萧正楠当年“邪不能胜正”连父母都被追访：呢样令我最难过
一句说话足以影响一个人的命运，尤其是在娱乐圈，萧正楠02年出道，当时是超级新人，连星爷、梅组都点名看好，亦在年尾颁奖典礼做大赢家，前途一片光明，但就在一个乐坛颁奬礼上，他说了一句话，令整个前途逆转。
当时就是这句“邪不能胜正”被媒体断章取义，将萧正楠塑造成一个嚣张，不可一世的艺人，那时是纸媒盛行，娱乐杂志爱用抢眼标题作报导的年代，加上没有互联网，萧正楠可说是有冤无路诉，于是他由新人王变成传媒针对对象，令他前途一落千丈，被传媒批评他承受得起，唯独一事他耿耿于怀，他说：“连我父母都被追访，问佢哋‘点解你个仔咁差？’呢样係我最难过。”
萧正楠承认当时曾经有怨恨过，但到现在他有另一番见解，他说：“人要经历挫折，因为发生咗呢件事，令我好珍惜而家遇到嘅每一个机会。”
萧正楠表示那句话是在一个颁奖礼庆功宴上说的，但当时他并不是指向任何一个人，他说：“我讲紧呢句说话，係讲紧文章的一个标题，当时就有记者听到，即刻拧过嚟，‘你讲乜呀？’我仲继续同佢讲，咁佢就攞咗我呢句做标题。”那句标题 “邪不能胜正”是当时《壹周刊》找萧正楠的经理人李进专访，之后成为专访的标题，萧正楠没想到顺手沾来一用，竟然引发大新闻。
萧正楠当时已知错，他明白不能在公众场合，过份衷心直口，但他知错已太迟，那时的传媒是疯狂的年代，萧正楠新人王变成嚣张王有新闻爆点，于是，他每次出席公开活动，记者们都“有备而来”访问他，想看他有多嚣张，甚至追访他的父母，令萧正楠开始怕面对传媒，甚至拍面对人，他低著头过每一天。
萧正楠那时只得26岁，原本是新人王，但一下子变成负面新闻艺人，这个天堂与地狱的落差令他难以承受，他说：“你谂下我新人嗰年，就算你去到红隧都见到你大大幅嘅海报，话你係新人王，全年最瞩目嘅男歌手，之后去到边都畀人闹，要阿爸阿妈代答你个仔有几差，呢个落差太大喇，（天堂同地狱？）对我嚟讲真係天堂同地狱嘅分别，但你能唔能够喺地狱行返上嚟，就睇你自己。”
那时萧正楠在香港受到很大压力，唱片公司叫他上北京避一避，顺便北上发展，于是萧正楠拿著两万人民币，加一个旅行喼离开香港北上，一上就三年，每年过农曆新年才回港，他说：“真係人生路不熟，（你当时国语水平？）仲差过黎诺㦤，由零开始慢慢去适应⋯⋯每年大约返嚟一、两星期，因为返得耐又开始见其他人，之后啲新闻又出嚟，跟住我都係同阿妈讲返去喇，至少返到去北京，冇人用奇怪目光望你，知你係香港嚟内地发展嘅歌手。”
虽然萧正楠在北京飘泊了三年，但其实亦有不少机会，拍内地剧是第一男主角，不过萧正楠因妈妈一向话决定离开北京，回香港发展甚至转行亦可以，重提这事萧正楠亦眼湿湿，他说：“因为妈咪年纪好大，我去北京之前爸爸亦走咗，所以剩返佢一个，佢当时同我讲‘唔好再惊喇，返嚟啦，就算唔再做呢行都无所谓啦，正正经经搵过另一份工，你唔驶再畀钱我，我够驶嘅，咁当然我哋唔係富裕家庭啦，佢话点都好啦，唔好咁样生活落去喇’”
就是妈妈这一段话，萧正楠回归香港，刚好有人可介绍入TVB，于是他开始在电视界发展。
萧正楠刚加入TVB 就是经理人合约，令他的收入有一定的水平，可以专心工作，他非常感激公司，机会由男配，慢慢开始由男二到最后担任男一，算是稳步上扬，而他的工作心态，亦和初出道时大不同，他拍《翻生武林》时，因为那年剧接剧，身体亦开始支持不住，有一天生蛇了。
他说：“开头以为整损咗咋，但后尾愈来愈痛，之后有场浸浴戏，一起身，啲人望到我背脊‘阿萧你生蛇喇’，（咁你抖咗几耐？）我抖咗一晚囉，因为我哋啲厂期好密，你迟一日，人哋开工就迟一日，（係咪因为你以前经历，所以而家好珍惜)可能係，原来机会唔係一定畀你㗎，以前唔驶谂，每日排好哂，几点边到唱歌、几点边度做访问，你出现就得㗎喇，你冇时间谂其他嘢，因为你身处其中，但原来你发现，机会可以几年都唔出现”
“我已经好好，可以慢慢喺呢到行返上嚟，但其实仲有好多人仲係努力紧，仲等紧一个机会，所以係咪要好好珍惜呢？有时我会谂如果冇发生呢件事会点呢？其实人係需要经历挫折，你先知努力得返嚟嗰种喜悦，（有冇畀个同行冷嘲热讽？）当然有啦，听到听唔少，‘做乜搵啲二打六歌星代言呀？出哂事喇’你谂下我的唱片公司同事几惨？就算我返嚟都有人继续对我唔好，有人唔俾机会我，但我当呢啲係逆菩萨，咩叫逆菩萨，就係有啲人会难你，但结果係会令你好嘅，只要你能够克服佢，你就会成为一个更好嘅自己，我係咁谂架，（你而家仲惊唔惊负评？）我而家百毒不侵喇。”
萧正楠在TVB除了找到事业，亦找到他的太太黄翠如，原来他初时见到黄翠如没有太大感觉，他对太太的第一印象，是对方拍摄吸湿大笨象广告，他说：“佢企喺陆浩明隔离，只係做咗三个表情，我觉得呢个女仔几cute喎，都之后拍《师奶Madam》，我都係觉得佢係一个几好嘅拍档，因为套剧有好多笑位，我成日度啲搅笑嘢，但佢冇包袱喎，反而同我一齐玩，我又几欣赏。”后来黄翠如到外地採访世界杯，萧正楠因为喜爱足球，二人开始多了联络，久而久之就日久生情。
2018年萧正楠与黄翠如结婚，婚后经常见到萧正楠为太太煮饭，当大家以为他们放闪，但实情是他要照顾黄翠如，他说：“唔係放闪呀，佢係唔识照顾自己架，即係你挂块饼喺佢条颈度，佢剩係食前面见到嗰啲，后面嗰啲唔理架，所以你要照顾佢，我好记得，疫情期间我入隔离营，我一知道咋，我即刻同佢亡命飞车去买嘢食，买完返去煮熟佢，放喺雪柜，之后我安心上车去隔离。”
萧正楠更指黄翠如是超级悭妹，贵为一綫花旦，原来黄翠如考到车牌后，用的是爸爸去地盘的旧车，他说：“佢架车係撞到四隻角花哂架，之后架车出烟喇，佢知道唔得喇，先换第二架车。”不过萧正楠相当欣赏太太这种美德。
