وسى اپتادا شينجياڭنىڭ كوپ جەرلەرىندە جاڭبىر نەمەسە قار جاۋادى
11-ايدىڭ 11-كۇنىنەن 17-كۇنىنە دەيىن، بۇكىل شينجياڭنىڭ كوپ جەرىندە جاڭبىر نەمەسە قار جاۋادى، مۇندا تارباعاتاي ايماعىنىڭ سولتۇستىگىندەگى تاۋلى رايونداردا، التاي ايماعىنىڭ تاۋلى رايوندارىندا ءۇرتىس قار جاۋادى، ءىشىنارا جەرلەردە قالىڭ قار نەمەسە ەرەكشە قالىڭ قار جاۋادى، قار جاۋۋ مولشەرى مول بولادى، بۇل ساياحات پەن قاتىناسقا ءتيىمسىز ىقپال جاسايدى، قاتىستى تاراۋلار ساقتىقتى كۇشەيتۋى قاجەت.
مەجەمەن 11-ايدىڭ 11-كۇنى كۇندىزدەن 12-كۇنى تۇنگە دەيىن، تارباعاتاي ايماعىنىڭ سولتۇستىگىندە، التاي ايماعىندا جانە ىلە وزەنى اڭعارىنداعى تاۋلى رايونداردىڭ ءىشىنارا وڭىرلەرىندە جاڭبىر ارالاس قار نەمەسە قار جاۋادى، مۇندا تارباعاتاي ايماعىنىڭ سولتۇستىگىندە، التاي ايماعىنىڭ سولتۇستىك بولەگى مەن شىعىس بولەگىندەگى ءىشىنارا وڭىرلەردە ورتاشا نەمەسە قالىڭ قار جاۋادى، تاۋلى وڭىرلەردىڭ ءىشىنارا جەرلەرىندە قالىڭ قار نەمەسە ەرەكشە قالىڭ قار جاۋادى؛ 11-ايدىڭ 13-كۇنى كۇندىزدەن 15-كۇنى كۇندىزگە دەيىن، سولتۇستىك شينجياڭنىڭ كوپ بولەگى مەن وڭتۇستىك شينجياڭنىڭ باتىسنداعى تاۋلى وڭىرلەر، قۇمىل قالاسىنىڭ سولتۇستىگى سياقتى جەرلەردىڭ ءىشىنارا وڭىرلەرىندە جاڭبىر ارالاس قار نەمەسە قار جاۋادى، مۇندا سولتۇستىك شينجياڭنىڭ باتىس بولەگى مەن سولتۇستىك بولەگىندەگى ءىشىنارا وڭىرلەردە ورتاشا نەمەسە قالىڭ قار جاۋادى، ىلە وزەنى اڭعارىنداعى تاۋلى وڭىرلەر، بۇراتالا موڭعۇل اۆتونوميالى وبلىسىنىڭ تاۋلى وڭىرلەرى، التاي ايماعىنىڭ شىعىسىنداعى تاۋلى وڭىرلەر سياقتى جەرلەردىڭ ءىشىنارا وڭىرلەرىندە قالىڭ قار جاۋادى؛ سولتۇستىك شينجياڭنىڭ كوپ بولەگىندە، شىعىس شينجياڭدا 6 بال اينالاسىندا باتىس تەرىستىك جەلى سوعادى، جەل وتتەرىندە جەل كۇشى 10-11 بالعا جەتەدى؛ 11-ايدىڭ 16-كۇنىنەن 17-كۇنىنە دەيىن ىلە وزەنى اڭعارى، وڭتۇستىك شينجياڭنىڭ باتىسى سياقتى جەرلەردىڭ ءىشىنارا وڭىرلەرىندە جاڭبىر نەمەسە قار جاۋادى، تاۋلى رايونداردىڭ ءىشىنارا جەرلەرىندە ورتاشا نەمەسە قالىڭ قار جاۋادى.
