དབྲ་དཀར་ལྔ་རིག་ནང་བསྟན་སློབ་གླིང་གི{སྨྲ་སེང་སྒྲུབ་ཆེན}བརྡ་སྦྱོར།
རྒྱུན་སྤྱོད་ཡིད་བཞིན་ནོར་བུ་ལས།
ཨེ་མ་ཧོ།
བདེ་ཆེན་རྒྱལ་པོ་ཀུན་བཟང་རྒྱལ་བ་འདུས།།
མི་བརྗེད་གཟུངས་ལྡན་ཤེས་རབ་སྨྲ་བའི་སེང་།།
འཛམ་གླིང་བོན་གྱི་གཙུག་རྒྱན་མཉམ་མེད་པ།།
ཤེས་རབ་རྒྱལ་མཚན་ཞབས་ལ་གསོལ་བ་འདེབས།།
ཤེས་རབ་མེ་ལྟར་འབར་བར་བྱིན་གྱིས་རློབས།།
ཨཱོྃ་ཝཀྐི་དྷཱི་ན་མ། ཞེས་གསུངས་པ་བཞིན་འགྲོ་གང་ཞིག་འཕྲལ་ཕུག་གང་གི་དོན་དུ་གཉེར་བ་ལ་ལེགས་ཉེས་བླང་དོར་འབྱེད་པའི་ཤེས་རབ་ནི་མེད་དུ་མི་རུང་བ་ཞིག་ཡིན་ན་དེ་ལས་རང་དོན་དུ་ཐོས་བསམ་སྒོམ་གསུམ་དང་། གཞན་དོན་དུ་འཆད་རྩོད་རྩོམ་གསུམ། གཉིས་དོན་དུ་བསྙེན་སྒྲུབ་ལས་གསུམ་མཛད་པའི་སྐྱེས་བུ་གང་ཞིག་གི་རྒྱུད་ལ་ནི་བོན་རྣམ་འབྱེད་ཀྱི་ཤེས་རབ་དགོས་ངེས་པ་ལགས་ཤིང་། དེ་ཡང་སྤྱིར་སངས་རྒྱས་གང་ལ་བསྙེན་ཡང་སེམས་ཅན་གྱི་འདོད་དོན་འགྲུབ་པ་ལ་ཁྱད་མ་མཆིས་ནའང་། སངས་རྒྱས་ཀྱི་མཁྱེན་པའི་ཡེ་ཤེས་ཀྱི་ངོ་བོ་ཤེས་རབ་ལྷ་མཆོག་སྨྲ་བའི་སེང་གེ་དང་། བརྩེ་བ་སྙིང་རྗེའི་ངོ་བོ་རྒྱལ་བའི་ཡུམ་ཆེན་ཐུགས་རྗེ་བྱམས་མ། ནུས་པ་མཐུ་སྟོབས་ཀྱི་ངོ་བོ་སྒྲོལ་བྱེད་དྲག་པོ་དབལ་གསས་རྔམ་པ་སོགས་གདུལ་བྱ་མོས་པའི་སྣང་ངོར་། འདུལ་བྱེད་སངས་རྒྱས་ཀྱི་འཕྲིན་ལས་སོ་སོར་ཤར་བ་ཅི་བཞིན་ད་ལན་ངེད་ཅག་རྫ་སྟེང་ཆེན་དགོན་དཔལ་བསྟན་མདོ་སྔགས་བསྟན་རྒྱས་གླིང་གི་དབྲ་དཀར་ལྔ་རིག་ནང་བསྟན་སློབ་གླིང་དགེ་སློབ་ཡོངས་ཀྱིས{སྨྲ་སེང་སྒྲུབ་ཆེན}་གྱི་སྔོན་འགྲོའི་སྟ་གོན་དང་། དངོས་གཞི་འཕྲིན་ལས། རྗེས་བྱ་དབྱེ་བསྡུ་སོགས་ཆ་ཚང་བ་ཞིག་སྤྱི་ལོ ༢༠༢༤ ཟླ ༣ ཚེས ༡ སྟེ་བོད་ཟླ་དང་པོའི་ཚེས་ཉེར་གཅིག་ཉིན་བཅའ་གཞི་དང་སྟ་གོན་ཚགས་སུ་པར་བྱས་ཏེ། སྤྱི་ཟླ་ ༣ ཚེས་༢ སྟེ་བོད་ཟླ་དང་པོའི་ཚེས་ཉེར་གཉིས་ཉིན་ནས་རིམ་བཞིན་འཚོགས་རྒྱུ་ཡིན།
ཁ་པར་ཨང་གྲངས།
182 8365 1860
