ཀྲུང་གུང་ཉག་རོང་རྫོང་ཨུའི་རིགས་པའི་གཞུང་ལུགས་སློབ་སྦྱོང་ལྟེ་གནས་ཚོ་ཆུང་གིས་ཆེད་དོན་སློབ་སྦྱོང་

 (རྒྱ་སྐྱེར)ཚོགས་འདུ་ཐེངས་བཅུ་གསུམ་པ་འཚོགས་པ། 

  ཟླ་༡༢ཚེས་༣༠ཉིན།ཀྲུང་གུང་ཉག་རོང་རྫོང་ཨུའི་རིགས་པའི་གཞུང་ལུགས་སློབ་སྦྱོང་ལྟེ་གནས་ཚོགས་ཆུང་གིས་ཆེད་དོན་སློབ་སྦྱོང་（རྒྱ་སྐྱེར）ཚོགས་འདུ་ཐེངས་བཅུ་གསུམ་པ་འཚོགས་ནས་དྲ་རྒྱའི་སྟོབས་ཤུགས་ཆེ་རུ་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བསམ་བློ་གལ་ཆེན་སློབ་སྦྱོང་དང་གོ་བ་གཏིང་ཟབ་ལེན་བྱས་པ་རེད།རྫོང་ཨུའི་ཧྲུའུ་ཅི་བཀྲ་རྡོ་ཡིས་ཚོགས་འདུ་གཙོ་སྐྱོང་གནང་བ་དང་འབྲེལ་གསུང་བཤད་གནང་བ་རེད།ཁོང་གིས་དྲ་རྒྱའི་བདེ་འཇགས་དང་ཆ་འཕྲིན་ཅན་ནི་ཏང་གི་ཡུན་རིང་སྲིད་འཛིན་དང་འབྲེལ་བ་ཡོད་པ་དང་།རྒྱལ་ཁབ་ཡུན་རིང་བདེ་འཇགས།དཔལ་འབྱོར་དང་སྤྱི་ཚོགས་འཕེལ་རྒྱས་དང་མི་དམངས་མང་ཚོགས་ཀྱི་བདེ་སྐྱིད་བཅས་དང་འབྲེལ་བ་ཡོད་པ་རེད།རྫོང་ཡོངས་གོང་འོག་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དྲ་རྒྱའི་བདེ་འཇགས་དང་ཆ་འཕྲིན་ཅན་གྱི་ལས་དོན་ལ་བཏོན་པའི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་དང་།དྲ་རྒྱའི་ཆ་འཕྲིན་ལས་དོན་ལེགས་པར་བསྒྲུབས་པའི་དོན་སྙིང་གལ་ཆེན་ངོས་འཛིན་གཏིང་ཟབ་དང་ཁོང་དུ་ཆུད་པ།དྲ་སྦྲེལ་འདུ་ཤེས་འཛིན་སྟངས་ཀྱི་གཙོ་ཁྲིད་དབང་ཆར་ཤུགས་སྣོན་རྒྱག་རྒྱུར་ཚད་མཐོའི་མཐོང་ཆེན་དང་།དྲ་རྒྱའི་འདུ་ཤེས་འཛིན་སྟངས་ཀྱི་བདེ་འཇགས་སྲུང་སྐྱོང་མཐའ་གཅིག་ཏུ་བྱས་ཏེ།རང་རེའི་རྫོང་གི་དྲ་རྒྱའི་ཆ་འཕྲིན་ལས་དོན་སྤུས་ཚད་མཐོ་བའི་འཕེལ་རྒྱས་ཀྱི་རྣམ་པ་གསར་པ་རྒྱུན་ཆད་མེད་པར་གཏོད་དགོས།“དཀར་མཛེས་ལྟེ་གནས་ས་ཁོངས”ལེགས་པར་འཛུགས་པར་འདུ་ཤེས་འཛིན་སྟངས་ཀྱི་འདེགས་སྐྱོར་སྟོབས་ལྡན་འདོན་སྤྲོད་བྱ་དགོས། 

 རྫོང་སྲིད་གྲོས་ཀྱི་ཀྲུའུ་ཞི་ཚེ་བཀྲ་དང་རྫོང་ཨུའི་ཧྲུའུ་ཅི་གཞོན་པ་ཞུས་ཧྥང་དང་ཞང་ཧྭ་ཚོགས་འདུར་ཞུགས་པ་རེད།

   ཚོགས་འདུ་མ་འཚོགས་གོང་རྫོང་ཨུ་ལྷན་གྱི་རིགས་པའི་གཞུང་ལུགས་སློབ་སྦྱོང་ལྟེ་གནས་ཚོགས་ཆུང་གི་ཁོངས་མིས་སློབ་སྦྱོང་བརྗོད་བྱ་གཙོ་བོར་དམིགས་ནས་རང་སྦྱོང་བྱས་པ་མ་ཟད།ལས་ཀའི་དོན་དངོས་དང་ཟུང་འབྲེལ་བྱས་ནས་མྱོང་ཚོར་བྲིས་ཡོད།ཚོགས་འདུའི་ཐོག་ཞང་ཧྭ་དང་།ཞུས་ཀྲེན་ཅན།ཉི་མ་ཚེ་རིང་།དབྱང་ཧུང་མེ་བཅས་ཀྱིས་སོ་སོར་སྤེལ་རེས་གཏམ་བཤད་གནང་བ་དང་ཁོངས་མི་གཞན་དག་གིས་ཡིག་ཐོག་སྤེལ་རེས་གནང་བ་རེད།

  ཚོགས་འདུའི་ཐོག་ཆབ་སྲིད་ཀྱི་གནས་བབ་མཐོ་རུ་གཏོང་རྒྱུ་དང་འཐབ་ཇུས་ཀྱི་བློ་ཐག་གཅོད་ཤུགས་རྒྱུན་འཁྱོངས་བྱ་དགོས།རྫོང་ཡོངས་གོང་འོག་གིས་དྲ་རྒྱའི་སྟོབས་ཤུགས་ཆེ་རུ་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་དྲ་རྒྱའི་ཆ་འཕྲིན་ལས་དོན་གྱི་ཕྱོགས་ཁག་གི་བརྒྱུད་རིམ་ཧྲིལ་པོའི་ཐོག་ཏང་གི་ཁྱོན་ཡོངས་ཀྱི་འགོ་ཁྲིད་མཚོན་པ་དང་།དྲ་རྒྱའི་ཆ་འཕྲིན་ལས་དོན་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ།དེའི་ཚན་རིག་གི་ནང་དོན་དང་།ལྟེ་བའི་དོན་དགོས།ལག་ལེན་གྱི་བླང་བྱ་བཅས་ཆ་ཚང་དང་གནད་ལ་འཁེལ་བའི་སྒོ་ནས་ཕྱོགས་ཡོངས་ནས་ཁོང་དུ་ཆུད་པ་དང་།རྫོང་ཡོངས་ཀྱི་དྲ་རྒྱའི་བདེ་འཇགས་དང་ཆ་འཕྲིན་ཅན་གྱི་ལས་དོན་ཁྱོན་ཡོངས་ལ་བློ་བརྟན་འགྱུར་མེད་ངང་གཅིག་གྱུར་གྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཁྲིད་སྟོན་བྱས་པའི་ཁ་ཕྱོགས་དང་བསྟུན་ནས་ཉག་རོང་དྲ་རྒྱའི་ཆ་འཕྲིན་ལས་དོན་ཐོག་མཐའ་བར་གསུམ་དུ་བློ་བརྟན་འགྱུར་མེད་ངང་མདུན་སྐྱོད་བྱ་རྒྱུའི་འགན་ལེན་མཐའ་གཅིག་ཏུ་བྱ་དགོས།

  ཚོགས་འདུའི་ཐོག་གཙོ་གནད་ལས་འགན་ལ་དོ་སྣང་དམ་ཟབ་བྱས་ནས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས་པའི་བླང་བྱ་བཏོན་ཡོད།ཉེན་ཁ་སྔོན་འགོག་དང་བདེ་འཇགས་འགན་ལེན་བྱེད་དགོས་པ་དང་།སྣེ་ཁྲིད་ནས་དྲ་རྒྱ་སྦྱོང་ནས་དྲ་རྒྱ་ཤེས་པ་དང་དྲ་རྒྱ་སྤྱོད་པ།དྲ་སྦྲེལ་གྱི་བསམ་གཞིགས་ནུས་པ་རྒྱུན་ཆད་མེད་པར་མཐོ་རུ་གཏོང་བ།དྲ་འཕྲིན་དམངས་ཀྱི་ཆེད་དུ་མཐའ་འཁྱོངས་བྱས་དགོས།དུས་རབས་གསར་པའི་དྲ་ཐོག་མང་ཚོགས་ཀྱི་ལམ་ཕྱོགས་ལེགས་པར་བསྐྱོད་པ།མང་ཚོགས་ཀྱིས་དཀའ་ངལ་གྱི་གནད་དོན་སྙན་སེང་ཞུ་བའི་རེ་འདུན་ཐབས་ལམ་སྣ་ཚོགས་ཤར་གཏོང་ཐུབ་པ།མང་ཚོགས་ཀྱིས་བསམ་འཆར་དྲག་པོ་བཏོན་པའི་དྲ་རྒྱའི་ཟང་ཟིང་ཐག་གཅོད་ནན་ཏན་བྱས་ཏེ།དྲང་ལམ་དྭངས་གཙང་དང་དྲང་བདེན་གྱི་དྲ་རྒྱའི་བར་སྟོང་གཏོད་དགོས།བཅོས་སྐྱོང་དྲག་པོ་བྱས་ནས་དམངས་འཚོ་ལ་ཕན་པ་ཐོབ་པ་དང་།“གྲངས་འཛིན་དཀར་མཛེས་”འཕེལ་རྒྱས་ཀྱི་ཁྱོན་ཡོངས་དང་ཧུར་ཐག་མཉམ་འདྲེས་བྱས་ཏེ་གྲངས་འཛིན་ཡུལ་སྐོར་དང་།གྲངས་འཛིན་ཞིང་འབྲོག་ལས།གྲངས་འཛིན་མཛེས་ལྗོངས་ཁུལ་སོགས་ལས་རིགས་གསར་པ་འཕེལ་རྒྱས་ཤུགས་ཆེན་གཏོང་དགོས།“དམངས་ཡོངས་བདེ་ཐང་དང་དམངས་ཕན་”དང་“གྲངས་འཛིན་སྨན་བཅོས་བདེ་ཐང་”གྱི་བྱ་སྤྱོད་ལག་བསྟར་གཏིང་ཟབ་བྱ་དགོས།སློབ་གསོ་གྲངས་ཀ་ཅན་དུ་འགྱུར་བའི་བསྒྱུར་བཅོས་གཏིང་ཟབ་ཏུ་བཏང་ནས་ས་ཁོངས་ཀྱི་སློབ་གསོའི་ཐོན་ཁུངས་བཀོད་སྒྲིག་ལེགས་སུ་གཏོང་དགོས།5Gསོགས་འཕྲིན་གཏོང་དྲ་རྒྱ་ཁྱབ་ཤུགས་ཆེ་རུ་བཏང་ནས“ཁྱོན་ཡོངས་ནས་ཁེབས་པ།གྲོང་ཁྱེར་དང་གྲོང་གསེབ་གཞི་གཅིག་ཅན་གྱི་དྲ་རྒྱའི་རྨང་གཞིའི་སྒྲིག་བཀོད་བསྐྲུན་དགོས།དཔུང་ཁག་ལེགས་སུ་བཏང་ནས་འཕེལ་རྒྱས་ལ་ཕན་པ་ཡོད་པ་དང་།ཤེས་ལྡན་མི་སྣ་གསོ་སྐྱོང་བྱེད་སྟངས་གསར་གཏོད།ཤེས་ལྡན་མི་སྣའི་ཡོང་ཁུངས་དང་ཐབས་ལམ་རྒྱ་སྐྱེད།ཤེས་ལྡན་མི་སྣའི་གདེང་འཇོག་ལམ་སྲོལ་འཐུས་ཚང་དུ་བཏང་ནས་དྲ་རྒྱ་དང་ཆ་འཕྲིན་ཁྱབ་ཁོངས་ཀྱི་ཤེས་ལྡན་མི་སྣ་འཕེལ་རྒྱས་ཀྱི་སྤྱི་ཡོངས་འཆར་འགོད་དང་ཤེས་ལྡན་མི་སྣའི་སྲིད་ཇུས་གཏན་འབེབས་བྱེད་པར་གྲངས་གཞིའི་འདེགས་སྐྱོར་དང་རིགས་པའི་གཞུང་ལུགས་ཀྱི་འདེགས་སྐྱོར་འདོན་སྤྲོད་བྱ་དགོས།དྲ་འཕྲིན་སྡེ་ཚན་གྱིས་གཅིག་གྱུར་འཆར་འགོད་བྱེད་ཤུགས་ཆེ་རུ་བཏང་ནས་དྲ་འཕྲིན་ལས་དོན་གྱི“མིག་མངས་རོལ་རྩེད་གཅིག”བསམ་གཞིགས་བརྟན་པོ་བཙུགས་ཏེ་དྲ་རྒྱའི་དྲིལ་བསྒྲགས་དང་།གླེང་ཕྱོགས་ཐག་གཅོད།དྲ་རྒྱའི་ཕྱོགས་བསྡུས་སོགས་གཞི་རིམ་གྱི་དྲ་འཕྲིན་ལས་སྒོའི་ནུས་པ་ཏན་ཏིག་མཐོར་འདེགས་གཏོང་དགོས། 

  ཚོགས་འདུའི་ཐོག་འགན་འཁྲི་དོན་འཁྱོལ་བྱ་རྒྱུར་ཤུགས་སྣོན་རྒྱག་པ་དང་ལས་ཀའི་འགན་ལེན་ལེགས་སུ་གཏོང་དགོས་ཞེས་ནན་བཤད་གནང་བ་རེད།རྫོང་རིམ་པའི་འགོ་ཁྲིད་ཀྱིས་“ལས་གནས་གཅིག་འགན་འཁྲི་གཉིས་”ལག་བསྟར་ནན་པོ་བྱས་ཏེ།དྲ་རྒྱའི་འདུ་ཤེས་འཛིན་སྟངས་དང་།དྲ་རྒྱའི་བདེ་འཇགས།ཁག་བགོས་ལས་སྒོ་བཅས་མཉམ་དུ་བཀོད་སྒྲིག་དང་།ཞིབ་འཇུགདོན་འཁྱོལ་བཅས་བྱེད་དགོས།རིམ་པ་ཁག་དང་སྡེ་ཁག་ཁག་གིས་ཏང་གི་འགོ་ཁྲིད་དེ་དྲ་རྒྱ་བཅོས་སྐྱོང་དང་དྲ་རྒྱ་སྤྱོད་པའི་བརྒྱུད་རིམ་ཧྲིལ་པོར་ཁྱབ་པ་དང་།དྲ་སྦྲེལ་ལས་དོན་གྱི་འགོ་ཁྲིད་དབང་ཆ་དང་།གཏམ་བཤད་དབང་ཆ།དོ་དམ་དབང་ཆ་བཅས་ཁོང་དུ་ཆུད་པ་དང་།“འགོ་ཁྲིད་ཨང་དང་པོ་”ཡིས་སྣེ་ཁྲིད་ནས་སློབ་པ་དང་སྣེ་ཁྲིད་ནས་དམ་འཛིན་བྱ་རྒྱུ་མཐའ་འཁྱོངས་བྱས་ཏེ།“འགན་འཁུར་མཁན་ཨང་དང་པོ་”ཏན་ཏིག་བྱེད་དགོས།འབྲེལ་ཡོད་སྡེ་ཚན་གྱིས་ཉེན་ཁའི་མངོན་མེད་རྐྱེན་ངན་བཅོས་སྒྲིག་ལས་དོན་གྱི་ཞིབ་ཐོ་བཟོས་ནས་དྲ་རྒྱའི་བདེ་འཇགས་ཆ་འཕྲིན་བརྡ་ཁྱབ་རྒྱུན་ལྡན་ཅན་དང་།ལམ་ལུགས་ཅན་དུ་འགྱུར་བ་ཚད་ལྡན་ཅན་དུ་འགྱུར་བ་བྱ་དགོས།དྲ་རྒྱའི་བདེ་འཇགས་ཀྱི་འཕྲལ་སྡོམ་སྔོན་ཇུས་བཟོ་བཅོས་དང་འཐུས་ཚང་ཧུར་ཐག་གཏོང་བ་དང་།རང་འགུལ་ངང་དྲ་རྒྱའི་བདེ་འཇགས་ཀྱི་འཕྲལ་སྡོམ་ནང་སྦྱོང་བྱས་ཏེ་དྲ་རྒྱའི་བདེ་འཇགས་ཀྱི་གློ་བུར་དུ་བྱུང་བའི་དོན་རྐྱེན་ལ་ཁ་གཏད་གཅོག་དང་ཐག་གཅོད་བྱེད་པའི་ནུས་པ་རྒྱུན་ཆད་མེད་པར་ཆེ་རུ་གཏོང་དགོས། 

  རྫོང་ཨུའི་རིགས་པའི་གཞུང་ལུགས་སློབ་སྦྱོང་ལྟེ་གནས་ཚོགས་ཆུང་གི་ཁོངས་མི་དང་།ཁྱིམ་དུ་ཡོད་པའི་རྫོང་རིམ་པའི་འགོ་ཁྲིད་དང་དེ་བཞིན་རྫོང་རིམ་པའི་འབྲེལ་ཡོད་སྡེ་ཚན་གྱི་འགན་འཁུར་བློ་མཐུན་གཙོ་བོ་ཚོགས་འདུའི་ནང་ཞུགས་པ་རེད།  

ཡོང་ཁུངས།བོད་སྐད་ལྟེ་གནས།