شينجياڭنىڭ ءبىر ءبولىم وڭىرلەرىندە وسى ەكى كۇندە جالعاستى جاۋىن-شاشىندى اۋا رايى بولادى
11-ايدىڭ 2-كۇنى كۇندىزدەن تۇنگە دەيىن، قۇمىل قالاسىنىڭ سولتۇستىگىندەگى ءبىر ءبولىم رايونداردا جانە التاي ايماعىنىڭ سولتۇستىگىندەگى تاۋلى رايونداردىڭ ءىشىنارا وڭىرلەرىندە از جاڭبىر نەمەسە قار ارالاس جاڭبىر جاۋىپ، سوڭى قارعا اينالادى؛ شىعىس شينجياڭ جەل وتىندە 9 بال اينالاسىندا باتىس تەرىستىك جەلى سوعادى. بۇكىل شينجياڭنىڭ باسقا رايوندارىندا كۇن اشىق نەمەسە بۇلتتى بولادى، جەل كۇشى زور بولمايدى.
11-ايدىڭ 3-كۇنى كۇندىزدەن تۇنگە دەيىن، تارباعاتاي ايماعىنىڭ سولتۇستىگىندەگى تاۋلى رايوندار، التاي ايماعىنىڭ سولتۇستىگىندەگى ءبىر ءبولىم وڭىرلەردە از جاڭبىر نەمەسە قار ارالاس جاڭبىر جاۋىپ، سوڭى قارعا اينالادى. 11-ايدىڭ 3-كۇنى تۇندە، تارباعاتاي ايماعىنىڭ سولتۇستىگى، التاي ايماعىنىڭ باتىسى، ءۇرىمجى قالاسى، سانجى وبلىسىنىڭ شىعىسى، قۇمىل قالاسىنىڭ سولتۇستىگى قاتارلى جەرلەردىڭ ءبىر ءبولىم وڭىرلەرىندە 5~6 بال اينالاسىندا قيىس شىعىس جەلى سوعادى، وسى جەرلەردىڭ ىشىندە تارباعاتاي ايماعىنىڭ سارعۇسىن جەل وتىندە، مايتاس جەل الابىندا، التاي ايماعىنىڭ نوقاي جەل الابىندا، ءۇرىمجى قالاسىنىڭ ۇلانباي جانە حۇڭيانچى جەل وتىندە جەل كۇشى 9 بال اينالاسىندا. بۇكىل شينجياڭنىڭ باسقا رايوندارىندا كۇن اشىق نەمەسە بۇلتتى بولادى، جەل كۇشى زور بولمايدى.
