جۇڭگو ئەرلەر پۇتبول كوماندىسى ساھىبخان مەيدانىدا ھىندونېزىيە كوماندىسى مۇسابىقىسىنى ئەلكۈيىدە ئۇيغۇرچە تارقىتىش باشلاندى ، بەھرام ئابدۇۋەلى ئاساسلىق ئەزا سۈپىتىدە مەيدانغا چىقتى
ئەلكۈيى بىۋاستە تارقىتىش قانىلى تەۋسىيەسى: 10-ئاينىڭ 15-كۈنى يەنى سەيشەنبە كەچ بېيجىڭ ۋاقتى سائەت 20:00دە ، ئىلىمىز جۇڭگو ئەرلەر پۇتبول كوماندىسى دۆلىتىمىزنىڭ چىڭداۋدىكى ساھىبخان مەيدانىدا 2026-يىللىق دۇنيا لوڭقىسى تەييارلىق مۇسابىقىسى ئاسىيا رايونىدىكى 18 كۈچلۈك كوماندا مۇسابىقىسىنىڭ 4-ئايلانمىسىدىكى رەقىبى ھىندونېزىيە كوماندىسى بىلەن مۇسابىقىسىنى ئەلكۈيىدە ئۇيغۇرچە تارقىتىش باشلاندى.
ئەلۋەتتە بۇ مەيدان مۇسابىقىدە جۇڭگو شىنجاڭلىق پۇتبولچى بەھرام ئابدۇۋەلى داۋاملىق ئاساسلىق ئەزا سۈپىتىدە مەيدانغا چىقىپ دۆلەت كوماندىسىدا مۇسابىقە ئوينايدۇ.
بۈگۈن كەچ، بىز دىققىتىمىزنى جۇڭگو ئەرلەر پۇتبول كوماندىسى قىزىق نۇقتىسىغا مەركەزلەشتۈردۇق، ئۇلار چىڭداۋ گوشىن تەنتەربىيە مەيدانىدا بىر مەيدان ئىنتايىن مۇھىم مۇسابىقىنى كۈتۈۋالىدۇ، 2026-يىللىق دۇنيا لوڭقىسى تاللاش مۇسابىقىسىنىڭ ئاسىيا رايونىدىكى 18 كۈچلۈك كوماندا بىلەن بولغان تاللاش مۇسابىقىسىنىڭ 4-ئايلانمىسىدا، مۇسابىقە ئوينايدىغان رىقابەتچىمىز بىر گۇرۇپپىدىكى بىردىنبىر خەلقئارادىكى رەت تەرتىپىدە بىزنىڭكىدىن تۆۋەن بولغان ھىندونېزىيە كوماندىسى بىلەن مۇسابىقە ئوينايدۇ.
بۇنىڭدىن ئىلگىرىكى ئۈچ قېتىم ئۇدا مەغلۇپ بولۇش جۇڭگو كوماندىسىنى تىك يار بويىغا ئېلىپ كەلدى،ناۋادا بۇ مۇسابىقىدە ئىلىمىز جۇڭگو كوماندىسى يەنە مەغلۇب بولىدىكەن ئۇ چاغدا قالغان 6 مەيدان مۇسابىقىدە نومۇر ئېلىش تېخىمۇ يوق گەپكە ئايلىنىپ قالىدۇ. دەل مۇشۇنداق مۈشكۈل ئەھۋال پۈتۈن ئەترەتنىڭ يۇقىرىدىن تۆۋەنگىچە چوقۇم غەلىبە قىلىش ئىرادىسى ۋە كۈرەش ئىرادىسىنى قوزغاتتى.«ئەلۋەتتە 15-چىسلا كەچتىكى مۇسابىقىدە مۇنداق بىر ياش توپچى بار، ئۇ جۇڭگو كوماندىسىنىڭ ئاتاكا سىزىقىدىكى ئۆتكۈر بىسى ،يوشۇرۇن قورالى ، ئۇ دەل بەھرام ئابدۇۋەلى.» يېقىنقى مەزگىلدىكى روھىي ھالىتى قىزغىن ھۇجۇمچى بولۇش سۈپىتى بىلەن، بەھرام ھەرىكىتى ئارقىلىق ئۆزىنىڭ ئەمەلىي كۈچى ۋە يوشۇرۇن كۈچىنى ئىسپاتلىدى.ھىندونېزىيە كوماندىسى بىلەن مۇسابىقە ئوينىغاندا ، بەھرام جاڭ يۈنىڭ، شيې ۋېننېڭ، ۋېي شىخاۋ قاتارلىق سەپداشلىرى بىلەن بىرلىكتە، كوماندىنىڭ ھىندونوزىيەنى ۋەيران قىلىپ نومۇر ئېلىشتەك ئېغىر ۋەزىپىنى زىممىسىگە ئالىدۇ. ھىندونېزىيە ئالدىدا، تىنچ ھالەتنى ساقلاش يوق، پەقەت جەزمەن غەلىبە قىلىش كېرەك،ھەرقانداق سەۋەب كۆرسىتىشكە ئەمدى ئۇتتۇرۇپ قويۇشقا قەتئىي بولمايدۇ، ھەممەيلەن غەلبىگە ئورتاق تەقەززامىز، بەھرام سەپداشلىرى بىلەن قول تۇتۇشۇپ، جۇڭگو پۇتبولچىلىقىغا غەلبە ئېلىپ كىلىشىنى ئۈمىد قىلىمىز.
بۇنىڭدىن ئىلگىرىكى ئۈچ ئايلانما مۇسابىقىدە، جۇڭگو كوماندىسى ئارقا-ئارقىدىن ياپونىيە كوماندىسى، سەئۇدى ئەرەبىستانى كوماندىسى، ئاۋسترالىيە كوماندىسىغا يېڭىلىپ قالدى. لېكىن 2026-يىللىق دۇنيا لوڭقىسى پۇتبول مۇسابىقىسىگە قاتنىشىشتىن ئىبارەت بۇ ئۈمىد يوق غەلبە ئارقىلىق ئۆزىنى ساقلاپ قېلىش نۆۋەتتىكى جىددىي ئىش. بولۇپمۇ بۇ نۆۋەتلىك كوماندىلار ئىچىدىكى ھىندونېزىيە كوماندىسى ( دۇنيا بويىچە 129-ئورۇندا تۇرىدۇ ، ئىلىمىز جۇڭگو كوماندىسى دۇنيا ھالدا 91-ئورۇندا تۇرىدۇ ، مۇشۇنداق ئاجىز دۈشمەن ئالدىدا يەنە غەلبە قىلالمىسا پۈتۈن كوماندا ھەتتا تارقىتىلىپ كىتىش ، قايتىدىن تەشكىللەشكە دۇچ كىلىشىنىمۇ نەزەردىن ساقىت قىلىشقا بولمايدۇ.
گەرچە ئىلىمىز جۇڭگو كوماندىسىدا بۇ قېتىم غەلبە قىلىش ئارزۇسى كۈچلۈك بولسىمۇ، لېكىن جۇڭگو كوماندىسى يەنىلا ھىندونېزىيە كوماندىسىغا قارىتا يېتەرلىك ھوشيارلىقنى ساقلىشى كېرەك. نۆۋەتتە، بۇ ھىندونوزىيە كوماندىسىدا چەتئەلدىن يەرلىكلەشتۈرگەن توپچىدىن 13 ى بار، ئۇنىڭ ئۈستىگە بۇ توپچىلارنىڭ كۆپىنچىسى گوللاندىيە قاتارلىق ياۋروپا دۆلەتلىرىدىن كەلگەن، ھەتتا بىر قىسىم توپچىلار ياۋروپا بىرلەشمە مۇسابىقە مەيدانلىرىدا ئاساسىي كۈچ بولۇپ توپ تىپىۋاتىدۇ. ھىندونېزىيە كوماندىسىنىڭ ئالدىنقى ئۈچ ئايلانمىدىكى مۇسابىقىدە ئۇدا ئۈچ قېتىم كۈچلۈك كوماندىلار بىلەن تەڭلىشىشى ھەرگىزمۇ تەلەيگىلا باغلىق ئەمەس.
خەلقئارا پۇتبولچىلار بىرلەشمىسى ھۆكۈمەت تەرەپ ئېتىراپ قىلغان سانلىق مەلۇماتتا كۆرسىتىلىشىچە، جۇڭگو كوماندىسى بىلەن ھىندونوزىيە كوماندىسى تارىختا جەمئىي 14 قېتىم رەسمىي تۇتۇشقان، جۇڭگو كوماندىسى 10 مەيدان يېڭىپ، 3 مەيدان تەڭلىشىپ، 1 مەيدان ئۇتتۇرۇشتا روشەن ئۈستۈنلۈكنى ئىگىلىگەن.
بەھرام ئابدۇۋەلى بۇ مەيدان مۇسابىقىدە دۆلەت كوماندىمىزنىڭ مۇتلەق ئاساسلىق ھۇجۇمچىسى بولۇپ مۇسابىقە ئوينايدۇ.
爱酷艺Alkuyi公众平台
يانفۇنىڭىزغا ئەلكۈيى كىنو فىلىم ئەپ دىتالىنى قاچىلاپ كۆرسىڭىز تېلېۋىزورغا ئۇلاپ كۆرەلەيسىز
