يزرايل ارمياسى ليۆانعا جالعاستى شابۋىل جاسادى
ءوز حابارىمىز: يزرايل ارمياسى جەرگىلىكتى ۋاقىت 11-ايدىڭ 3 - كۇنى ليۆانعا جالعاستى اۋەدەن شابۋىل جاسادى جانە جەر بەتى اسكەري ارەكەتىن جۇرگىزدى، يزرايل ارمياسى اۋە شابۋىلىندا ليۆان ءتاڭىر پارتياسىنىڭ كوپتەگەن اسكەري قولباسشىسىن جانە ليۆاننىڭ وڭتۇستىگىندەگى جاقىن ارالىقتا جۇرگىزىلگەن شايقاستا ءتاڭىر پارتياسىنىڭ كوپتەگەن قارۋلىلارىن اتىپ ولتىرگەندىكتەرىن ايتتى. ليۆان جاق سول كۇنى ليۆاننىڭ شىعىس بولەگىندەگى قالانىڭ يزرايل ارمياسىنىڭ كوپ رەتكى شابۋىلىنا ۇشىراعاندىعىن ايتتى.
ليۆان 11-ايدىڭ 3-كۇنى يزرايلعا جالعاستى راكەتا بومبىسىن اتتى جانە ۇشقىشسىز ۇشاق ۇشىردى. يزرايل ارمياسىنىڭ ساناعىنا قاراعاندا، ليۆان ءتاڭىر پارتياسى يزرايلدىڭ سولتۇستىگىنە 100 دەن استام راكەتا بومبىسىن اتقان، ءولىم - ءجىتىم بولماعانىمەن، جەرگىلىكتى حاۋىپسىزدىك جاعدايعا اسا زور قاتەر توندىرگەن.
پالەستين جاقتىڭ حابارىنا قاراعاندا، 11-ايدىڭ 3-كۇنى كەشقۇرىمعا دەيىن يزرايل ارمياسىنىڭ گازانىڭ جەر - جەرىنە جاساعان شابۋىلىنان كەمىندە 31 ادام قازا بولعان، قازا بولعانداردىڭ تەڭ جارىمى سولتۇستىك رايوندا. يزرايل مەدياسى بىلاي دەپ حابارلادى: ەڭ جاڭا اقپارعا نەگىزدەلگەندە، حاماس قازىر گازا وڭىرىندە ءالى دە 101 تۇتقىندى قولدا ۇستاپ وتىر، الايدا وسى ادامداردىڭ 51 ىنىڭ عانا ءتىرى ەكەندىگى تۇراقتاندىرىلدى، قالعاندارى ءولدى دەپ قارالدى.
يراننىڭ زۇڭتۇڭى پەزەشكيان جەرگىلىكتى ۋاقىت 11-ايدىڭ 3-كۇنى كەشتە ۇكىمەتتىڭ بيلىك كەڭسە ماجىلىسىندە بىلاي دەدى: ا ق ش ـ تىڭ قولداۋىندا، يزرايل سوعىس ءورتىن وسى وڭىردە ۇزدىكسىز مازداتتى، يران ءوزىنىڭ يەلىك ۇقىعى مەن حاۋىپسىزدىگىنە قول سۇعاتىن ءارقانداي ارەكەتكە جول قويمايدى.
来源：中央广播电视总台
监制：叶力夏提
审稿：努尔波拉提
翻译：阿曼太
微信制作：巴特勒
