移民不是容易的事，生活壓力大，自然爭拗多，不少移英夫妻搞到離婚收場！有移英人妻在網上發文求救話，因為同老公離婚搬走咗，手頭得返600鎊，擔心完租後唔知點算好喎。
該名人妻在fb群組「香港人移民英國資訊分享」發文表示，老公用她的BNO護照申請了spouse visa（配偶移民簽證）後，兩人便移民到英國。好景不長，兩人最終決定離婚，但人妻指自己對所有移民事宜都唔清唔楚，「我所有文件都係佢幫我搞，我依家搬走咗，手頭得返600鎊，一個月後完租。依而應該點做好？」
人妻表示，現時已知自己有NI number（英國的保險號碼），但拎唔到share code。share code是在英國找工作、租房、申請駕駛執照或者NI等時，提供來證明申請人的簽證狀態及其簽證在英國所擁有的權利及福利。
不少網民都出謀獻策，「情況危急，快快搵親朋戚友借錢，冇就返香港」、「得返600就唔好亂洗，買機票走。用埋就走唔到」、「600應該夠買機票返香港」、「如果你咁嘅情況，我真係建議你返香港先，橫掂都有180日off shore，從長計議la，好過你揸住600鎊，做到啲咩」。
另有網民建議人妻搵工解燃眉之急，「重點應該係盡快攞番個share code搵工，其他手續嘢可以慢慢攪」、「一係想辦法在英國搵錢，若搞唔掂就即走」、「有工返緊嗎？600鎊喺英國冇生活援助真係冇可能！你個情況令人擔心」。人妻好徬徨地回應，「搵錢好難，不過比做人易」，並反問網民：「有冇工作介紹啊」。
（原文來源：點新聞）
(圖片轉自網絡)
覺得不錯，就點「在看」哦! ! ↓ ↓
