جەر-جەر كوپ ءتۇرلى شارانى قاتار قولدانىپ، بيىل قىس پەن كەلەر جىلى كوكتەمدەگى كوكونىس زاپاس نەگىزىن بەكەمدەدى
ءوز حابارىمىز. جەر-جەر كوپ ءتۇرلى شارانى قاتار قولدانىپ، بيىل قىس پەن كەلەر جىلى كوكتەمدەگى كوكونىس زاپاس نەگىزىن بەكەمدەپ، كوكونىسپەن قامداۋدىڭ جەتكىلىكتى، باعانىڭ تۇراقتى بولۋىن قامتاماسىزداندىردى.
شاندۇڭ شوۋگۋاڭ سەميالىق ديقانشىلىق الاڭىنىڭ كوكتات پارنيگىندە ديقاندار چيەزى مايساسىن وتىرعىزۋ، توزاڭداندىرۋ مەن قاربالاس بولىپ جاتىر. ەگىس الاڭىنىڭ جاۋاپتىسى جىڭ جيڭچۇي بىلاي دەدى: كەزەكتە چيەزى، قيار، اشتى قيار سياقتى كوكونىستەردىڭ قاۋىرت ءونىم بەرەتىن مەزگىلى، ءار مۋ جەردەگى كوكونىس قالتقىسىنىڭ ءار كۇنگى كوكونىس ءونىم مولشەرى شامامەن 400 جىڭ بولادى. بيىل اۋا تەمپەراتۋراسى بىلتىرعىدان جالپى بەتتىك جوعارىراق بولدى، كوكونىستىڭ ءوسۋ جاعدايى وتە جاقسى، ءونىم مولشەرى بىلتىرعى ۇقساس مەزگىلدەگىدەن ءبىراز جوعارى بولادى.
بۇكىل ەلدەگى ەڭ ۇلكەن كوكونىس جيناۋ-جونەلتۋ ورتالىعى جانە زات اينالىمى ساۋدا ورتالىعىنىڭ ءبىرى رەتىندە، شوۋگۋاڭ بازاردى باقىلاۋ-تەكسەرۋدى جانە رەتتەۋ-مەڭگەرۋگە جەتەكشىلىك ەتۋدى كۇشەيتىپ، باقشا رايونىن، بازانى، كوكونىس ەگەتىن ديقانداردى ەگىس اتىزىن ۇيلەسىمدى ورنالاستىرۋعا جەتەكتەپ، كوكونىسپەن قامداۋدى قامتاماسىز ەتتى. شوۋگۋاڭ اۋىل شارۋاشىلىق ونىمدەرى زات اينالىمى باقشاسىنىڭ ورىنباسار باس ديرەكتورى گو ميڭچيان بىلاي دەدى: كوكونىس باعاسىنىڭ قىمباتتاۋ مولشەرى ءبىرشاما زور سورتتار جونىندە بازارداعى زات مولشەرى كوپ ارنامەن ارتتىرىلىپ، باعا ورنىقتىرىلادى. بوس تۇرعان قامبا، توڭازىتۋ قويماسى سياقتىلاردان پايدالانىپ، كوكونىس زاپاسىن ارتتىرىپ، ناشار اۋا رايى كەزىندە كوكونىسپەن قامداۋعا كەپىلدىك ەتىلەدى.
گانسۋ ولكەسى لانجوۋ قالاسى يۇيجۇڭ اۋدانىندا قىسقى، كوكتەمگى كوكونىستەردى ساقتاۋ كاسىپورنى ءتۇرلى كوكونىستەردى تۇرگە ايىرىپ 10 نەشە توڭازىتۋ قويماسىنا قويدى. كاسىپورىننىڭ جاۋاپتىسى لەي ميڭلياڭ بىلاي دەدى: ءتۇرلى شارالار قولدانىپ، كوكونىس ساپاسىنىڭ جاقسى بولۋىنا، بالعىن كۇيىندە ساقتالۋىنا كەپىلدىك ەتەمىز. كارتوپتىڭ ساقتالۋ ۋاقىتى ۇزاعىراق بولادى، بايساي ۋاعىندا توڭازىتىلادى.
قازىر لانجوۋ قالاسىنىڭ 2024-جىلدان 2025-جىلعا دەيىنگى 10 مىڭ توننا قىس جانە كوكتەمگى كوكونىستەرى تۇگەلدەي جينالىپ ساقتالدى. لانجوۋ قالالىق استىق جانە زات زاپاسى مەكەمەسى زات زاپاسى ءبولىمىنىڭ باستىعى حان ليڭجى بىلاي دەدى: قالا رايونىنداعى جان سانىنا قاراي ءار ادامعا 7 كۇندىك تۇتىنۋ مولشەرى بويىنشا قازىرگە دەيىن تۇگەلدەي قامباعا كىرگىزىلدى. كوكونىستىڭ زاپاس تۇرلەرى ونان ارى مولايىپ، بيىل 17 تۇرگە كوبەيىپ، قالا تۇرعىندارىنىڭ قىس، كوكتەم ماۋسىمىنداعى كوكونىس تۇتىنۋ قاجەتى قامتاماسىزداندىرىلدى.
قازىر جاسىل جاپىراقتى كوكونىستەردى جيناۋدىڭ شەشۋشى مەزگىلى، انحۇي ولكەسى حۋاڭشان قالاسى تۇنشي رايونى ليياڭ قالاشىعى شين-جياڭ قىستاعى كوكونىس بازاسىنىڭ جىلىجايىندا اس سۇتتىگەن، قىزىل بۇرىش قاتارلىلار ايتارلىقتاي جاقسى وسۋدە، جۇمىسشىلار تەرۋمەن، قوراپتاۋمەن قاربالاس. شين-جياڭ قىستاق تۇرعىندار كوميتەتىنىڭ قىزمەتكەرى حۋ مينحۇي بىلاي دەدى: بيىل ءبىزدىڭ شين-جياڭ كوكونىس بازاسىنداعى جاسىل جاپىراقتى كوكونىستىڭ ءونىم مولشەرى شامامەن ءار مۋ جەردە 1000 جىڭنان اسادى، قازىر جيناپ الىنۋدا، يوۋبيساي، بوساي قاتارلىلارمەن بازاردى قامداۋ قامتاماسىزداندىرىلادى.
حۋاڭشان قالاسى تۇنشي رايونى ءبىر تۇتاس جوسپارلاپ ورنالاستىرىپ، جيناۋ قىزمەتىن بەلسەنە جاقسى ىستەپ، بۇقارانىڭ كوكونىس تۇتىنۋىنا كەپىلدىك ەتتى. تۇنشي رايونى اۋىل شارۋاشىلىعى، اۋىل-قىستاق تەحنيكالىق قىزمەت وتەۋ ورتالىعىنىڭ اعا اگرونومى ۋاڭ شۇنشىڭ بىلاي دەدى: كوكونىستىڭ اۋدانى شامامەن 8000 مۋ اينالاسىندا، ونىڭ ۇستىنە ءتۇرى ءبىرشاما مول، نەگىزىنەن قامداۋعا كەپىلدىك ەتۋگە بولادى.
