WXRedian | 中央广播电视总台哈萨克语 | شي جينپيڭ برازيليالىق دوس قايراتكەرلەرگە جاۋاپ حات قايتاردى

شي جينپيڭ برازيليالىق دوس قايراتكەرلەرگە جاۋاپ حات قايتاردى

时事 2024-11-12 10:21 北京

شي جينپيڭ برازيليالىق دوس قايراتكەرلەرگە جاۋاپ حات قايتاردى

ءوز حابارىمىز. مەملەكەت ءتوراعاسى شي جينپيڭ تاياۋدا برازيلياداعى ءار سالا دوس قايراتكەرلەرگە جاۋاپ حات قايتارىپ، ولاردى جۇڭگو –برازيليا دوستىق ىستەرىنە جالعاستى ۇلەس قوسۋعا شابىتتاندىردى.

شي جينپيڭ بىلاي دەپ انىق ايتتى: جۇڭگو مەن برازيليانىڭ دوستىق ىستەرىنىڭ ۇرپاقتان-ۇرپاققا جالعاسىپ كەلە جاتقانىن، ءىزباسارلارىنىڭ بار ەكەنىن كورىپ ەرەسەن قۋانۋدامىن. ديپلوماتيالىق قاتىناس ورناتقان 50 جىلدان بەرى، جۇڭگو مەن برازيليا قول ۇستاسا بىرگە ىلگەرىلەپ، بەينەت پەن زەينەتتى بىرگە وتكەرىپ، اسقار تاۋ-شالقار مۇحيتتاردى القىعان ابزال دوستارعا اينالدى. جۇڭگو برازيليامەن بىرلىكتە ەكى ەل دوستىعىنىڭ داۋىرلىك ءمانىن ۇزدىكسىز بايىتىپ، جۇڭگو-برازيليا قاتىناسىن وركەندەپ كەلە جاتقان ءىرى ەلدەردىڭ ىنتىماقتاسا سەلبەسۋىنىڭ، بىرلىكتە دامۋىنىڭ، ءوزارا پايدا جەتكىزە ورتاق يگىلىكتەنۋىنىڭ ۇلگىسىنە اينالدىرىپ، ادامزاتتىڭ بەيبىتشىلىگى مەن العا باسۋ ىستەرىنە اناعۇرلىم زور ۇلەس قوسۋدى قالايدى. برازيليالىق دوستاردىڭ جۇڭگوعا كەلىپ ارالاپ كورۋىن، جۇڭگو ۇلگىسىندەگى وسىزامانداندىرۋدىڭ الۋان ءارىن تىكەلەي سەزىنۋىن قارسى الامىز. ەكى ەلدىڭ ءار سالا قايراتكەرلەرىنىڭ جۇڭگو-برازيليا قاتىناسىنىڭ ۇزدىكسىز دامۋىن ىلگەرىلەتۋدە بەلسەندى رول اتقارىپ، جۇڭگو-برازيليا دوستىعىنىڭ چاڭجياڭ وزەنى مەن امازونكا وزەنى سياقتى جوڭكىلە اعۋىنا دەم بەرۋىن ءۇمىت ەتەمىن.

تاياۋدا برازيليا سان پاۋلو شىتاتى كانپيناس قالاسى باستىعىنىڭ بۇرىنعى ورىنباسارى ەنريك تەسىللا، برازيليا جۇڭگو دوستىق قوعامىنداعىلار، برازيليا سان پاۋلو داشۋەسى جانە سان پاۋلو شتاتتىق داشۋەنىڭ وقىتۋشى وقۋشىلارى، ريو كوپاكابانا قامالى وركەسترى قاتارلى ورىندارداعى جۇزدەن ارتىق برازيليالىق دوس قايراتكەر جەكە-جەكە ءتوراعا شي جينپيڭگە حات جولداپ، جۇڭگو ۇكىمەتىنىڭ، كاسىپورىندارىنىڭ جانە جوعارى مەكتەپتەرىنىڭ برازيليا مەن جۇڭگونىڭ دوستىق اۋىس-كۇيىسىنە جانە جەرلىك ورىننىڭ حالىق تۇرمىسىن جاقسارتۋىنا ۇلەس قوسقاندىعىنا العىس ايتتى.

来源：中央广播电视总台

监制：叶力夏提

审稿：库兰

翻译：哈那提别克

微信制作：达吾力

中央广播电视总台哈萨克语

中国哈萨克语广播网（www.kazakcnr.cn）是中央广播电视总台民族语言节目中心主办的国内最权威的哈萨克语新闻网。