བཅོལ་ཨང་རྟགས་དེ་རྒྱལ་ཡོངས་སུ་ཡོངས་ཁྱབ་ཏུ་སྤྱོད་པ་དང་ས་ཁོངས་བརྒལ་ནས་ཁས་ལེན་དཔང་འདོན་བྱེད་ཀྱི་ཡོད་པས། འགན་བཅོལ་ནང་ཞུགས་མཁན་གྱིས་ཨང་རྟགས་དེ་སྤྱད་དེ་རྒྱལ་ཡོངས་སུ་འབྲེལ་ཡོད་སྨན་བཅོས་འགན་བཅོལ་གྱི་ལས་སྒོ་གཉེར་ཆོག་གི་ཡོད།
གཤམ་གསལ་གྱི་པར་རིས་ལྟར་མནན་ནས།
ཁྱེད་ཀྱི་སྨན་བཅོས་འགན་བཅོལ་ཨང་རྟགས་ལེན་དང་།
སྨན་བཅོས་འགན་བཅོལ་གྱི་འབྲེལ་ཡོད་ཞབས་ཞུ་དེ་བས་
མང་བ་ཁྱེད་རང་གིས་ཤེས་ཐུབ།
复审：阿旺赤列 编辑：次仁桑珠 内容：青稞世界 |
