رەسەي مەملەكەتتىك تەحنيكا توبى رەسەي ارمياسىنا جاڭا توپتاعى سوعىس ايروپلانىن تاپسىردى، زەلەنسكي شەتەل مانساپتىلارىمەن كەزدەسىپ، ۋكرايناعا كومەك بەرۋ سياقتى ماسەلەلەر جونىندە كەڭەس وتكىزدى
ءوز حابارىمىز. رەسەي مەملەكەت قورعانىس مينيسترلىگى 11-ايدىڭ 11-كۇنى ۋكراينانىڭ 96 ۇشقىشسىز ايروپلانىن اتىپ تۇسىرگەنىن جانە توسقانىن ايتتى. ۋكراينا جاق رەسەي ارمياسىنىڭ ۋكراينا شەكاراسى ىشىنە شابۋىلداۋ سيپاتتى 145 ۇشقىشسىز ايروپلان جىبەرگەندىگىن ايتتى.
رەسەي مەملەكەتتىك تەحنيكا توبى 11-ايدىڭ 11-كۇنى رەسەي ارمياسىنا سوۆەت-57 تۇرپاتتى سوعىس ايروپلانى مەن سوۆەت-35S تۇرپاتتى سوعىس ايروپلانىن تاپسىردى، -دەدى. سوۆەت-57 تۇرپاتتى سوعىس ايروپلانى قازىرگى بىردەن-ءبىر ناقتى سوعىس شارت-جاعدايىندا ءوزىنىڭ تۇتقيىل قورعانۋ قۋاتىن دالەلدەگەن 5-ۇرپاق سوعىس ايروپلانى.
رەسەي زۇڭتۇڭىنىڭ كومەكشىسى 11-ايدىڭ 11-كۇنى بىلاي دەدى: اق ش پەن انگليا «سەبەرني» تابيعي گاز قۇبىرىن ويراندايتىن تەررورلىق شابۋىل قوزعاۋى مۇمكىن. حابارعا قاراعاندا، ا ق ش پەن انگليا «سەبەرني» قۇبىرىن ءبۇلدىرۋ ارەكەتىن وزدەرىنىڭ ەكونوميكالىق مۇددەسىن ىلگەرىلەتۋ شاراسى دەپ قاراعان.
ۋكراينانىڭ زۇڭتۇڭى زەلەنسكي 11-ايدىڭ 11-كۇنى بىلاي دەدى: ەڭ جوعارى قولباسشىلىق شتابىنىڭ ءماجىلىسىن اشىپ، ۋكراينانىڭ اۋە شابۋىلىنان قورعانۋ قۋاتىن كۇشەيتۋ، سونداي-اق رەسەيدىڭ باسقارىلمالى بومبىسىنىڭ سوققىسىنا توتەپ بەرۋ جونىندەگى باياندامانى تىڭدادىم ءارى نىساناداعى ءتۇيىندى وڭىرلەردە جىلجىمالى وت كۇشى گرۋپپاسىنىڭ سانىن ارتتىرۋدى ۇيعاردىم. زەلەنسكي سول كۇنى تاعى ەۆروپا وداعىنىڭ سىرتقى ىستەر جانە حاۋىپسىزدىك ساياساتىنىڭ جوعارى دارەجەلى ۋاكىلدەرىمەن كەزدەستى، ەكى جاق نەگىزىنەن ۋكراينا مەن ەۆروپا وداعىنىڭ ىشكەرلەي سەلبەسۋى، ۋكرايناعا اسكەري كومەكتى ارتتىرۋ سياقتى ماسەلەلەر جونىندە تالقى وتكىزدى.
ۋكراينا مەملەكەت قورعانىس مينيسترلىگى سول كۇنى بىلاي دەدى: ۋكراينا مەن دانيا قارۋ-جاراق ساتىپ الۋعا قاتىستى كوپ ءتۇرلى كەلىسىمگە قول قويدى. دانيا ۋكراينادان زەڭبىرەك، ۇشقىشسىز ايروپلان جانە باسقارىلمالى بومبى سياقتىلاردى ساتىپ الادى. بۇل دانيانىڭ ۋكراينانى قولداۋ ءتاسىلىنىڭ قارۋ-جاراق تارتۋ ەتۋدەن ۋكراينانىڭ ءوز جەرىندەگى اسكەري ونەركاسىپ وندىرىسىنە قارجىلاي كومەك بەرۋگە وزگەرگەندىگىنەن دەرەك بەرەدى.
