锺雪莹封金马影后认吓亲 揭获奖优胜之处 暂未考虑加片酬
29岁的锺雪莹凭《看我今天怎麽说》击败吴君如﹑张艾嘉﹑夏于乔和区嘉雯，首度封金马影后，今天（26日）电影公司为她安排记者会开香槟庆祝。
问到可有留意吴君如听到赛果后呆了的表情，她表示没有翻看片段：“有少少唔敢睇番，唔惯睇番自己啲片，同埋惊讲得好‘㪐㩿’，以前做电视观众时，好有兴趣经常睇前辈颁奖感言，觉得好好听，惊自己做唔到好好听感觉，所以唔睇番段片。”
锺雪莹表示不可凭一个画面去判断对方当下的心情，就算对方真的吓亲，也是合理，她说：“我都吓亲嘛！我谂好多人都吓亲，震惊咗！纯粹当时佢（吴君如）被拍到最大头，先被放大嚟睇。”
问觉得自己哪方面胜过前辈？她说：“我觉得唔係胜过前辈，只係咁啱角色题材要表现嘅比较多，亦要表达唔係大众说话嘅方式，前期工作比较多，又要学潜水和手语，可能评审各方面加埋计算。”该片还未在香港正式上映，未知会否赶及金像奖前上映，所以也未知到时可有提名或有否信心再攞奖。
锺雪莹表示因为在金马奖前，答应“艾粒”当奴（唐剑康）及少爷占，所以得奖才向2人道谢，问为何被艾粒一早形容是“未来影后”？她解释：“佢哋一开始用讲笑形式，係有少少‘要润’，因为我离开电台后，隔年就开始拍电影，呢啲係佢哋一贯风格贱嘴祝福，但愈来愈变咗唔係‘要润’，变成冇咗‘未来’两个字，由一开始少少嘲讽到现在，相信佢哋都几开心。”
至于可会加片酬，她称暂时未考虑，笑指现在很少片酬，不知加多少，不过她表明得奖后，不会只接当主角的电影，配角也乐意去演，只要有得拍戏就很开心。
锺雪莹重温《星光大道3》片段 自嘲唱歌难听 表现不堪入目
锺雪莹首度封金马影后，近日网上疯传当年她15岁时，在《亚洲星光大道3》圣诞特辑中，与陈蕾及古淖文同台片段，问看到可有勾起很多回忆？她说：“本身已忘记呢个片段，当时同佢哋第一次见面。”
有网民留言称当年的《亚洲星光大道》，才是造星摇篮，她说：“当时觉得真係有好多人睇，𠵱家睇番，自己有‘一嚿饭’感觉，因为以前嘅我，包括表演都係不堪入目，𠵱家有机会再睇番呢件事，好似一个纪录咁都几得意，蠢蠢哋畀大家笑下都几好。”
可认为当年输了比赛，却造就成今日成为影后是一件好事？她说：“係冇可能能赢到嘅，所以无论如何都係一件好事，令我知道到自己唔适合唱歌，唱歌很难听。”
