ەلىمىزدىڭ ەنەرگيا زاڭى كەلەر جىلى 1-ايدان باستاپ اتقارىلادى
11-ايدىڭ 8-كۇنى 14-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 12-ءماجىلىسى «جۇڭحۋا حالىق رەسپۋبليكاسىنىڭ ەنەرگيا زاڭىن» داۋىسقا سالىپ ماقۇلدادى. زاڭ 2025-جىلى 1-ايدىڭ 1-كۇنىنەن باستاپ اتقارىلادى.
ەنەرگيا زاڭىندا بىلاي دەپ بەلگىلەنگەن: ەنەرگيانىڭ جوعارى ساپالى دامۋىن ىلگەرىلەتىپ، مەملەكەتتىڭ ەنەرگيا حاۋىپسىزدىگىن قامتاماسىزداندىرىپ، ەكونوميكانىڭ، قوعامنىڭ جاسىل، تومەن كومىر قىشقىل گازدى تيپ جاڭالاۋىن جانە باياندى دامۋىن جەبەپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋدى بەلسەندى، ورنىقتى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ قاجەتىنە ۇيلەسۋ ءۇشىن، نەگىزگى زاڭعا ساي، ەنەرگيا زاڭى جاسالدى.
ەنەرگيا زاڭى ەلىمىزدىڭ ەنەرگيا بايلىعىنىڭ ءىس جۇزىندىگىن تياناق ەتىپ، ەنەرگيا دامۋىنىڭ جاڭا جاعدايىنا سايكەسىپ، ەنەرگيا سالاسىنداعى نەگىزدىك، كەلەلى ماسەلەلەر جونىندە زاڭ تۇرعىسىنان بەلگىلەمە شىعاردى، ول ەنەرگيا سالاسىنداعى نەگىزدىك، جەتەكشىلىك سيپاتتى زاڭ ەسەپتەلەدى.
