ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «استىق ۇنەمدەۋ جانە ازىق-تۇلىك ىسىراپشىلدىعىنا قارسى تۇرۋ ارەكەت جوباسىن» باسىپ تاراتتى
ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «استىق ۇنەمدەۋ جانە ازىق-تۇلىك ىسىراپشىلدىعىنا قارسى تۇرۋ ارەكەت جوباسىن» باسىپ تاراتتى.
ارەكەت جوباسىندا مىنالار ايقىندالدى: 2027-جىلدىڭ سوڭىنا دەيىن، استىق پەن ازىق-تۇلىكتى ۇنەمدەۋدىڭ باياندى مەحانيزمى اناعۇرلىم كەمەلدەندىرىلىپ، استىق زيانى مەن ازىق-تۇلىك ىسىراپشىلدىعىن ساناققا الىپ تەكسەرۋ ءتۇزىمى، ولشەمدى ارناعا ءتۇسىرۋ جانە كورسەتكىش جۇيەسى ۇزدىكسىز جاقسارتىلادى، استىق ءوندىرۋ، ساقتاۋ، تاسىمالداۋ، مانەرلەۋ بارىسىنداعى زيان حالىقارالىق ورتاشا ورەدەن تومەندەتىلەدى، اس-سۋ كاسىپورىندارى، ورگان اسحاناسى، مەكتەپ اسحاناسى، كاسىپورىن اسحاناسى سياقتى ورىندارداعى ادام باسىنا تۋرا كەلەتىن ءار رەتكى ازىق-تۇلىك ىسىراپشىلدىق مولشەرى كورنەكتى تومەندەتىلىپ، ازىق-تۇلىك ىسىراپشىلدىعى ءونىمدى تەجەلەدى. ۇزدىكسىز قۇلشىنۋ جانە جالپى حالىق ات سالىسۋ ارقىلى استىق ۇنەمدەپ، ىسىراپشىلدىققا قارسى تۇرۋدى ىلگەرىلەتۋ تۇتاس قوعامدا داعدىعا اينالدىرىلادى.
ارەكەت جوباسىندا استىقتى ۇنەمدەپ، زياندى ازايتۋ ارەكەتى، جالپى حالىقتىڭ استىق ۇنەمدەۋ تانىمىن جوعارىلاتۋ ارەكەتى، اس-سۋ كاسىپورىندارىنىڭ ىسىراپشىلدىققا قارسى تۇرۋ ارەكەتى، مەكەمە-ورىندار اسحاناسىنىڭ ىسىراپشىلدىققا قارسى تۇرۋ ارەكەتى، زيان مەن ىسىراپشىلدىقتى ساناققا الىپ تەكسەرۋدى كۇشەيتۋ سياقتى ورنالاستىرۋلار جاسالدى.
