ۇكىمەت قىزمەتكەرلەرىن قابىلداۋدىڭ ءىشىنارا جاس شەكتەمەسى 40 جاسقا دەيىن كەڭەيتىلدى
2025-جىلعى ولكە دارەجەلى ورگاندارعا (ءىسورىندارعا) ۇكىمەت قىزمەتكەرلەرىن قابىلداۋ ەمتيحانىنا تىزىمدەلۋ قىزمەتى جالعاستى جۇرىلۋدە. 11-ايدىڭ 8-كۇنىنە دەيىن سىچۋان، شاڭحاي، جىجياڭ، شاندۇڭ، تيانجين، جياڭسۋ قاتارلى 6 ولكە 2025-جىلعى ولكە دارەجەلى ۇكىمەت قىزمەتكەرلەرىن قابىلداۋ ەمتيحانىنىڭ حابارلاندىرۋىن جاريالادى، 12-ايدىڭ 8-كۇنى الەۋمەتتىك ساباقتان جازباشا ەمتيحان الىنادى.
وسى كەزەكتى ولكە دارەجەلى ۇكىمەت قىزمەتكەرلەرىن قابىلداۋ ەمتيحانىندا كوپتەگەن ولكەلەر قابىلداۋ جوسپارىن جوعارى مەكتەپ بىتىرەتىن وقۋشىلار مەن نەگىزگى ساتىنىڭ ءبىرىنشى شەبىندەگى قىزمەتكەرلەرگە بەيىمدەدى. شاڭحاي، جىجياڭ، جياڭسۋ، شاندۇڭ قاتارلى ولكەلەر دە ءبىر ءبولىم قىزمەتكەر قابىلداۋ شارتتارىنىڭ جاس شەگىن 40 جاسقا دەيىن كەڭەيتەتىندىگىن ايقىندادى.
