ج ك پ ورتالىق كوميتەتىنىڭ پارتيا تاريحي جانە حۇجات زەرتتەۋ ورنى رەداكسيالاعان «شي جينپيڭنىڭ جاراتىلىستىق بايلىق قىزمەتى جونىندەگى بايىمداۋلارىنان ۇزىندىلەر» اتتى كىتاپ جاقىندا ورتالىق حۇجات باسپاسى جاعىنان باسپادان شىعىپ، بۇكىل مەملەكەتتە تاراتىلدى.
ۇلى تابيعات-ادامزاتتىڭ ٴومىر ٴسۇرۋىنىڭ، دامۋىنىڭ نەگىزگى شارتى. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ادام مەن تابيعاتتىڭ جاراسىمدى قاتار ٴومىر ٴسۇرۋى تۇرعىسىنان دامۋدى جوسپارلاپ، پارتيانىڭ جاراتىلىستىق بايلىق قىزمەتىنە جالپى بەتتىك باسشىلىعىنا تاباندى بولىپ جانە نىعايتىپ، جاراتىلىستىق بايلىقتى باسقارۋدى كۇشەيتىپ، بايلىق ورتاسىنىڭ كوتەرىمدىلىك قۋاتىن العى شارت جانە نەگىز ەتۋگە تاباندى بولىپ، نەگىزگى تۇلعالىق فۋنكتسيالىق رايون ستراتەگياسىن اتقارۋدى ۇيىمداستىرىپ، مەملەكەت جەر بايلىعىن پايدالانۋ اياسىن اشۋ، قورعاۋ جۇيەسىن ساپالاندىرىپ، تاۋ، سۋ، ورمان، اتىز، كول، ٴشوپ، قۇمدى القاپتى ٴبىر تۇلعالاندىرىپ قورعاۋ جانە جۇيەلى وڭاۋدى ٴبىر تۇتاس جوسپارلاپ ىلگەرىلەتىپ، مەملەكەتتىك باقشانى نەگىزگى تۇلعا ەتكەن جاراتىلىستىق قورىق جۇيەسىن ورناتىپ، بايلىقتى ۇنەمدەيتىن جانە ورتانى قورعايتىن كەڭىستىك جۇيەسىن، كاسىپ قۇرىلىمىن، ٴوندىرىس ٴتاسىلىن، تۇرمىس ٴتاسىلىن قالىپتاستىرۋدى ىلگەرىلەتىپ، جۇڭحۋا ۇلتىنىڭ باياندى دامۋىن جۇزەگە اسىرۋعا كەڭ بولاشاق اشتى.
شي جينپيڭ جولداستىڭ جاراتىلىستىق بايلىق قىزمەتىن توڭىرەكەي وتىرىپ جاريالاعان ٴبىر قىدىرۋ ماڭىزدى بايىمداۋلارى ماقساتى اسقاق، مازمۇنى باي، يدەياسى تەرەڭ بولىپ، جاڭا ٴداۋىر، جاڭا جورىقتا ەكونوميكالىق-قوعامدىق دامۋ مەن بايلىق ورتاسىنىڭ كوتەرىمدىلىك قۋاتىن ٴوزارا سايكەستىرۋدى جەبەۋ، جاراتىلىستىق بايلىق مال ـ مۇلىك ۇقىعى ٴتۇزىمى مەن باسقارۋ ٴتۇزىمى جۇيەسىن اقاۋسىزداندىرۋ، جوعارى دەڭگەيدە قورعاۋ ارقىلى جوعارى ساپالى دامۋعا تىرەك بولىپ، ادام مەن تابيعات جاراسىمدى ٴومىر سۇرەتىن جۇڭگو ۇلگىسىندەگى وسىزامانداندىرۋدى قۇلشىنا قۇرۋ جونىنەن توتەنشە ماڭىزدى مانگە يە.
«بايىمداۋلاردان ۇزىندىلەر» 8 ارناۋلى تاقىرىپقا بولىنگەن، جيىنى 286 بايىمداۋ ماقالا بار، شي جينپيڭ جولداستىڭ 2012 ـ جىلى 12 ـ ايدان 2024 ـ جىلى 10 ـ ايعا دەيىنگى مەزگىلدەگى بايانداما، ٴسوز، تۇسىندىرمە، قۇتتىقتاۋ حاتتارى، نۇسقاۋلارى سياقتى 150 نەشە ماڭىزدى حۇجاتتان الىنعان. مۇنىڭ ىشىندە ٴبىر ٴبولىم بايىمداۋلار تۇڭعىش رەت اشىق جاريالانىپ وتىر.
