དངུལ་མི་དང་བྲལ་ན། ཤོག་སྙིགས་ཁོ་ན་རེད།
མི་དངུལ་དང་བྲལ་ན། ཟོག་རོའི་དཔེ་ཟླར་གྱུར།
རྒོད་པོར་སྐུལ་མཁན་མེད་ཀྱང་། ནམ་འཕང་སྔར་བཞིན་གཅོད།
རྩྭ་ཕྲན་སྐྱོང་མཁན་མེད་ཀྱང་། སྐྱེ་སྟོབས་སྔར་བཞིན་འབར།
རི་སྐྱེས་མེ་ཏོག་ལ་གཟིགས་མཁན་མེད་ཀྱང་། དྲི་བསུང་སྔར་བཞིན་ཕྱོགས་བཞིར་འཐུལ།
སེམས་ནུས་ཡོད་རྒུས་ལས་ལ་བརྩོན་པ་ན། སྐྱེ་བོ་ཀུན་གྱི་བསམ་ཤེས་ཐོབ་དགོས་མེད།
གཡོ་ལྷད་མེད་པའི་མི་ཞིག་བྱས་པ་ན། སྐྱེ་བོ་ཚང་མའི་དགའ་བསུ་ཐོབ་དགོས་མེད།
དོགས་པའི་མིག་མདའ་འཕངས་ཤིང་འཕྱ་སྨོད་ཀྱི་སྣ་ཤུ་བསྒྲགས་རུང་། ཁ་ཡ་བྱེད་དགོས་མེད། བརྩོན་པ་སྐྱེད་པའི་ལམ་ནི་གྲོགས་མེད་ཁེར་རྐྱང་གི་ལམ་དང་འོད་སྟོང་འབར་བའི་ལམ་ཞིག་རེད།
ལམ་བར་དུ་ཁ་ཆག་སྣ་རལ་ཅི་ཞིག་བྱུང་རུང་། ང་ཚོས་རིག་པ་ལྕགས་སྐུད་ལྟར་སྒྲིམ་དགོས།
འཇིག་རྟེན་འདིར་སླེབས་ཟིན་པས། དོན་སྙིང་ལྡན་པའི་མི་ཚེ་ཞིག་སྐྱེལ་དགོས་ཨང་།
BQTV
监 审：阿 旺
责 编：格桑扎拉
编 辑：次仁尼吉
来 源：西藏日报藏文媒体
邮箱:nqbqgdj@163.com
关注：巴青新闻
