碌曲县应急管理局
碌曲县公安局
2024年12月25日
2025ལོའི་ལོ་གསར་དུས་ཆེན་ལ་རྫོང་ཡོངས་ཀྱི་ཤོག་སྦག་བདེ་འཇགས་དོ་དམ་ལས་དོན་ལ་ཤུགས་བསྣན་ཏེ་ཤོག་སྦག་ཁྱབ་ཁོངས་ཀྱི་བདེ་འཇགས་ལ་སྔོན་འགོག་བྱེད་པ་དང་། མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ཡོང་བར་འགན་སྲུང་བྱས་ནས། ལོ་གསར་སྐབས་ཀྱི་བདེ་འཇགས་དུས་བབ་བརྟན་བརླིང་ཡོང་བར་འགན་ལེན་བྱེད་པར།《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་འཇགས་ཐོན་སྐྱེད་བཅའ་ཁྲིམས》དང་《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་འཇགས་དོ་དམ་གྱི་ཉེས་གཅོད་བཅའ་ཁྲིམས》《ཤོག་སྦག་བདེ་འཇགས་དོ་དམ་སྲོལ་ཡིག》《ཤོག་སྦག་ཚོང་གཉེར་ཆོག་བཀོད་ཀྱི་ལག་བསྟར་བྱེད་ཐབས》སོགས་འབྲེལ་ཡོད་བཅའ་ཁྲིམས་ཀྱི་གཏན་འབེབས་གཞིར་བཟུང་ནས་རང་རེའི་རྫོང་གི་དོན་དངོས་དང་ཟུང་འབྲེལ་བྱས་ཏེ་གཤམ་གྱི་འབྲེལ་ཡོད་དོན་ཚན་གྱི་བརྡ་ཁྱབ་འདི་བཏང་བ་ཡིན།
དང་པོ། ཤོག་སྦག་སིལ་ཚོང་གཉེར་མཁན་ཡིན་ཕྱིན། ཀླུ་ཆུ་རྫོང་གི་འཕྲལ་སྒྲུབ་དོ་དམ་ཅུས་ཀྱིས་དེའི་ཚོང་གཉེར་ཆ་རྐྱེན་ལ་ཞིབ་བཤེར་བྱས་ཏེ།《ཤོག་སྦག་ཚོང་གཉེར་（སིལ་འཚོང་）ཆོག་བཀོད་དཔང་ཡིག་》ཐོབ་སྤྲོད་བྱས་པ་ཡིན་ཞིང་།《ཤོག་སྦག་ཚོང་གཉེར་（སིལ་འཚོང་）ཆོག་བཀོད་དཔང་ཡིག་》དེ་འཚོང་ཁང་གྱང་ངོས་སུ་འགེལ་དགོས།ཚོན་ཁྲ་ཅན་གྱི་ཤོག་སྦག་ཚོང་གཉེར་ཆོག་བཀོད་དཔང་ཡིག་ཐོབ་མེད་པའི་སྡེ་ཚན་གང་དང་མི་སུ་ཞིག་ཡིན་རུང་ཤོག་སྦག་ཚོང་གཉེར་གྱི་བྱེད་སྒོ་སྤེལ་མི་ཆོག་པ་དང་། ཞིབ་མཆན་མ་ཐོབ་པར་རང་དགར་ནས་ཤོག་སྦག་སྡེབ་འཚོང་དང་སིལ་འཚོང་གཉེར་སྐྱོང་བྱེད་སྒོ་སྤེལ་པའི་རིགས་ལ། འཕྲལ་སྒྲུབ་དོ་དམ་སྡེ་ཁག་གིས་《ཤོག་སྦག་བདེ་འཇགས་དོ་དམ་སྲོལ་ཡིག་》གི་འབྲེལ་ཡོད་གཏན་འབེབས་ལྟར་ཁྲིམས་འགལ་ཚོང་གཉེར་བྱེད་སྒོ་བཀག་འགོག་བྱེད་པ་མ་ཟད།སྒོར་ཁྲི་གཉིས་ཡན་ནས་སྒོར་འབུམ་མན་གྱི་དངུལ་ཆད་གཅོད་པ་ལས།ཁྲིམས་འགལ་ཚོང་གཉེར་གྱི་ཚོང་ཟོག་དང་ཁྲིམས་འགལ་ཐོབ་ཆ་གཞུང་བཞེས་བྱ་རྒྱུ་ཡིན།
གཉིས་པ། རྫོང་ཡོངས་ཀྱི་ཁྱབ་ཁོངས་ནང་གི་ཤོག་སྦག་སིལ་འཚོང་དག་ནི་ཤོག་སྦག་ཚོང་གཉེར་ཆོག་བཀོད་་དཔང་ཡིག་ཡོད་པའི་ཆེད་འཚོང་ཚོང་ཁང་ཡིན་དགོས། “སྔུན་ཚོང་ཁང་དང་རྒྱབ་སྡོད་ཁང་ཡིན་”པ། “ཀླད་སྡོད་ཁང་དང་འོག་ཚོང་ཁང་ཡིན་”པ་གཏན་འགོག་བྱེད་པ་དང་། ཆོག་མཆན་མ་ཐོབ་པའམ་ཡང་ན་དཔང་ཡིག་གཅིག་གིས་སྲང་ལམ་གྱི་གང་ས་གང་དུ་ཚོང་གཉེར་བྱེད་པ། ད་དུང་དཔང་ཡིག་གི་ཆོག་མཆན་ལས་བརྒལ་བའི་གཉེར་སྐྱོང་། ཚད་ལས་བརྒལ་བའི་གསོག་ཉར།ཚོང་ཟོག་གི་ཡོང་ཁུངས་མི་དག་པ་སོགས་གཏན་འགོག་བྱེད་དགོས། གལ་ཏེ་གོང་གི་གཏན་འབེབས་དང་འགལ་ནས་ཚོང་གཉེར་བྱེད་པར། 《ཤོག་སྦག་ཚོང་གཉེར་ཆོག་བཀོད་ཀྱི་ལག་བསྟར་བྱེད་ཐབས》དང་《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་འཇགས་དོ་དམ་གྱི་ཉེས་གཅོད་བཅའ་ཁྲིམས་》སོགས་ཀྱི་འབྲེལ་ཡོད་གཏན་འབེབས་ལྟར་ཆད་པ་གཅོད་རྒྱུ་དང་། གནས་ཚུལ་ཚབས་ཆེན་ཡིན་ན། དེའི་ཚོང་གཉེར་ཆོག་བཀོད་དཔང་ཡིག་ཕྱིར་བསྡུ་བྱ་རྒྱུ་དང་། ཆོག་མཆན་མེད་པར་ཚོང་གཉེར་བྱེད་པའི་རིགས་ལ་ཁྲིམས་ལྟར་ཐག་གཅོད་བྱ་རྒྱུ་ཡིན།
གསུམ་པ། ཤོག་སྦག་དབོར་འདྲེན་བྱེད་པར་སྤྱི་བདེ་ལས་ཁུངས་ཀྱི་ཆོག་མཆན་ཐོབ་དགོས་པ་དང་། འབྲེལ་ཡོད་ཆོག་བཀོད་དཔང་ཡིག་མ་ཐོབ་པའི་སྡེ་ཚན་གང་དང་མི་སུ་ཞིག་གིས་ཀྱང་རང་དགར་ཤོག་སྦག་དབོར་འདྲེན་བྱེད་མི་ཆོག།ཆོག་མཆན་མ་ཐོབ་པར་ཤོག་སྦག་སྐྱེལ་འདྲེན་བྱས་པར་སྤྱི་བདེ་ལས་ཁུངས་ཀྱིས་ཁྲིམས་འགལ་གྱིས་སྐྱེལ་འདྲེན་བྱེད་སྒོ་སྤེལ་མཚམས་འཇོག་ཏུ་འཇུག་རྒྱུ་དང་། སྒོར་ཁྲི་གཅིག་ཡན་ནས་སྒོར་ཁྲི་ལྔ་མན་གྱི་དངུལ་ཆད་གཅོད་རྒྱུ་མ་ཟད། ཁྲིམས་འགལ་གྱིས་སྐྱེལ་འདྲེན་བྱ་རྒྱུའི་དངོས་རྫས་དང་ཁྲིམས་འགལ་གྱི་ཐོབ་ཆ་གཞུང་བཞེས་གཏོང་རྒྱུ་དང་། གནས་ཚུལ་ལ་གཞིགས་ནས་བདེ་འཇགས་ཉེས་དོན་གྱི་ཆད་པ་གཅོད་རྒྱུ་ཡིན།
བཞི་བ། ཤོག་སྦག་སྦར་བའི་བཀག་སྡོམ་གྱི་ས་ཁོངས་དང་ལས་ཡུལ།
1.ཏང་སྲིད་ལས་ཁུངས་དང་། རིག་དངོས་ཤུལ་བཞག་སྲུང་སྐྱོང་སྡེ་ཚན། སྨན་བཅོས་ལས་ཁུངས། སློབ་གྲྭ་ཆུང་འབྲིང་། རྒན་གསོ་ཁང་། ཁྲོམ་ར།ཡིག་ཚགས་ཁང་དང་། ལུས་རྩལ་ཁང་། སྤྱི་སྤྱོད་རོལ་རྩེད་ཁང་། ཚོང་འདུས་ཚོང་རའི་ཉེ་འཁོར་ས་ཁོངས། ནགས་རི་དང་རྩྭ་ས་སོགས་མེ་འགོག་གཙོ་གནད་ཁུལ།
2.རྫོང་མཁར་གྱི་གལ་ཆེ་བའི་འགྲིམ་འགྲུལ་གཞུང་ལམ་དང་། རླངས་འཁོར་འབབ་ཚུགས་དང་དེའི་ཉེ་འཁོར།
3.གློག་ཤུགས་སྐྱེལ་འདྲེན་།འཕྲིན་གཏོང་སྐུད་ལམ་དང་སོགས་དེའི་ཉེ་འཁོར།
4.འབར་སླ་བ་དང་གས་སླ་བའི་རྫས་འགྱུར་དངོས་རྫས་ཕྱིར་འཚོང་བྱེད་པའི་སྣུམ་སྣོན་ས་ཚིགས་དང་། རླངས་སྣོན་ས་ཚིགས། གཤེར་འགྱུར་རླངས་པའི་ས་ཚིགས་སོགས་ཀྱི་བདེ་འཇགས་སྲུང་སྐྱོང་ཁུལ་དང་དེའི་ཉེ་འཁོར།
5.ཐོག་བརྩེགས་འཛུགས་སྐྲུན་དང་ཨར་ལས་ས་ཁུལ་སོགས་གཙོ་གནད་གནས་དང་ཉེ་འཁོར།
6.བཅའ་ཁྲིམས་དང་། ཁྲིམས་སྲོལ། སྒྲིག་སྲོལ་བཅས་ཀྱི་གཏན་འབེབས་ལྟར་བཀག་སྡོམ་བྱས་པའི་ཤོག་སྦག་སྦར་བའི་ས་ཁོངས་གཞན་དག
7.རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གི་གཏན་འབེབས་ལྟར་བཀག་སྡོམ་བྱས་པའི་ཤོག་སྦག་སྦར་ས་གཞན་དག
ལྔ་བ། རྟེན་འབྲེལ་མཛད་སྒོ་དང་ལས་འགོ་བརྩམས་པ་སོགས་ཀྱི་དབང་གིས་ཤོག་སྦག་སྦར་བའི་བྱེད་སྒོ་ཆེ་གྲས་སྤེལ་དགོས་ན། བརྡ་ཁྱབ་ཀྱི་གཏན་འབེབས་ལས་གཞན། འབྲེལ་ཡོད་སྡེ་ཁག་གི་ལྟ་སྐུལ་དང་དོ་དམ་ལ་བརྩི་སྲུང་བྱ་དགོས།
དྲུག་པ། བཀག་འགོག་བྱེད་པའི་དུས་ཚོད་དང་ས་གནས་སུ་ཤོག་སྦག་སྦར་བའམ་ཡང་ན་སྤྱི་པའི་བདེ་འཇགས་དང་། མི་ལུས་དང་རྒྱུ་ནོར་བདེ་འཇགས་ལ་གནོད་འཚེ་གཏོང་བའི་བྱ་ཐབས་ལ་བརྟེན་ནས་ཤོག་སྦག་སྦར་བར།《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་འཇགས་དོ་དམ་གྱི་ཉེས་གཅོད་བཅའ་ཁྲིམས་》དང་《ཤོག་སྦག་བདེ་འཇགས་དོ་དམ་སྲོལ་ཡིག་》གི་གཏན་འབེབས་དོན་ཚན་དང་འགལ་ཚེ། སྤྱི་བདེ་ལས་ཁུངས་ཀྱིས་བཀག་འགོག་བྱ་རྒྱུ་དང་། ཁྲིམས་ལྟར་ཆད་པ་གཅོད་རྒྱུ། ཤོག་སྦག་སྦར་ནས་མེ་སྐྱོན་དང་འབར་གས་ཀྱི་དོན་རྐྱེན་སོགས་བྱུང་བའི་རྐྱེན་གྱིས་མི་ཤི་རྨས་དང་རྒྱུ་ནོར་ལ་གྱོང་གུན་བཟོས་པའི་རིགས་ལ་ཁྲིམས་ལྟར་ཉེས་ཁྲིམས་རྩད་འདེད་གཏོང་རྒྱུ་ཡིན།
བདུན་པ། སྡེ་ཚན་དང་། རྩ་འཛུགས། མི་སུ་ཞིག་ཡིན་རུང་ཚང་མས་སྤྱི་པའི་བདེ་འཇགས་ཀྱི་འདུ་ཤེས་དང་ཁྲིམས་སྐྱོང་འདུ་ཤེས་འཛིན་ཤུགས་ཆེ་རུ་བཏང་ནས་ཤོག་སྦག་བདེ་འཇགས་དོ་དམ་སྐོར་གྱི་འབྲེལ་ཡོད་གཏན་འབེབས་རང་རྟོགས་ངང་བརྩི་སྲུང་བྱེད་དགོས་པ་དང་། ཚད་ལྡན་གྱི་ཤོག་སྦག་ཕྱིར་འཚོང་བྱེད་དགོས། རྒྱ་ཆེའི་མི་དམངས་མང་ཚོགས་ཀྱིས་ཤོག་སྦག་སྦར་བའི་བཀག་སྡོམ་གཏན་འབེབས་བརྩི་སྲུང་བྱས་ཏེ་བརྡ་ཁྱབ་ལ་འགལ་བའི་བྱ་སྤྱོད་དེ་དག་ལ་བཀག་འགོག་བྱེད་པའི་འོས་འགན་ཡོད་པ་དང་འབྲེལ་ཡོད་སྡེ་ཁག་ལ་ཐེར་འདོན་ཞུ་གཏུགས་བྱ་དགོས།
བརྒྱད། བརྡ་ཁྱབ་འདི་ཁྱབ་བསྒྲགས་བྱས་པའི་ཉིན་ནས་བཟུང་ལག་བསྟར་བྱ་རྒྱུ་ཡིན།
主办|碌曲县融媒体中心
编辑|才让
审核|桑德加 华贡才让
总审核|李学明
投稿邮箱|284150986@qq.com
