སྐབས་བཅུ་གསུམ་པའི་རྫོང་ཨུ་ཡིས་སྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་གཏོང་བའི་ཨུ་ལྷན་གྱིས་ཚོགས་འདུ་ཐེངས་དྲུག་པ་འཚོགས་པ།
ཟླ་༡༡ཚེས་༡༡ཉིན་སྐབས་བཅུ་གསུམ་པའི་རྫོང་ཨུ་ཡིས་སྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་གཏོང་བའི་ཨུ་ལྷན་གྱིས་ཚོགས་འདུ་ཐེངས་དྲུག་པ།རྫོང་ཨུའི་ཧྲུའུ་ཅི།རྫོང་ཨུའི་སྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་གཏོང་བའི་ཨུ་ལྷན་གྱི་ཀྲུའུ་རེན་བཀྲ་རྡོ་ཡིས་ཚོགས་འདུའི་གཙོ་སྐྱོང་གནང་བ་མ་ཟད་གསུང་བཤད་ཀྱང་གནང་བ།ཁོང་གིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དང་སྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་།ཞིང་ཨུ་དང་ཁུལ་ཨུའི་སྒྱུར་བཅོས་བཀོད་སྒྲིག་གི་བླང་བྱ་དོན་འཁྱོལ་ནན་ཏན་བྱེད་པ།འཕེལ་རྒྱས་ཀྱི་དགོས་མཁོ་དང་།སྒྱུར་བཅོས་ཀྱི་དཀའ་ངལ།གཞི་རིམ་གྱི་རེ་སྒུག དམངས་སེམས་ཀྱི་གཏད་ཕྱོགས་བཅས་དང་གནད་ལ་འཁེལ་བའི་ངང་འབྲེལ་མཐུད་བྱེད་པ།སྒྱུར་བཅོས་ཀྱི་བྱ་ཐབས་ཁག་གོ་རིམ་ལྡན་པའི་ངང་དོན་འཁྱོལ་དང་ཕན་འབྲས་ཐོན་རྒྱུར་སྐུལ་འདེད་ཏན་ཏིག་གཏོང་བ་བཅས་བྱས་ནས་སྒྱུར་བཅོས་ཀྱི་བྱ་ཐབས་ཁག་དོན་ཐོག་ཏུ་འཁྱོལ་བ་དང་ཕན་འབྲས་ཐོན་རྒྱུར་སྐུལ་འདེད།སྟོབས་ཤུགས་ཡོད་རྒུས“དཀར་མཛེས་ཀྱི་ལྟེ་བའི་ས་ཁུལ”ཡག་པོ་བསྐྲུན་ཆེད་མུ་མཐུད་སྒུལ་ཤུགས་ཆེན་པོ་བསྣན་པ།
རྫོང་ཨུའི་ཧྲུའུ་ཅི་གཞོན་པ།རྫོང་ཨུའི་སྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་གཏོང་བའི་ཨུ་ལྷན་གྱི་ཀྲུའུ་རེན་གཞོན་པ་ཞུས་ཧྥང་ཚོགས་འདུར་ཞུགས་པ།
ཚོགས་འདུའི་ཐོག་ཀྲུང་དབྱང་དང་།ཞིང་ཨུ།ཁུལ་ཨུ་སྒྱུར་བཅོས་ཨུ་ལྷན་བཅས་ཀྱི་འབྲེལ་ཡོད་ཚོགས་འདུའི་དགོངས་དོན་བརྒྱུད་བསྒྲགས།བསྒྱུར་བཅོས་ཆེད་དམིགས་ཚོ་ཆུང་ཁག་གི་ལས་ཀར་སྐུལ་འདེད་བཏང་ཚུལ་གྱི་སྙན་ཞུ་ཉན་པ་དང་འབྲེལ་ཡོད་བསྒྱུར་བཅོས་འཆར་གཞིར་གྲོས་ཞིབ་བྱས་ནས་གྲོས་འཆམ་བྱུང་ཡོད།
ཚོགས་འདུའི་ཐོག་བསྟན་དོན།ཆབ་སྲིད་ཀྱི་གནས་བབ་མཐོ་རུ་བཏང་ནས་བློ་བརྟན་འགྱུར་མེད་ངང་སྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་གཏོང་བའི་ཕྱོགས་སུ་ཁྲིད་སྟོན་བྱེད་དགོས།བསམ་བློ་དང་བྱ་སྤྱོད་གཉིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་དང་།ཞིང་ཆེན་ཨུ་ལྷན།ཁུལ་ཨུའི་ཚང་འཛོམས་གྲོས་ཚོགས་བཅས་ཀྱི་དགོངས་དོན་ཐོག་ཏུ་གཅིག་གྱུར་ཏན་ཏིག་བྱས་ཏེ།བསྒྱུར་བཅོས་ཁྱོན་ཡོངས་ནས་ཟབ་སྤེལ་བྱེད་པའི་ཆབ་སྲིད་ཀྱི་རང་རྟོགས་དང་།བསམ་བློའི་རང་རྟོགས།བྱ་སྤྱོད་ཀྱི་རང་རྟོགས་བཅས་སྔར་བས་ཇེ་ཆེར་གཏོང་དགོས།ཚོང་གཉེར་ཁོར་ཡུག་ལེགས་སུ་གཏོང་བ་དང་།དེང་རབས་ཅན་གྱི་ཐོན་ལས་མ་ལག་འཛུགས་པ།དམངས་གཉེར་དཔལ་འབྱོར་འཕེལ་རྒྱས་ལ་སྐུལ་འདེད་གཏོང་བ།ཕྱོགས་ཡོངས་ནས་ཏང་ནན་པོས་སྐྱོང་བར་སྐུལ་འདེད་གཏོང་བ་སོགས་ཀྱི་ཐད་བློ་ཁོག་ཆེན་པོས་ཚོད་ལྟ་དང་།བློ་ཁོག་ཆེན་པོས་མདུན་སྐྱོད།རང་བརྟེན་སྒྱུར་བཅོས་བཅས་བྱེད་དགོས།“དཀར་མཛེས་ལྟེ་ཁུལ”གྱི་སྤྱིའི་དམིགས་ཚད་དང་རྫོང་ཁོངས་དཔལ་འབྱོར་སྤུས་ཚད་མཐོ་བའི་ངང་འཕེལ་རྒྱས་གཏོང་བའི་ལས་འགན་ལ་དམ་པོར་དམིགས་ཏེ་ཁྱོན་ཡོངས་ནས་སྒྱུར་བཅོས་གཏིང་ཟབ་ཏུ་གཏོང་བའི་རྩ་དོན་གལ་ཆེན་དང་།དམིགས་ཚད་བླང་བྱ།གཙོ་གནད་ལས་འགན་བཅས་ལ་གོ་བ་གཏིང་ཟབ་ལེན་པ་དང་ཁོང་དུ་ཆུད་པ་བྱས་ནས་ཉག་རོང་གི་སྒྱུར་བཅོས་འཕེལ་རྒྱས་ལ་འཕྲད་པའི་འགལ་བ་གཙོ་བོ་གནད་ལ་འཁེལ་པོས་འཚོལ་བ་དང་སྒྱུར་བཅོས་ཀྱི་བྱ་ཐབས་ཁག་མཐུན་སྦྱོར་ལེ་ལག་ཚང་སྒྲིག་ཡོང་རྒྱུར་ཤུགས་སྣོན་བརྒྱབ་སྟེ་ཁྱོན་ཡོངས་ནས་སྒྱུར་བཅོས་གཏིང་ཟབ་ཏུ་གཏོང་བའི་ལས་དོན་བརྟན་པོའི་ངང་སྤེལ་རྒྱུར་ནུས་ཤུགས་ཡོད་རྒུས་སྐུལ་འདེད་གཏོང་དགོས།
ཚོགས་འདུའི་ཐོག་བླང་བྱ་བཏོན་དོན།བརྒྱུད་རིམ་ལྡན་པའི་འདུ་ཤེས་མཐའ་འཁྱོངས་ཀྱིས་གཙོ་གནད་ཁྱབ་ཁོངས་ལ་དམིགས་ནས་སྒྱུར་བཅོས་ལས་འགན་སྒྲིག་འཛུགས་ལག་བསྟར་བྱ་རྒྱུར་ནུས་ཤུགས་ཡོད་རྒུས་དམ་འཛིན་ཡག་པོ་བྱེད་དགོས། “དབང་ཆ་གཤམ་སྤྲོད་དང་།དོ་དམ།ཞབས་ཞུ”བཅས་ཀྱི་སྒྱུར་བཅོས་གཏིང་ཟབ་ཏུ་གཏོང་བ་དང་། ཚོང་གཉེར་ཁོར་ཡུག་མུ་མཐུད་ལེགས་སུ་གཏོང་བ། “ལས་དོན་གཅིག་ནུས་ཆེའི་ངང་བསྒྲུབ་རྒྱུའི”སྒྱུར་བཅོས་དོན་འཁྱོལ་གཏིང་ཟབ་བྱེད་པ།སྲིད་དོན་ཞབས་ཞུའི་ཕྱོགས་བསྡུས་སྐར་ཁུང་སྒྱུར་བཅོས་ལ་མུ་མཐུད་སྐུལ་འདེད་གཏོང་བ།སྲིད་འཛིན་ཆོག་འཐུས་དོན་ཚན་གྱི“རྩིས་ཐོ་གཅིག རི་མོ་གཅིག རེའུ་མིག་གཅིག”གི་དོ་དམ་བྱེད་སྟངས་རྒྱ་སྐྱེད་དང་བེད་སྤྱོད་གཏོང་བ།སྲིད་འཛིན་ཞིབ་མཆན་འགོད་པའི་ལམ་ལུགས་སྒྱུར་བཅོས་ལ་སྐུལ་འདེད་གཏིང་ཟབ་གཏོང་བ་བཅས་བྱས་ནས་ཁེ་ལས་གཉེར་བའི་དུས་ཚོད་རྒྱུན་མཐུད་ངང་ཉུང་དུ་གཏོང་དགོས་པའི་ནན་བཤད་གནང་བ་རེད།ཞིང་ལས་དང་གྲོང་གསེབ་ཀྱི་སྒྱུར་བཅོས་ལ་དམིགས་ནས་གྲོང་གསེབ་དར་རྒྱས་ལ་ཁྱོན་ཡོངས་ནས་སྐུལ་འདེད་གཏོང་བ་དང་།ཞིང་འབྲོག་ཐོན་ལས་ཁུལ་འཛུགས་སྐྲུན་རྒྱུན་མཐུད་ངང་གཏིང་ཟབ་ཏུ་གཏོང་དགོས།དབུལ་ཕོངས་བསྐྱར་ལོག་སྔོན་འགོག་གི་ལྟ་ཞིབ་ཚད་ལེན་དང་རོགས་སྐྱོར་ལས་ཀ་རྒྱུན་རྣམ་ཅན་དུ་འགྱུར་བར་བྱས་ཏེ།གཞི་ཁྱོན་ཅན་གྱི་དབུལ་ཕོངས་བསྐྱར་ལོག་མི་ཡོང་བའི་མ་མཐའི་ཚད་ཐིག་མཐའ་གཅིག་ཏུ་བརྟན་སྲུང་བྱེད་དགོས།“བརྒྱ་གཉིས་ལས་གྲྭའི”དཔེ་སྟོན་གྲོང་ཚོ་འཛུགས་སྐྲུན་ལ་སྐུལ་འདེད་ཤུགས་ཆེན་བཏང་ནས་གྲོང་གསེབ་ཀྱི་མི་སྡོད་ཁོར་ཡུག་རྒྱུན་ཆད་མེད་པར་ལེགས་སུ་གཏོང་དགོས།གྲོང་གསེབ་ཀྱི་འགན་གཙང་ས་ཞིང་གི“དབང་གསུམ་ལོགས་དབྱེའི”སྒྱུར་བཅོས་གཏིང་ཟབ་ཏུ་བཏང་ནས་རྨོ་ཞིང་གི“ཞིང་མིན་ཅན”དང“འབྲུ་མིན་ཅན”བཀག་འགོག་མཐའ་གཅིག་ཏུ་བྱེད་དགོས།སྣོད་བཅུད་སྲུང་སྐྱོང་སྔོན་ལ་བྱེད་པའི་འཐབ་ཇུས་དོན་འཁྱོལ་བྱས་ཏེ་ལྗང་མདོག་འཕེལ་རྒྱས་ལ་སྐུལ་འདེད་གཏོང་བ་དང་།རི་ཆུ་ནགས་ཞིང་མཚེའུ་རྩྭ་བཅས་གཞི་གཅིག་ཅན་གྱི་སྲུང་སྐྱོང་དང་མ་ལག་བཅོས་སྐྱོང་ལ་སྤྱི་འདོམས་བྱེད་པ།མཁའ་རླུང་སྦགས་བཙོག་གི་འབྱུང་ཁུངས་དོ་དམ་ཚོད་འཛིན་དང་བཅོས་སྐྱོང་ལ་རྒྱུན་རྣམ་ཅན་གྱི་སྐུལ་འདེད་གཏོང་བ།“ས་ཁོངས་ཧྲིལ་པོར་གད་སྙིགས་མེད་པའི”བྱ་སྤྱོད་རྒྱུན་མཐུད་ངང་གཏིང་ཟབ་ཏུ་གཏོང་བ།གཙང་པོར་འཛུལ་བའི་བཙོག་འབུད་མདོ་ཁ་བཅོས་སྒྲིག་གི“ཕྱིར་མིག་ལྟ་བ”དང་ཚད་ལྡན་ཅན་གྱི་འཛུགས་སྐྲུན་ལ་སྐུལ་འདེད་ཏན་ཏིག་གཏོང་བ།ཀྲུང་དབྱང་དང་ཞིང་ཆེན་རིམ་པའི་ཁོར་ཡུག་སྲུང་སྐྱོང་ལྟ་ཞིབ་སོགས་ཀྱི་ཚུར་ལན་གནད་དོན་བཅོས་སྒྲིག་ལས་དོན་རྒྱུན་མཐུད་ངང་ཡག་པོ་སྒྲུབ་པ་བཅས་བྱེད་དགོས།གཙོ་གནད་ཁྱབ་ཁོངས་ཀྱི་སྒྱུར་བཅོས་རྒྱུན་མཐུད་ངང་གཏིང་ཟབ་ཏུ་གཏོང་བ་དང་གཞུང་ཁོངས་རྒྱུ་ནོར་དང་གཞུང་ཁོངས་ཁེ་ལས་སྒྱུར་བཅོས་ཀྱི་འགག་རྩ་དམ་འཛིན་བྱས་ཏེ་ཏང་གིས་གཞུང་ཁོངས་ཁེ་ལས་ལ་འགོ་ཁྲིད་བྱ་རྒྱུར་ཤུགས་སྣོན་རྒྱག་པ་དང་ལེགས་སུ་གཏོང་བ་དང་།ཁྲིམས་མིའི་བཅོས་སྐྱོང་གྲུབ་ཆ་འཐུས་ཚང་དུ་གཏོང་བ།རྫོང་ཁོངས་གཏོགས་གཞུང་ཁོངས་ཁེ་ལས་ཀྱི་སྒྱུར་བཅོས་གཏིང་ཟབ་དང་བསྐྱར་སྒྲིག་བསྡུ་སྒྲིལ་ལ་གོ་རིམ་ལྡན་པའི་ངང་སྐུལ་འདེད་གཏོང་བ་བཅས་བྱས་ཏེ་གཞུང་ཁོངས་མ་རྩ་དང་གཞུང་ཁོངས་ཁེ་ལས་ཀྱི་རྒྱུ་ནོར་རྒྱ་སྟོབས་ཆེ་རུ་འགྲོ་རྒྱུར་སྐུལ་འདེད་གཏོང་དགོས།དམངས་འཚོ་ལེགས་གཏོང་ལ་མུ་མཐུད་ཤུགས་སྣོན་བརྒྱབ་ནས་མང་ཚོགས་ཀྱི་བདེ་སྐྱིད་ཚོར་སེམས་དང་ཐོབ་ཚོར་ཆེ་རུ་ཏན་ཏིག་གཏོང་བ་དང་།ལས་ཞུགས་དང་སློབ་གསོ།རྒན་གསོ།སྨན་བཅོས།སྤྱི་པའི་ཞབས་ཞུའི་འགན་ལེན་མ་ལག་སྔར་བས་འཐུས་ཚང་དུ་གཏོང་བ།ལས་གཏོད་ཀྱིས་ལས་ཞུགས་སྣེ་ཁྲིད་བྱེད་པའི་སྲིད་ཇུས་ཁྱོན་ཡོངས་ནས་དོན་འཁྱོལ་བྱེད་པ།ས་ཆ་དེ་རང་དུ་ལས་ཞུགས་དང་།ལས་ཞུགས་གཞན་སྒྱུར།ཕ་ཡུལ་དུ་ལོག་ནས་ལས་གཏོད་བཅས་བྱེད་པའི་ཐབས་ལམ་རྒྱ་ཆེར་གཏོང་བ་བཅས་བྱས་ཏེ་ཡོང་འབབ་དམའ་བའི་ཚོགས་སྤྱིར་འབབ་འཕར་ཡོང་རྒྱུར་མུ་མཐུད་སྐུལ་འདེད་གཏོང་དགོས།ཕྱོགས་ཡོངས་ནས་ཏང་ནན་པོས་སྐྱོང་རྒྱུར་དམིགས་ནས་སྒྱུར་བཅོས་མུ་མཐུད་མདུན་ཕྱོགས་སུ་སྐུལ་འདེད་གཏོང་བ་དང་།ཐོག་མཐའ་བར་གསུམ་དུ་ཚད་གཞི་ནན་པོའི་ཐོག་ནས་སྤྱོད་ཚུལ་བཟང་པོ་དང་།སྒྲིག་ཁྲིམས་ནན་པོ།རུལ་སུངས་ལ་ངོ་རྒོལ་བཅས་གཏིང་ཟབ་ཏུ་གཏོང་བ།རྒྱུན་སྲིང་ལྷོད་མེད་ཀྱིས“སྤྱོད་ཚུལ་བཞི”ཡོ་བསྲང་བཅོས་སྒྲིག་བྱེད་པ།“གཟུགས་བརྙན་ལས་གྲྭ”དང་།“ངོ་སྲུང་ལས་གྲྭ”“ཕྱེད་ལུས་ལས་གྲྭ”བསྡོམས་རྩིས་རྫུན་བཟོ་སོགས་ཕྱི་ཚུལ་རིང་ལུགས་དང་དཔོན་ཉམས་རིང་ལུགས་བཅས་ཞིབ་བཤེར་ཐག་གཅོད་ནན་པོ་བྱས་ཏེ་ལྷག་བསམ་རྣམ་དག་དང་།སྤྱོད་གཙང་།འགན་འཁུར་ཕོད་པ་བཅས་ཀྱི་བྱང་ཚད་མཐོ་བའི་ལས་བྱེད་པའི་དཔུང་ཁག་ཅིག་གསོ་སྐྱོང་བྱེད་དགོས།
ཚོགས་འདུའི་ཐོག་ནན་བཤད་བྱས་དོན།འགན་འཁྲི་འཁུར་ཤུགས་ཆེ་རུ་བཏང་ནས་སྒྱུར་བཅོས་ཀྱི་ལས་འགན་ཁག་གནད་སྨིན་དོན་འཁྱོལ་བྱ་རྒྱུར་ནུས་ཤུགས་ཡོད་རྒུས་སྐུལ་འདེད་གཏོང་དགོས།རྫོང་རིམ་པའི་འགོ་ཁྲིད་ཀྱིས་ལྕགས་གཟེར་རྒྱག་པའི་སྙིང་སྟོབས་ལ་བརྟེན་ནས་སྒྱུར་བཅོས་དོན་འཁྱོལ་བྱ་རྒྱུར་དམ་འཛིན་ཡག་པོ་བྱེད་པ་དང་།ལས་བགོས་ཁྱབ་ཁོངས་ཀྱི་སྒྱུར་བཅོས་ལས་འགན་ལ་དམིགས་ཏེ་སེམས་ནང་གདེང་ཚོད་ཡོད་པ་དང་།མདུན་དུ་བཅར་ནས་བཀོད་འདོམས་བྱེད་པ།དངོས་སུ་བཀོད་གཏོང་བྱེད་པ་བཅས་བྱེད་དགོས།འགག་སྒྲོལ་གྱི་དཀའ་གནད་ཆེ་བ་དང་ཤུགས་རྐྱེན་ཆེ་བའི་སྒྱུར་བཅོས་ལ་རང་ཉིད་ངོ་མས་བཀོད་སྒྲིག་དང་།ཇུས་འགོད།སྐུལ་འདེད་བཅས་བྱེད་དགོས།རྫོང་ཨུ་སྒྱུར་བཅོས་ཟབ་གཏོང་གཞུང་ལས་ཁང་གིས་སྣེ་ཁྲིད་དེ་སྤྱི་ཡོངས་ལ་དམ་འཛིན་བྱེད་པའི་ནུས་པ་འདོན་སྤེལ་བྱས་ནས་སྒྱུར་བཅོས་གལ་ཆེན་དང་བྱ་བ་གལ་ཆེན་མཉམ་སྡེབ་ཐོག་ཞིབ་འཇུག་དང་གཅིག་སྡུད་བཀོད་སྒྲིག་བྱ་རྒྱུ་མཐའ་འཁྱོངས་ཀྱིས་གོང་རིམ་སྒྱུར་བཅོས་སྡེ་ཚན་དང་འབྲེལ་གཏུག་འབྲེལ་མཐུད་བྱ་རྒྱུར་ཤུགས་སྣོན་ཧུར་ཐག་རྒྱག་པ་དང་གནད་འཕིགས་ཤུགས་འདོན་བྱས་ཏེ་སྒྱུར་བཅོས་ཀྱི་ཉམས་མྱོང་གསར་པ་ཁག་གཅིག་ཆགས་པ་བྱེད་དགོས།སྒྱུར་བཅོས་དང་འབྲེལ་བ་ཡོད་པའི་ཚོགས་ཆུང་དང་དེ་བཞིན་ཁོངས་མིའི་ཚན་པ་ཁག་གིས་འགན་འཁྲི་ཨང་དང་པོ་དང་ཐད་ཀའི་འགན་འཁྲི་ཁུར་ནས་རང་འགན་རང་འཁུར་དང་རང་ནུས་གང་ཡོད་འདོན་པ་དང་།མཉམ་འགུལ་བྱེད་ཤུགས་ཆེ་རུ་གཏོང་བ།གཞོགས་འདེགས་དམ་ཟབ་བྱེད་པ།ལས་འགན་དོན་འཁྱོལ་ལ་དམ་འཛིན་ནན་པོ་བྱེད་པ།ལག་བསྟར་ཇུས་གཞི་ཞིབ་ཚགས་སུ་གཏོང་བ།སྒྱུར་བཅོས་ཀྱི་མཉམ་ཤུགས་གཅིག་སྡུད་ཏན་ཏིག་བྱེད་པ།གོང་རིམ་གྱི་སྒྱུར་བཅོས་འཕེལ་ཕྱོགས་གསར་ཤོས་ཀྱི་རྗེས་སུ་དམ་པོར་འབྲངས་པ།སྲིད་ཇུས་ཀྱི་རྒྱབ་སྐྱོར་བརྩོན་ལེན་ཧུར་ཐག་བྱེད་པ་བཅས་བྱས་ནས་ལོ་འཁོར་གྱི་སྒྱུར་བཅོས་དམིགས་ཚད་ལས་འགན་མཐའ་གཅིག་ཏུ་ལེགས་སྒྲུབ་བྱེད་དགོས་པའི་བླང་བྱ་བཏོན།
ཡོང་ཁུངས།བོད་སྐད་ལྟེ་གནས།
